2 तीमुथियुस 2:24 - सोरियाली नय्या नियम

²⁴ और प्रभु का सेवक स झगड़ालू नै हुन चैनो, बल्कि सबून का दगाड़ मिलनसार और परमेश्वरा का बचन स निकीकैं सिखूनवालो और लोगून का दगाड़ धीरज धरून वालो हुन चैछो।

2 तीमुथियुस 2:24 Iomraidhean Croise

मत्ती 12:19

उ नै त झगाड़ा करोलो, और उ लोगून का बीच में कोई घमण्ड ले भरि भेरन भाषण नी द्योलो।

यहूना 6:52

यो बात में यहूदी लोग यो कैभेरन आपस में झगाड़ा करून लाग्यान, “यो आदिमी क्याखिन अपून माँसो खान खिन दी सकछो?”

प्रेरितून का काम 15:2

जब पौलुस और बरनबास यो बात खिन उनार दगाड़ सहमत नी छ्या, तब यो बातक बारिमें उनेरि बहस शुरू हो गै, और आखरी में यो फैसला भ्योछ, कि पौलुस और बरनबासा का दगाड़ अन्ताकिया का शैहरा का थ्वाड़ा लोग यो बारिमें बातचीत करन खिन प्रेरितून और बुज़ुर्गून का पास यरूशलम शैहर में ग्यान।

प्रेरितून का काम 23:9

तब भौत सोर-खराब हुन लागछै और मूसा का नियम-कानून स सिखून वाला, जो फरीसी लोग छ्या, ठाड़ है ग्या, और यो कैभेरन झगाड़ा करून लाग्यान, “हम यो आदिमी में के बुराई नै पाना; और शायद है सकछो की आत्मा या खुद स्वर्गदूत ले यैथैं बात कर होलि।”

प्रेरितून का काम 7:26

दुसारा दिन जब द्वी इस्राएली लोग आपस में लड़ून मरेछ्या, त उ वाँ आग्यो; और यो कैभेरन उनोरो आपस में मेल करून लागछो, “हे आदिमी, तुम त भाई-भाई छा, एक दुसारक दगाड़ किलैं बदसलूकी करछा?”

2 कुरिन्थियून 10:1

मैं पौलुस, मसीह की नम्रता और दया का कारण तुम लोगून थैं यो बिनती करून मरयूँ। मैंथैं कुछ लोग कुंनान कि जब मैं तुमार दगाड़ हुछूँ त डरफोक लागछूँ, लेकिन जब मैं दूर हुछूँ त तुमार दगाड़ सख्ती ले पेश ऊँछूँ।

2 कुरिन्थियून 10:4

हम अपूनी लड़ाई में जिन हथियारून को इस्तमाल करनू, उन यो संसार का बनिना का हथियार नाहातिन बल्कि हमार पास इसा शक्तिशाली हथियार छन, जो परमेश्वरेले हमून दीयान, जिनोरो इस्तमाल हम गढ़ून नाश करून खिन करनू।

2 कुरिन्थियून 6:4

लेकिन हर बात में हम यो साबित करनू कि हम परमेश्वरा का सच्चा सेवक छा। हम अपून निका गुणून दिखाभेरन, दुखून, क्लेशून, गरीबी और संकटून बड़ी हिम्मत का दगाड़ सहन करनू।

गलातियों 5:22

उ गुण जो परमेश्वरा का आत्मा का द्वारा उत्पन्न हुनान, उन यो छन, प्रेम, आनन्द, शान्ति, धीरज, और दया, भलाई, और भरोसामंद, नम्रता और अपून आप में काबू राखून।

इफिसियून 4:2

और पुरी दीनता और नम्रता, और धीरज राखभेरन प्रेम ले एक दुसरा का ब्यवहार स सहन करा।

फिलिप्पिन 2:14

सब काम बिना कुड़कुड़ाई और बिना बहस करा;

फिलिप्पिन 2:3

अपून फैदा खिन और घमण्ड में केले जन करा, लेकिन जतुक समान तुम अपूनो आप स दीछा उ है ज्यादा सम्मान दुसरान दी।

कुलुस्सियून 3:13

और अगर कैसे कैमें दोष लगूना को केले कारण हो, त एक दुसरा की सह ली, और एक दुसरा का अपराध माफ करा; जसा प्रभु ले तुमार अपराध माफ कर्यान, उसीकैं तुमूले करा।

1 थिस्सलुनीकियों 2:7

पर जसीकैं ईजा अपूनी नन्तिना को पालन-पोषण करछी, उसीकैं हमूले तुमार बीच में रैभेरन ऊसोई प्रेम दिखाछ।

1 तीमुथियुस 6:11

लेकिन हे तीमुथियुस, तैं परमेश्वर की सेवा करून वालो आदिमी छै, तैं इन बातुन भटे दूर रौ, और सच्चाई ले जीवन जी जो परमेश्वर स आदर दीछो। मसीह में विश्वास कर और लोगून प्रेम कर। मुशकील हालातून में धीरज राख, और दुसारा लोगून का दयालु बनभेरन रौ।

तीतुस 1:1

यो चिठ्ठी पौलुसाक तरफ भटे छै। मैं परमेश्वरो को दास और यीशु मसीह को प्रेरित छूँ। मैंस परमेश्वरा का चुनिना का लोगून को विश्वास मजबूत करून और उनेरि मद्दत करून खिन चुन रैछ, ताकि उन उ सच्चाई जाणभेरन इसो जीवन जियून, जैले परमेश्वर स आदर मिलछो।

तीतुस 1:7

क्याखिनकि अगुवान परमेश्वरा का मुन्सी हुना का कारण निर्दोष हुन चैछो; नै जिद्दी, नै क्रोधी, नै पियक्कड़, नै मारपीट करनवालो, और नै नीच कमाईको लालची हो।

तीतुस 1:9

ऊस यीशु मसीह का बचनून में मजबूती ले विश्वास करून चैछो जो हमूले ऊस सिखाईना को छ्यो। ताकि उ दुसरान सही शिक्षा मानून खिन हिम्मत दी सकून, और दुसरान का गलतिन ठीक कर सकून।

तीतुस 3:2

कैकी बदनामी जन कर, झगड़ालू नै हो, और शान्त आदत को हो, और सब लोगून का दगाड़ भौत दयालु बनभेरन रौ।

याकूब 1:1

मैं याकूब, यो चिठ्ठी लिखूनमरयूँ, जो परमेश्वर और प्रभु यीशु मसीह को सेवक छूँ। मैं यो चिठ्ठी इस्राएली लोगून जो बार गोत्ररून में भटे छन उनून लिखूनमरयूँ, जो पुर संसार में तितर-बितर होभेरन रूनान उनून मेरो नमस्कार।

याकूब 3:17

लेकिन जो ज्ञान परमेश्वर भटे मिलछो, उ पैलि त पवित्र हुछो, फिर मिलनसार, कोमल, निको बिचार वालो, दयालु और निका कामून ले भरिना को और बिना पक्षपात और बिना कपट ले हुछो।

याकूब 4:2

तुम इच्छा राखछा, लेकिन तुमून मिलूनो नै; येक कारण तुम खून करून खिन तैयार रूछा, और दुसरान की चीजून को लालच करछा, लेकिन इसो करना ले तुमून के नै मिलूनो; येक कारण तुम लड़छा और झगड़छा। तुमून येक कारण नै मिलूनो, कि तुम परमेश्वर थैं नै माँगना।

1 पतरस 3:8

आखिर में, मैं तुमूनथैं यो कुंन चाछूँ, कि तुम सबून को एक मन हुन चैछो, और एक-दुसारा में दया करा, और एक-दुसारा खिन प्रेम राखा, भलाई करा और नम्र बना।

यहूदा 1:3

हे म्यारा विश्वासी भाईयो, हालाकि मैं तुमून परमेश्वरा का उद्धार का बारिमें भौत कुछ लिखून चाछ्यू, जैमें हम सब भागीदार छा, लेकिन अब मैंस यो जरूरी लगून मर्योछ कि तुमून प्रोत्साहित करन खिन लिखू कि सच्ची शिक्षा की रक्षा खिन लड़ा। परमेश्वरेले अपून लोगून यो सत्य एक बार हमेशा खिन दी दीछ जो कभै नै बदलनो।