2 तीमुथियुस 2:2 - सोरियाली नय्या नियम

² तैले मैंस भौत लोगून का सामुनि जो यो गवाह छन मसीह का बारिमें उपदेश सिखून सुण रैछ, येक कारण मैं चाछूँ, कि तैले विश्वासीन योई संदेश सिखौ जो विश्वासयोग्य छै, ताकि उन दुसरान यो सिखा सकून।

2 तीमुथियुस 2:2 Iomraidhean Croise

मत्ती 13:52

यीशु ले उनूनथैं क्योछ, “येक कारण हरेक मूसा का नियम सिखून वालान जो स्वर्ग राज्य का बारिमें शिक्षा पा रैछ, उ घरा का मालिका का समान छै, जो अपून भण्डार भटे नय्या और पुरानी चीजून निकालछो।”

मत्ती 24:25

फिर यीशु ले क्योछ, देखा, क्याखिनकि मैंले तुमून पैलि बता हालछ्य कि संसार का अन्त में की-की होलो।

लूका 12:42

प्रभु ले क्योछ, उ विश्वासयोग्य और बुद्धिमान दास को होलो, जैस घरो को मालिक दुसारा दासून की निगरानी करून खिन नियुक्त करछो। उ ऊस ठीक बखत में खानो दीन खिन कुंछो। फिर उ खुद लम्बी यात्रा में न्हैजाछो।

1 कुरिन्थियून 4:2

एक आदिमी जैस अपून मालिक द्वारा काम करून खिन दीई ग्योछ, ऊस सच्ची में भरोसमंद हुन चैछो जो काम ऊस करून खिन दी रैछ ऊस उ पुर करौ।

2 कुरिन्थियून 2:14

परमेश्वरो को धन्यवाद हो, जो मसीह का दगाड़ हमार सम्बन्ध का कारण, उ हमून हमेशा अपून दगाड़ हिटूछो और हमून जीत दिलूछो। येको मतलब छै कि हम जाँ ले जानू, हम सुसमाचारे स सुणूनै जानू ताकि सब लोग परमेश्वरस जाणू और सुणून।

2 कुरिन्थियून 3:5

हम यो नै कुंना कि हमार पास खुद केले करना की काबलियत छै; लेकिन परमेश्वर हमून यो काबलियत दीछो।

कुलुस्सियून 1:7

उकी शिक्षा तुमूले हमार प्रिय दगड़िया इपफ्रास भटे सिखछै, जो हमून खिन मसीह को सच्चो सेवक छै।

1 तीमुथियुस 1:12

मैं अपून प्रभु यीशु मसीह स धन्यवाद दीछूँ, जिनुले मैंस सामर्थ दीछ, क्याखिनकि उले मैंस विश्वासयोग्य समझभेरन अपूनी सेवा खिन ठैहरा रैछ।

1 तीमुथियुस 1:18

हे म्यारा च्याला तीमुथियुस, मैं तैंस जो यो हुकुम दीन मरयू, मैं तैंस उन बातुन याद दिलून खिन कुछूँ, जो पैलि दिनून में त्यारा बारिमें जो भविष्यवाणी करिना की छी। तैंस उन झूठ्ठा शिक्षकून का खिलाफ सुसमाचार की सच्चाई खिन बड़िया तरीका ले लड़ून खिन बचन को प्रयोग एक हथियार का नियाती करून चैछो।

1 तीमुथियुस 4:14

उ वरदान स याद राख जो तैंस भविष्यवाणी का द्वारा विश्वासीन को अगुवान का हात राखून बखत तैंस मिछ्य, ऊस नजर अंदाज जन कर।

1 तीमुथियुस 4:6

अगर तैं विश्वासी भाई-बैनिन लगातार याद दिलूनै रौ, कि जेको मैंले तैंस अल्ले-अल्ले हुकुम दी रैछ, और तैं विश्वास और सही शिक्षा का द्वारा मजबूत करि गैछै, जेको तैं पालन ले करछै, त तैं यीशु मसीह को निको सेवक बनले।

1 तीमुथियुस 5:22

कैमें ले जल्दी हात राखभेरन ऊस अगुवा का रूप में नियुक्त जन कर, अगर तैं इसो करछै, त तैं उक पापून खिन जिम्मेदार होलै, और अपूनास बुरी बातुन है दूर राख।

1 तीमुथियुस 6:12

जसीकैं एक बड़िया सिपाई लड़ाई में लड़ूनो नै छोड़नो, उसीकैं तैंस ले परमेश्वर में विश्वास करून और उक हुकमून को पालन करून कभै नै छोड़ूनो चैछो। ताकि तैं अपून ईनाम का रूप में अनन्त जीवन पा सका, जै खिन तैं बुलाई ले गैछै। जब भौत लोगून का सामुनि तैंले कईना को ले छ्यो कि तैं मसीह में विश्वास कर छै।

2 तीमुथियुस 3:10

लेकिन हे तीमुथियुस, तैं निकीकैं जाण छै कि मैं कि सिखूछूँ, और कसा तरीका ले जीछूँ, जीवन में म्योरो की मक्शद छै और म्योरो कसो विश्वास छै। और तैं जाण छै कि मैं धीरज राखछूँ, और सब लोगून प्रेम करछूँ, मैंले दुखून सहन करछ्य।

2 तीमुथियुस 3:14

पर हे तीमुथियुस, इन बातुन में हमूले तैंस सिखायान और जिनूनमें तैं विश्वास ले करछ्य, और तैं लगातार इन बातुन में विश्वास ले अमल करूनै रौ; क्याखिनकि तैं जाण छै कि तैंस यो सच्चाई कैले बताछ।

इब्रानियों 2:17

यो कारण ले ऊस हर तरीका ले अपून भाईन की नियाती बनूनो पड़छो। इसीकैं उ परमेश्वरो को महायाजक बनछ्य जो कि दयालु और विश्वासयोग्य छै। और येक कारण उ अपूनास एक बलिदान का रूप में चढ़ा सको जो लोगून का पापून दूर कर द्योलो।