2 तीमुथियुस 2:16 - सोरियाली नय्या नियम

¹⁶ संसारा का और बेकार का बातुन भटे दूर रौ, क्याखिनकि जो लोग इन बातुन में शामिल हुनान, उ परमेश्वर है दूर हो जानान।

2 तीमुथियुस 2:16 Iomraidhean Croise

1 कुरिन्थियून 15:33

जो लोग इसकैं त बात करनान उनार द्वारा बेकुफ जन बना, “बुरी संगति निको चरित्र स ले बिगाड़ दीछी।”

1 कुरिन्थियून 5:6

तुमोरो घमण्ड करूनो बिल्कुल ले ठीक नाहातिन; कि थ्वाड़ा खमीर पुर ओलीना को धुलास खमीर कर दीछो? उसीकैं, अगर एक आदिमी स पाप करना की इजाजत दी जाछी, त जल्दी सब उई करून खिन प्रभावित होला।

1 तीमुथियुस 1:9

हम जाणनू की मूसा नियम-कानून धर्मी जन खिन नै, पर अधर्मीन, निरकुशून, भक्तिहीन, पापिन, अपवित्रून और अशुद्ध, और जो ईजा-बबान मारून वाला हत्यारा,

1 तीमुथियुस 4:7

लेकिन उन बेकार और पूर्वजून का झूठ्ठी कहानीन में अपूनो बखत बर्बाद जन करा, जेले परमेश्वरो को आदर नै मिलनो। बल्कि तुमून परमेश्वर स आदर दीन वाला जीवन खिन अपून आपस हमेशा सच्ची शिक्षा में बनिना को रून चैछो।

1 तीमुथियुस 6:20

हे तीमुथियुस, तैं पक्को कर जो परमेश्वर ले तैंस दी रैछ तैं उई करनै रौ। और उन लोगून की जन सुण जो हमेशा बेकार की बात करनै रूनान, जेले परमेश्वर स आदर नै मिलनो, और बेकार में बिरोध करनान और कुंनान, कि यो ज्ञान छै, लेकिन सच्ची में यो नाहातिनी।

2 तीमुथियुस 2:14

जो बात मैंले तैंस बाता राख्यान इन उनून विश्वासी लोगून बार-बार बतूनै रौ, और परमेश्वर स एक गवाह का रूप में राखभेरन, तैंस उनून चेतावनी दीनी चैछी कि उन शब्दून का मतलब स लीभेरन बाद-बिबाद जन करून, इसा तरीका को बिबाद करना ले कोई ले फैदा नै हुनो, लेकिन सुणन वाला लोगून को भौत नुकशान हुछो।

2 तीमुथियुस 2:21

उसीकैं अगर कोई विश्वासी अपून आपस इन बुरा कामून भटे अलग करोलो, और जैको जीवन पवित्र होलो, त उ भांणाका नियाती होलो जैस खास काम खिन इस्तमाल करि जाछो, येक कारण उको मालिका ऊस निका काम खिन इस्तमाल करोलो।

2 तीमुथियुस 3:13

लेकिन दुष्ट लोग और उन ध्वाकाबाज लोग और ले ज्यादा बुरा काम कराला। उन लोगून ध्वाका द्याला और खुद ले दुसरान थैं है ध्वाका खाला।

तीतुस 1:11

इसा लोगून विश्वासीन सिखूना को हुकुम जन दीये, क्याखिनकि जब उन इन बातुन सिखूनान जो उनून सिखूनी चैछी, त उन पुर परिवारो को विश्वास नाश कर द्याल। उन इसो येक कारण करनान ताकि धन कमा सकून।

तीतुस 1:14

तुम यहूदीन की झूठ्ठी कथा-कहानीन और उन लोगून का हुकुमन को पालन जन कर्या, जो सच्चाई भटे भटक ग्यान।

तीतुस 3:9

लेकिन बेकारा बहसून है दूर रौ। वंशावालिन की सूची में अपूनो बखत खराब जन करा, बैर-भाव और बिरोध, और उन झगड़ान है जो मूसा का नियम-कानून का बारिमें हुनान, उनून है बचभेरन रौ, क्याखिनकि उन बातुन को कोई फैदा नाहातिन और नै कैकी मद्दत कर सकछी।

इब्रानियों 12:15

सतर्क रौ, कई इसो नै हो, कि कोई ले आदिमी परमेश्वरा का अनुग्रह का बिना नै रै ज्यो। और ध्यान दी कि कोई ले आदिमी स अविश्वास में कड़वा रूखा का जड़ा का नियाती जन बनून दी जो उक जहर का दगाड़ कई परेशानीन का कारण बनछो, जैले उ आदिमी परमेश्वर है दूर हो ज्यो।

2 पतरस 2:18

जब झूठ्ठा शिक्षक लोगून शिक्षा दीनान, तो उन बेकार और घमण्ड ले भरिना क शब्दून को इस्तमाल करनान। उन लोगून बतुनान कि उन-उन बेशर्मी का कामून कर सकनान जो उनार शरीर करून चानान और उन लोगून फिर पाप करून खिन भरमा दीनान जो यैले-यैले इसा बुराई का जीवन ले बचभेरन निकलनान।

2 पतरस 2:2

भौतसा लोग जो कुंनान कि उ विश्वासी छन, उन इन झूठ्ठा शिक्षकून का बुरा कामून की नकल कराला, और दुसरा लोग जो विश्वासी नाहातिन, उन परमेश्वरा का तरफ जानवाला बाटा का बारिमें बुरा-बुरा बातुन कराला।

प्रकाशितवाक्य 13:14

भौत लोग उ दुसारा जानवरक चमत्कारा का कामून देखभेरन ध्वाका खा ग्या जो पैला जानवरै की शक्ति ले देखूछ्यो। दुसारा जानवरक द्वारा लोगून थैं कयी ग्यो उन उ पैला जानवरै की पूजा करून खिन एक मूर्ति बना, जो तलवारै घायल करि गेछ्यो, लेकिन उ फिर चंगो हो गेछ्यो।

प्रकाशितवाक्य 13:3

उक ख्वारान में भटे एक ख्वारा में एक भौत ठूलो घ देखछ्य जो उक मौत को कारण बन सकछ्यो, लेकिन उको उ घ ठीक होग्यो, येक कारण संसारा का सब लोग ताजुब हो जाछो और उन उ जानवर पछिल-पछिल हिटून लागनान।