2 तीमुथियुस 2:1 - सोरियाली नय्या नियम

¹ येक कारण, हे म्यारा च्याला तीमुथियुस, तैं अपून आपस मजबूत कर यो जाणभेरन कि परमेश्वर ले तैंस उ अनुग्रह दी रैछ, जो सिर्फ यीशु मसीह का तरफ भटे मिलछो।

2 तीमुथियुस 2:1 Iomraidhean Croise

1 कुरिन्थियून 16:13

सतर्क रौ; विश्वास में मजबूत बनिनाक रौ, हिमती बना, और परमेश्वरा का दगाड़ मजबूत रिशता राखा।

इफिसियून 6:10

आखरी में प्रभु की सामर्थ का द्वारा आत्मिक रूप में मजबूत बन रौ।

फिलिप्पिन 4:13

मसीह का जरियाले जो सामर्थ मैंस दीछो, उमें मैं सब कुछ कर सकछूँ।

1 तीमुथियुस 1:18

हे म्यारा च्याला तीमुथियुस, मैं तैंस जो यो हुकुम दीन मरयू, मैं तैंस उन बातुन याद दिलून खिन कुछूँ, जो पैलि दिनून में त्यारा बारिमें जो भविष्यवाणी करिना की छी। तैंस उन झूठ्ठा शिक्षकून का खिलाफ सुसमाचार की सच्चाई खिन बड़िया तरीका ले लड़ून खिन बचन को प्रयोग एक हथियार का नियाती करून चैछो।

1 तीमुथियुस 1:2

तीमुथियुस मैं यो चिठ्ठी तैंस लिखूनमरयूँ। तैं म्यारा अपून च्याला नियाती छै क्याखिनकि तैले मसीह में विश्वास करछै जसीकैं मैं करछूँ। मैं प्रार्थना करछूँ कि पिता परमेश्वर और हमोरो प्रभु यीशु मसीह तैंस अनुग्रह और दया, और शान्ति दीनै रून।

2 तीमुथियुस 1:1

यो चिठ्ठी पौलुसाक तरफ भटे छै, परमेश्वर ले मैंस येक कारण चुन रैछ कि मैं यीशु मसीह यीशु में प्रेरित बनू ताकि मैं यो संदेश को प्रचार कर सकूँ, कि परमेश्वर ले अनन्त जीवन दीना को वादा करिना को छै जो यीशु मसीह में विश्वास करना ले मिलछो।

2 तीमुथियुस 1:2

मैं यो चिठ्ठी तीमुथियुस स लिखूनमरयूँ, तैं म्यारा च्याला नियाती छै। मैं प्रार्थना करछूँ कि पिता परमेश्वर और हमोरो प्रभु यीशु मसीह तैंस अनुग्रह और दया, और शान्ति दीनै रून।

2 तीमुथियुस 1:7

क्याखिनकि परमेश्वर ले हमून डरफोक नै बनायो। बल्कि उको आत्मा हमार दिलून मजबूत बनूछो, और हमून एक दुसरा स प्रेम करून में, और हर हालात में अपून में काबू राखून में मद्दत करछो।

2 तीमुथियुस 2:10

येक कारण मैं उन लोगून का फैदा खिन सब दुखून सहन करछूँ, जिनून परमेश्वर ले चुन रैछ, ताकि उन ले यीशु मसीह में विश्वास करून और बचाई जा सकून, और उ महिमा स पा लीन जो हमेशा खिन बनिना की रूछी।

2 तीमुथियुस 4:17

पर प्रभु म्योरो मद्दतगार र्योछ, और मैंस सामर्थ दीछ ताकि मैं उ कचैरी में मजुद सब गैर-यहूदीन पुर तरीका ले यीशु मसीहक बारिमें सुसमाचार स सुणा सकयू, और मैंस मौत है ले बचाछ।

2 पतरस 3:18

बल्कि तुम इसीकैं जीवन बिता कि तुम हमार मुक्तिदाता यीशु मसीह का अनुग्रह और ज्ञान में बढ़नै जा और ऊस बड़िया तरीका ले जाण सका। उकी महिमा अब ले और हमेशा हुनै रौ। आमीन।