2 तीमुथियुस 1:9 - सोरियाली नय्या नियम

⁹ परमेश्वरे ले हमोरो उद्धार करछ्य, और हमून पवित्र जीवन जीन खिन बुलाछ। उले हमून येक कारण नै चुनियो की हमूले भल काम कर्यान, लेकिन अपून मक्शद और उ अनुग्रह का कारण बुलाछ, जैकी योजना परमेश्वरे ले पैलि भटे यीशु मसीह स यो संसार में भेजना का द्वारा बनाईना की छी।

2 तीमुथियुस 1:9 Iomraidhean Croise

मत्ती 1:21

और उ एक च्याला स जन्म देली, तैं उको नाम यीशु राखैं, क्याखिनकि उ अपून लोगून पापून भटे मुक्ति दिलालो।”

लूका 10:21

तब उई बखत यीशु पवित्र आत्मा में हो भेरन खुशी ले भरीग्यो, और कूछो, हे पिता, स्वर्ग और धरतीका प्रभु, मैं तेरो धन्यवाद करछूँ कि तैले इन बातुन बुद्धिमानून और समझदारून भटे दूर राखछ्य और नान्तिना में प्रगट करछ्य। होई, हे बाब तैंस योई निको लागछ्य।

यहूना 17:24

फिर यीशु ले क्योछ, “हे पिता परमेश्वर मैं चाछूँ कि जिनून तुमूले मैंस दी रैछ, जा मैं छूँ, वाँ उन ले म्यारा दगाड़ हुन कि उन मेरि उ महिमा स देख सकून जो तुमूले मैंस दीछ, क्याखिनकि तुमूले संसारा का शुरू भटे मैथैं प्रेम राखछ।

यहूना 17:9

मैं उनून खिन प्रार्थना करछूँ, जिनून तैले मैंस दीछ, क्याखिनकि उन त्यारा छन; लेकिन मैं उनून खिन बिनती नै करनू, जो संसार भटे संबन्ध राखनान।

यहूना 6:37

जो कुछ पिता परमेश्वर मैंस दीछो, उ सब म्यारा पास आलो, और जो कोई म्यारा पास आलो ऊस मैं अपून दगाड़ राखलो।

प्रेरितून का काम 15:18

योई प्रभु कुंछो जो संसाराक शुरूवाद भटे इन बातुन को समाचार दीनै आ र्योछ।’

प्रेरितून का काम 2:47

और उन परमेश्वरेकि अराधना करछ्या, और सब लोग उनून देखिभेरन खुश छ्या और जो उद्धार पा जाँछ्या, उनून प्रभु हर रोज उनूनमें मिला दी छ्यो।

रोमियून 11:14

ताकि यो तरीका ले मैं अपूनी जातिक लोगून भटे जलन करवाभेरन उनूनमें भटे कैको त उद्धार करूँ।

रोमियून 11:29

क्याखिनकि परमेश्वर अपून बरदानून वापस नै लीना, और नै बुलाहट कभै अपूनो मन बदलनो।

रोमियून 16:25

अब तुमून म्येरो सुसमाचार जो यीशु मसीह का बारिमें छै, तुमून प्रचार करभेरन विश्वास में मजबूत कर सकछो। किलैकी यो सुसमाचार सदियून भटे लुका भेरन राखिनाको छ्यो।

रोमियून 3:20

किलैंकी मूसा नियम-कानून मानना का द्वारा कोई ले आदिमी परमेश्वरा का सामुनि धर्मी नी ठैहरोलो, किलैंकी नियम-कानून हमून साफ-साफ बता दीनान की हम पापी छा।

रोमियून 9:11

और अब तक उन द्वीवै नान्तिना को जन्म ले नी हो र्योछ, और उनूनले उ बखत तक कोई बुरौ या भल काम नी करिनाको छ्यो, जब रिबका थैं यो कईग्यो, की तेरो ज्योठो च्योलो तेरो नान च्याला को दास बनलो।” यो येक कारण भ्योछ की परमेश्वरे की योजना ऊस चुन लिनाका अनुसार बनिना की रैछ। जो आदिमी का कामून नै; लेकिन बुलून वाला का फैसला का कारण छै।

रोमियून 9:24

चाहे यहूदी हो या गैर-यहूदी, हमी उन चुनिना का लोग छा।

1 कुरिन्थियून 1:18

क्याखिनकि जब लोग परमेश्वरो को यो सुसमाचार सुणूनान, कि यीशु मसीह सूली में हमार पापून खिन बलिदान हो ग्यो, त उनूनमें भटे कुछ लोग कुंनान कि यो सुसमाचार मूर्खतापूर्ण छै। इसो तरीका ले सोचून वाला लोग परमेश्वरा का सजा का हक्कदार छन, लेकिन हमून खिन जो यो सुसमाचार में विश्वास और उद्धार पा रैछ उनून खिन परमेश्वरै सामर्थ छै।

इफिसियून 1:11

येक अलावा, किलैंकी हम मसीहाक दगाड़ एकता में छा, हमून परमेश्वर भटे बिरासत मिल रैछ, किलैंकी उले हमून पैलिक भटे चुनिनाको छ्यो, और उकी योजना का अनुसार सब चीज काम करनान।

इफिसियून 1:9

परमेश्वरे ले उई करछ्य, जो उले गुप्त राखिना को छ्यो, और हमून उ गुप्त योजना का बारिमें बातछ जैस उले पैलि मसीहक द्वारा पुरो करना को फैसला लीछ।

इफिसियून 2:5

जब हम पापून का कारण मरिनाका लोगून का नियाती छ्या, त उले मसीह का दगाड़ हमार रिशता का कारण हमून आत्मिक जीन्दगी पान योग्य बनाछ। परमेश्वरा का अनुग्रह ले तुमोरो उद्धार भ्योछ।

इफिसियून 3:11

परमेश्वर ले अपून योजना का अनुसार इसो करछ्य, जैले उले हमार प्रभु यीशु मसीह यीशु का द्वारा पुरो करछ्य।

फिलिप्पिन 3:14

लक्ष्य का तरफ दौड़नै जाछूँ, ताकि उ ईनाम पा सकूँ, जैखिन परमेश्वर ले मैंस यीशु मसीह का जरियाले स्वर्ग खिन बुला रैछ।

1 थिस्सलुनीकियों 4:7

क्याखिनकि परमेश्वर ले हमून अशुद्ध जीवन जीन खिन नै बल्कि पवित्र जीवन जीन खिन बुला रैछ।

1 तीमुथियुस 1:1

यो चिठ्ठी पौलुसा का तरफ भटे छै, मैंस मुक्तिदाता परमेश्वरा का अधिकारा का द्वारा और मसीह यीशु जैमें हम आश राखनू प्रेरित बनून खिन नियुक्त कर रैछ।

2 तीमुथियुस 1:1

यो चिठ्ठी पौलुसाक तरफ भटे छै, परमेश्वर ले मैंस येक कारण चुन रैछ कि मैं यीशु मसीह यीशु में प्रेरित बनू ताकि मैं यो संदेश को प्रचार कर सकूँ, कि परमेश्वर ले अनन्त जीवन दीना को वादा करिना को छै जो यीशु मसीह में विश्वास करना ले मिलछो।

तीतुस 1:2

येक कारण उन परमेश्वरा का दगाड़ हमेशा खिन रून की आश करनान, क्याखिनकि परमेश्वर जो कभै झूठ नै बोलूनो, उले संसारा बनून है पैलि वादा करिना को छ्यो कि उक लोग हमेशा खिन ज्यूना रौला।

इब्रानियों 3:1

येक कारण, हे म्यारा विश्वासी भाईयो, तुमून स्वर्ग में उक दगाड़ शामिल हुन खिन बुला रैछ, उ प्रेरित और महायाजक मसीह यीशु में ध्यान दी, जो हमून खिन परमेश्वरो को सुसमाचार लीभेरन उनो वालो छै।

1 पतरस 1:20

यो संसारे स बनून है पैलि, परमेश्वरेले पैलि है यो तय करिनाको छ्यो कि यीशु मसीह यो संसारो को मुक्तिदाता होलो। लेकिन उ तुमेरि मद्दत करून खिन इन अंतिम दिनून में यो संसार में आछ।

1 पतरस 2:9

लेकिन तुम इसा नाहातिन किलैकी तुम परमेश्वरा का चुनिना का लोग छा तुम परमेश्वरा का याजक छा, जो राजा छै, तुम परमेश्वर की सेवा करून खिन समर्पित छा और तुम परमेश्वरा का खास लोग छा। किलैकी उले तुमून अन्यार में भटे भ्यार अपून अद्धभुत उज्याल में बुलाईना का छा, ताकि तुम परमेश्वरा का अद्धभुत कामून का बारिमें बता सका।

प्रकाशितवाक्य 13:8

संसारा का सब लोग उकी पूजा करून लाग्यान। सिर्फ उनी लोगून ले उकी पूजा नै करि जिनारा नाम संसारा बनून है पैलि जीवन की किताब में लिखीना का छ्या। यो जीवन की किताब उ मेम्ना की किताब छै जैस बलिदान का रूप मारिना को छ्यो।

प्रकाशितवाक्य 17:8

जो जानवर स तैले एल देखछ्य, एक बखत ज्यून छ्यो, लेकिन अब ज्यून नाहातिन; उ गैरा गड्डा भटे भ्यार उनवालो छै और परमेश्वर ऊस पुर तरीका ले नाश कर द्योलो; और संसारा का लोग जिनारा नाम संसार बनून है पैलि जीवनै की किताब में नै लिख रै, उन सब हैरान हो जाला जब उन यो जानवरै स देखाला। जो एक बखत ज्यून छ्यो; अब उ ज्यून नाहातिन; लेकिन उ फिर वापस आ जालो।