2 तीमुथियुस 1:12 - सोरियाली नय्या नियम

¹² मैं येक कारण जेल में ले इन दुखून सहन करून मरयू कि मैं लोगून यीशु मसीह का बारिमें सुसमाचार को प्रचार करछूँ। लेकिन मैं शरमानू नै, क्याखिनकि मैं मसीह स जाणछूँ; जैमें मैं विश्वास करछ्य, और मैंस पक्को विश्वास छै कि मसीह उ दिन तक जब तक उ वापस नी आलो, मसीह उ दिन तक मेरि धरोहर की रक्षा करून में पुर तरीका ले सामर्थी छै।

2 तीमुथियुस 1:12 Iomraidhean Croise

मत्ती 12:21

और अन्यजाति उक नाम में आश राखाला।”

मत्ती 24:36

यीशु ले फिर क्योछ, कोई ले नै जाणनो उ दिन और उ बखता कब आलो, नै त स्वर्गदूत और नै त मैं आदिमी को च्योलो, यो केवल म्येरो स्वर्गीय पिता जाणछो।

मत्ती 7:22

और न्याय का दिन भौत लोग मैंथै कौला, ‘हे प्रभु, हे प्रभु, क्या हमून ले त्यारा नामेंले भविष्यवाणी नै कर्या और त्यारा नामेंले भूतून नै निकाल्याई, और त्यारा नामेंले भौत चमत्कारा काम नै कर्या?’

लूका 10:12

मैं तुमूनथैं कुछूँ, कि उ दिना नगरा का लोगून की हालत सदोम शैहरा का लोगून की हालत भटे ज्यादा खराब होलि।

लूका 23:46

और यीशु ले जोरले ध्दयाछ, “ओ पिता, मैं अपूनी आत्मा स त्यारा हात में सौंप छूँ।” और यो कैभेरन यीशु ले अपून प्राण छोड़ दीयान।

यहूना 17:15

मैं यो प्रार्थना नै करनू कि तुम उनून संसार भटे उठा ली लेकिन यो कि तैं उनून शैतान भटे बचौ राख।

यहूना 6:44

कोई ले म्यारा पास तब तक नै आ सकूनो, जब तक पिता परमेश्वर, जेलै मैंस भेज रैछ, ऊस लीभेरन नै ऊँ; और मैं आखिरी दिन ऊस फिर ज्यून करोलो।

प्रेरितून का काम 13:46

तब पौलुस और बरनबासले निडर है भेरन उनूनथै क्योछ, “जरूरी यो छै कि पैलि परमेश्वरो को बचन तुमून सुणाई जानो, लेकिन जब तुम ऊस नकार दीछा, और अपूनास अनन्त जीन्दगी का लायक नै ठैरूना, त अब हम गैर-यहूदी लोगून का पास जूला।”

प्रेरितून का काम 13:50

लेकिन यहूदीन का अगुवा ले भक्त और ठुल जाति का स्यैनिन और शैहरा का खास आदिमीन भड़काछ। उनूनले पौलुस और बरनबासा का खिलाफ उपद्रव कराभेरन उनून अपून इलाक भटे भ्यार निकाल दीछ

प्रेरितून का काम 21:13

लेकिन पौलुसले उनुस जबाब दीछ, तुम कि करछा? तुम डाड़ मार-मारभेरन मैंस निराश किलैं करछा, मैं प्रभु यीशु मसीहक नाम ले यरूशलम शैहर में नै केवल बाँदि जान खिन पर मरून खिन ले तैय्यार छूँ।

प्रेरितून का काम 7:59

और उन स्तिफनुस ढूंगा ले लोड़ियूनै र्यान, स्तिफनुसले प्रार्थना करछ्य, “हे प्रभु यीशु, मेरि आत्मा स स्वीकार कर।”

प्रेरितून का काम 9:16

और मैं ऊस बतुलो कि म्यारा बारिमें प्रचार करना का कारण ऊस कसो दुख उठून पड़ोलो।”

रोमियून 1:16

किलैंकी मैं यीशु मसीह को सुसमाचार में पुरो विश्वास करछूँ, अपूनी सामर्थ ले परमेश्वर उन सबून को उद्धार करछो, जो यो सुसमाचार में विश्वास करनान, सबून है पैलि त यहूदी लोगून खिन और फिर उनून खिन जो यहूदी नाहातिन।

रोमियून 9:33

जसो परमेश्वर ले पवित्रशास्त्र में क्योछ, “देख मैं यरूशलम शैहर में एक इसो ढूंगो राखछूँ जो लोगून खिन ठोकर दीभेरन खितना कारण बनूछो, और लोगून खितूनवाली चट्टान राखूनमर्यू और जो उमें विश्वास करोलो, उ लज्जित नी होलो।”

1 कुरिन्थियून 1:8

परमेश्वर तुमून अन्त तक विश्वास में मजबूत करोलो, कि प्रभु यीशु मसीह दुबारा वापस आलो, त तुम निर्दोष पाई जा।

1 कुरिन्थियून 3:13

लेकिन जब न्याय को दिन आलो, त आगो में हरेक आदिमी को काम प्रगट होलो। और उ हरेक को काम परखोलो की कसो छै।

फिलिप्पिन 1:20

मैं त भौत इच्छा और उमीद राँख छूँ, कि मैं कोई ले बात में शर्मिन्दा नी हुलो, लेकिन मैंमें मसीह का बारिमें बोलना की हिम्मत हो, जसो मैंले पैलि ले करिना को छ्यो। चाहे मैं ज्यून रून या मरि जू मैं अपून पुर जीवन का जरियाले मसीह की महिमा हमेशा करनै रूलो।

फिलिप्पिन 3:10

मैं यो चाछूँ कि मसीह स जाणू लीयू। और उक मरिना में भटे ज्यून हुना की सामर्थ स महसूस कर सकूँ, और उक दुख में शामिल भेरन उकी मौत में उको जसो बनज्यू।

फिलिप्पिन 3:21

प्रभु यीशु मसीह अपूनी उ सामर्थ का अनुसार, जैका जरिया उ हर एक चीज स अपून बश में कर सकछो। हमार कमजोर शरीरो को रूप बदलभेरन, अपूनी महिमा का शरीरा का अनुसार बदल द्योलो।

फिलिप्पिन 3:8

क्याखिनकि यीशु मसीह स जाणून बाकि सब चीजून है कई बढ़भेरन छै, मैं सब चीजून बेकार समझछूँ। जैका कारण मैंले सब चीजून छोड़ दीयान, और उनून कूड़ो समझछूँ, ताकि मैं मसीह जाण सकूँ।

1 थिस्सलुनीकियों 2:16

उन हमून गैर-यहूदीन यो बतून है रोकना की कोशिश करून मरैछ्या कि परमेश्वर उनून कसीकैं बचा सकछो और उन पाप में पाप करनै जानान, और अन्त में परमेश्वर उनून सजा द्योलो।

1 थिस्सलुनीकियों 5:4

पर हे म्यारा विश्वासी भाईयों, तुम अन्यारो में नाहतिना कि प्रभु यीशु को दुबारा उनाको दिन तुमून में चोर का नियाती अचानक आ पड़ौ।

1 तीमुथियुस 6:20

हे तीमुथियुस, तैं पक्को कर जो परमेश्वर ले तैंस दी रैछ तैं उई करनै रौ। और उन लोगून की जन सुण जो हमेशा बेकार की बात करनै रूनान, जेले परमेश्वर स आदर नै मिलनो, और बेकार में बिरोध करनान और कुंनान, कि यो ज्ञान छै, लेकिन सच्ची में यो नाहातिनी।

2 तीमुथियुस 1:14

यीशु मसीह का बारिमें सुसमाचार की रखवाली कर जो परमेश्वरे ले तैंस दीईना को छ्यो, पवित्र आत्मा का मद्दत ले जो हमून में रूछो।

2 तीमुथियुस 1:16

उनेसिफुरूस का घराना में प्रभु दया करो, क्याखिनकि उले म्यारा पास आभेरन मेरि भौत मद्दत करछ्य, और याँ जेल में मैंथैं मिलभेरन शर्मिन्दा नै भ्यो।

2 तीमुथियुस 1:18

मैं बिनती करछूँ, कि न्याय का दिन प्रभु उनेसिफुरूस में अपूनी महान दया करौ और तैं खुद निकीकैं जाण छै कि इफिसुस शैहर में मेरि कतुक मद्दत करछ्य।

2 तीमुथियुस 1:8

येक कारण तैं हमार प्रभु यीशु मसीह का बारिमें बतून में शर्मिन्दा जन हो, और नै तैंस यो बात में शर्म उनी चैछी मैं उकी सेवा करून में कैद में छूँ, बल्कि तैंस उ सामर्थ को इस्तमाल करून चैछो, जो परमेश्वर तैंस दीछो, और तैंस म्यारा दगाड़ उन दुखून में शामिल ले हुन चैछो, जो मैं सुसमाचार कारण सहन करून मरयू।

2 तीमुथियुस 2:9

मैं जेल में एक अपराधी का नियाती दुख सहन मरयू क्याखिनकि मैं सुसमाचार को प्रचार करछूँ। कोई ले आदिमी परमेश्वरा का बचन को प्रचार करून है नै रोक सकूनो।

2 तीमुथियुस 4:8

अब प्रभु ले मैं खिन ईनाम राखिना को छै, क्याखिनकि मैं इसो जीवन जी छै जो ऊस खुश करछो। हमोरो प्रभु यीशु मसीह जो सच्चाई ले न्याय करछो, उ मैंस उ दिना ईनाम द्योलो जब उ न्याय करून खिन वापस आलो। मगर यो ईनाम सिर्फ मैंस नी द्योलो बल्कि उनून सबून ले जो वफादारी का दगाड़ प्रभु उनाको इंतजार करून मर्यान।

तीतुस 3:8

यो बात हर तरीका ले मानून लायक छै, जो मैंले तैंस बतायान और मैं चाछूँ कि तैं विश्वासीन इन बातूना का बारिमें मजबूती ले सिखौ। येक कारण कि जिनूनले परमेश्वर में विश्वास करछ्य, उन भल काम करून खिन अपूनो बखत दीन खिन ध्यान लगून। यो बात सबून खिन निकी और फैदा की छै।

इब्रानियों 12:2

हमून यीशु का तरफ देखनै रून चैछो, जो हमून अघिल बढ़ूछो और हमोरो विश्वास पुरो करछो। उले लज्जा की के चिन्ता नै करभेरन सूली को दुख सह लीछ; किलैकी उ जाण छ्यो कि बाद में ऊस खुशी होलि कि उले इसो करछ्य। अब उ परमेश्वरा का सिंहासन का दैन तरफ बैठिना को छै।

इब्रानियों 2:18

किलैकी जब उले परीक्षान का बखत दुख सहन करछ्य त अब उ उन लोगून की मद्दत कर सकछो जो परीक्षान ले दुखून को सामना करून मर्यान।

इब्रानियों 7:25

येक कारण जो यीशु मसीह का द्वारा परमेश्वरा का पास उनान, उ उनोरो पुरो-पुरो उद्धार कर सकछो, किलैकी उ उनून खिन बिनती करून खिन हमेशा ज्यूनो छै।

1 पतरस 1:5

परमेश्वरै अपूनी सामर्थ का द्वारा तुमून सुरक्षित राखून मर्योछ किलैकी तुम यीशु में विश्वास करछा। उ आखरी दिन जब मसीह वापस आलो, तुमून हर दिन सुरक्षित राखोलो। तब तुम जाण जाला कि परमेश्वरेले तुमून पाप और मौत भटे पुरी तरीका ले बचाछ।

1 पतरस 4:16

लेकिन अगर कैसे मसीह हुना का नाता ले दुख सहन करून पड़ो, त तुम येस शर्म की बात जन समझा, बल्कि परमेश्वरै की महिमा करा कि तुम येक कारण दुख सहन करून मरेछा किलैकी तुम मसीह का लोग छा।

1 पतरस 4:19

येक कारण, जो लोग उ दुख स सहन करनान जसी परमेश्वरै की इच्छा हुछी, उनून हमेशा परमेश्वर में भरोस राखून चैछो, जैले उनून बनाछ। परमेश्वर हमेशा उ करछो जैस करना को उले वादा करिना को छ्यो और येक कारण जो भल काम छन उनून हमेशा करनै रौ।

यहूदा 1:24

एकमात्र परमेश्वरै छै जो तुमेरि रक्षा कर सकछो, और तुमून निर्दोष और आनन्दित बना सकछो, जब उ तुमून अपूनी महिमा में अपून सामुनि ठाड़ करछो। उले हमून हमार प्रभु यीशु मसीह का द्वारा बचाछ। महिमा, गौरव, सामर्थ और अधिकार हमारा प्रभु यीशु मसीह का द्वारा जसकैं हमेशा भटे छै, अब हो, और हमेशा-हमेशा तक रौ। आमीन।