2 थिस्सलुनीकियों 3:5 - सोरियाली नय्या नियम

⁵ हम प्रार्थना करनू कि प्रभु यीशु तुमून यो समझ दे कि परमेश्वर तुमून कतुक प्रेम करछो, और जब लोग तुमून सतूनान कसीकैं मजबूत रून छै, ठीक उसकैं जसीकैं मसीह मजबूत‌ छ्यो।

2 थिस्सलुनीकियों 3:5 Iomraidhean Croise

रोमियून 5:5

और आश ले शर्म नै हुनी, क्याखिनकि पवित्र आत्मा जो परमेश्वर ले हमून दी रैछ, उक दवारा परमेश्वरो को प्रेम हमार मन में भरिना को छै।

रोमियून 8:28

हम जाणनू कि जो लोग परमेश्वरा का दगाड़ प्रेम राखनान, उन लोगून खिन सब बात मिलभेरन निको अंत ल्यूछो। और उकी इच्छा का अनुसार चुनी ग्यान, परमेश्वर उनेरि भलाई खिन सबै बातुन में उनेरि मद्दत करछो।

1 कुरिन्थियून 8:3

लेकिन अगर कोई परमेश्वर थैं प्रेम राखछो, त परमेश्वर उ आदिमी स जाणछो।

गलातियों 5:22

उ गुण जो परमेश्वरा का आत्मा का द्वारा उत्पन्न हुनान, उन यो छन, प्रेम, आनन्द, शान्ति, धीरज, और दया, भलाई, और भरोसामंद, नम्रता और अपून आप में काबू राखून।

1 थिस्सलुनीकियों 1:10

और तुम स्वर्ग भटे परमेश्वरा का च्याला स वापस उनाकी उमीद करून मरेछा, जैस परमेश्वर ले मुर्दान में भटे ज्यून करछ्य, मतलब यीशु मसीह स, जो हमून परमेश्वरा का उनवाला क्रोध है बचूछो।

1 थिस्सलुनीकियों 1:3

जब हम पिता परमेश्वर थैं प्रार्थना करनू, त हम उन कामून याद करनू जो तुम विश्वास का कारण करछा, और विश्वासीन की मद्दत करून खिन भौत मेहनत करछा, क्याखिनकि तुम उनून प्रेम करछा, और तुम धीरज का दगाड़ सताव सहछा, क्याखिनकि तुम प्रभु यीशु मसीह का वापस उनाकी आश राँख छा।

1 थिस्सलुनीकियों 3:11

हम प्रार्थना करनू कि हमार पिता परमेश्वर और प्रभु यीशु मसीह तुमार पास उन खिन हमून खिन बाटो तैयार करून।

2 तीमुथियुस 4:8

अब प्रभु ले मैं खिन ईनाम राखिना को छै, क्याखिनकि मैं इसो जीवन जी छै जो ऊस खुश करछो। हमोरो प्रभु यीशु मसीह जो सच्चाई ले न्याय करछो, उ मैंस उ दिना ईनाम द्योलो जब उ न्याय करून खिन वापस आलो। मगर यो ईनाम सिर्फ मैंस नी द्योलो बल्कि उनून सबून ले जो वफादारी का दगाड़ प्रभु उनाको इंतजार करून मर्यान।

तीतुस 2:13

हम इसीकैं ब्यवहार करनू जब हम उ दिनो को इन्तजार करूनमर्यान, जैकी हमून आश छै, उ दीन जब यीशु मसीह, जो हमोरो महान परमेश्वर मुक्तिदाता छै, अपूनी पुरी महिमा का दगाड़ संसार में वापस आलो।

इब्रानियों 9:28

उसीकैं, मसीह ले सब लोगून का पापून अपून मलिमें लीभेरन एक बार बलिदान हो ग्यो। जब उ दुबारा आलो तब उ पापून खिन बलिदान हुन खिन नी आलो बल्कि उनून बचुन खिन जो उको इंतजार करून मर्यान।

याकूब 2:5

हे म्यारा प्यारा दगड़ियो, सुणा। क्या परमेश्वरले संसाराक गरीबून नै चुनियो, कि उन विश्वास में धनी और उ राज्य का वारिस बना, जेको वादा परमेश्वर ले उनूनथैं कर रैछ, जो ऊस प्रेम करनान।

1 पतरस 4:1

येक कारण जसीकैं मसीह ले अपून शरीर में रैभेरन दुख उठाछ, उसीकैं तुमून ले उई स्वभावा का दगाड़ दुख उठून खिन तैयार रून चैछो जो उक पास छ्यो। किलैकी अगर तुम मसीह खिन दुख उठून खिन तैयार छा त तुमूले पाप नै करना को फैसला कर हालछ्य।

2 पतरस 3:12

इस तरीका ले ब्यवहार करा जसीकैं तुम उ दिना को इन्तजार करून मरेछा जो परमेश्वरेले चुनिना को छै जब मसीह वापस आलो, और उ दिना का जल्दी ऊँन खिन अपून तरफ भटे पुरी कोशिश करा। ऊस दिना, आग भड़कोलो और आकाश स नाश कर द्योलो, और उकी गर्मी आकाश में सब कुछ पिघला देली।

1 यहूना 4:19

हम येक कारण परमेश्वरे स और दुसारान थैं प्रेम करनू, किलैकी परमेश्वरेले पैलि हमूस प्रेम करछ्य।

प्रकाशितवाक्य 1:9

मैं, यहूना, जो मसीह में तुमोरो दगड़िया छूँ, तुमार नियाती सताई जाछूँ। मैं परमेश्वर क राज्यो को एक नागरिक छूँ जसकैं तुम छा, और मैंस ले अपूनी परेशानीन उसीकैं धैर्य दगाड़ सहन करूनो चैछो जसकैं तुम करछा। मैं परमेश्वरा का बचन को प्रचार करून और यीशु का बारिमें बतूना का कारण पतमुस टापू में भेज दी गैछ्यू।

प्रकाशितवाक्य 13:10

जिन लोगून को कैद में जानो तय छै, उन जरूर कैद में डाली जाला, और जिन लोगून तलवार ले मारी जान छै, उनून तलवारे ले मारी जालो। येक कारण परमेश्वरा का लोगून को दुख सहन में धैर्य राखून चैछो और उमें विश्वास करून जारी राखून चैछो।