2 थिस्सलुनीकियों 2:9 - सोरियाली नय्या नियम

⁹ उ दुष्ट शैतान सामर्थ का दगाड़ आलो और कई प्रकारा का झूठ्ठा चमत्कार, और चिन और अद्धभुत कामून करोलो जेले लोगून यो लागोलो कि परमेश्वर इन कामून करूनमर्योछ।

2 थिस्सलुनीकियों 2:9 Iomraidhean Croise

मत्ती 12:22

तब लोग एक अन्धा-गूँगा आदिमी स जैमें भूत लागिना को छ्यो, ऊस यीशु का पास ल्यान; और यीशु ले ऊस ठीक करछ्य, और उ बोलून और देखून लागछै।

मत्ती 24:24

क्याखिनकि झूठ्ठा मसीहा और परमेश्वरो को संदेश दिनवाला झूठ्ठा लोग आला, और उन चिन और चमत्कार दिखाला, और अगर है सको त परमेश्वरा का चुनिना का लोगून भरमा द्याला

मत्ती 4:10

तब यीशु ले उथैं क्योछ, “हे शैतान मैं है दूर हो जा, क्याखिनकि पवित्र-शास्त्र में लिखीना को छै ‘तैं केवल अपून प्रभु परमेश्वर स झुकभेरन आदर कर, और केवल उकी भक्ति कर।’”

मरकुस 13:22

क्याखिनकि झूठ्ठा मसीह और परमेश्वरो को संदेश दिनवाला झूठ्ठा लोग, और उन लोग चिन और चमत्कारा का काम लै दिखाभेरन परमेश्वरा का चुनिना का लोगून भरमा द्याला।

लूका 11:25

और जब उ उछो त आभेरन उ आदिमी का जीवन स उ घरा का नियाती पाछ, जैस साफ-सुथरा करि ग्योछ।

यहूना 4:48

यीशु ले उथैं क्योछ, “जब तक तुम लोग चिन-चमत्कार नी देखाला तब तक कभै तुम मैंमें विश्वास नी करा।”

यहूना 8:41

तुम अपून बबा का नियाती काम करछा, उनूनले उथैं क्योछ, “हम ब्यभिचार ले नै जन्मीया, हमोरो केवल एक पिता छै और उ परमेश्वर छै।”

यहूना 8:44

तुम अपून बबा शैतान भटे छा, और अपून बबा मरजी स पुरो करून चाछा। उ त शुरू भटे हत्यारो छै, और उको सच्चाई भटे केले लीन-दिन नाहातिन; जब उ झूठ बोलछो, अपून स्वभाव कारण बोलछो, क्याखिनकि उ झूठ्ठो छै, बल्कि झूठ्ठो को बबा छै।

प्रेरितून का काम 13:10

“हे छल और कपट ले भरिना का शैतान की सन्तान, और हरेक निको बातुनको दुश्मन लै छै! क्या तैं प्रभुक सच्चा बाटान झूठ्ठो बाटान में बदलून है नी छोड़लै?

2 कुरिन्थियून 11:14

मैंस ताजुब नै हुनो कि उन इसो काम करनान, किलैकी शैतान खुद लोगून ध्वाका दी सकछो कि उ परमेश्वरै की महिमा वाला स्वर्गदूत बनभेरन आईना का छन।

2 कुरिन्थियून 11:3

लेकिन मैं डरछूँ कि जसीकैं शैतान ले, एक स्याँपा का रूप में चालाकी ले पैलि स्यैनि हव्वा स बहकाछ, उसीकैं तुम लोगून का मनून ले बहका दी जौ और तुम मसीह का प्रति अपूनी निष्‍कपट और सच्‍ची भक्‍ति स खत्म नै कर दी।

2 कुरिन्थियून 4:4

यो संसारो को ईश्वर शैतान ले उन अविश्वासीन की बुद्धि स अंधो कर दी है छै, जैका कारण उन मसीह का सुसमाचार और उकी महिमा का बारिमें नै समझ सकना कि मसीह परमेश्वरो को स्वरूप छै।

इफिसियून 2:2

उ बखत तुम यो संसारा का लोगून की नियाती जीन्दगी जी छ्या, जो परमेश्वर स नी जाण छ्या, और तुमूले उ शैतानो कि हुकमून को पालन करछ्य जो आकाश में भूतून में राजा करूनवाला प्रधान छै। जो अब उन लोगून का मनून में काम करूनमर्योछ।

2 तीमुथियुस 3:8

इन झूठ्ठा शिक्षक छन, जो मसीह का बारिमें सच्ची बात बतून है रोकना की कोशिश करनान, जसीकैं यन्नेस और यम्ब्रेस ले मूसा को विरोध करछ्य, उसीकैं उनेरि बुद्धि ले भ्रष्ट हो गैछ। और उन सच्ची में मसीह में विश्वास नै करना।

याकूब 3:15

यो ज्ञान उ नाहातिन, जो परमेश्वर भटे मिलीना को छै बल्कि संसारिक, और आदिमीन को, और शैतानी छै।

प्रकाशितवाक्य 12:17

तब अजगर उ स्यैनि खिन गुस्सा भ्योछ, येक कारण उले स्यैनि का सन्तानून का बिरोध में लड़ाई घोषणा करछ्य। मतलब उन लोगून का खिलाफ जो परमेश्वरा का हुकमून मान्नान और यीशु का द्वारा सिखाईना का बातुन में मजबूतीले बनिना का रूनान।

प्रकाशितवाक्य 12:9

येक कारण ऊस और उक दुष्ट दूतून धरती में खित दीछ। यो ठूलो अजगर, उई छै जो भौत पैलि स्याँपा का रूप में दिखाई दीछ, जैस शैतान या दोष लगून वालो ले कुंनान। यो उई छै जो यो संसारा का लोगून ध्वाका दीनै आर्योछ।

प्रकाशितवाक्य 18:23

उक रात अन्यारा होला, याँ तक कि एक दीया ले नी जलोलो। और ब्योलो और ब्योलि की खुशी की आवाज नी होलि। इसो येक कारण होलो किलैकी उक ब्यापारीन ले, जो पुर संसार में सबून है ठूला छ्या अपून जादू-टोना ले सब जाति का लोगून ध्वाका दीछ।

प्रकाशितवाक्य 19:20

उ पैलो जानवर और उक दगाड़ दुसोरो झूठ्ठो जानवर पकड़ी ग्यो, उले पैला जानवर का तरफ भटे चमत्कार दिखाईना छ्या, जैक द्वारा उले ऊस भरमाछ जिनून में उ जानवर कि छाप छी, और जो उकी मूर्ति कि पूजा करछ्या। इन द्वीवैन ज्यूनाई आगा का कुण्ड में डाल दी ग्यान जो गन्धक ले जलछी।

प्रकाशितवाक्य 20:10

येक बाद शैतान पकड़ी जालो, जैले देश-देशा का लोगून भरमाछ और ऊस गन्धक की आग में खित दी जालो, मतलब उ आग में जो झील की नियाती ठूली छै। जानवर और परमेश्वरा का तरफ भटे झूठ्ठा बात बतून वाला स पैलिकैं खित दी ग्योछ। और वाँ उ आग में उनून हमेशा खिन दिन और रात सताई जालो।

प्रकाशितवाक्य 9:11

अथाह गड्डा का स्वर्गदूत उनून खिन राजा का रूप में छ्यो, उ उई दुष्ट दूत छै जैले गैरा गड्डा स खोलीना को छ्यो। इब्रानी भाषा में उको नाम अबद्दोन छै, और यूनानी भाषा में, अपुल्लयोन छै, जैको मतलब, उ जो नाश करछो।