2 थिस्सलुनीकियों 2:7 - सोरियाली नय्या नियम

⁷ उ दुष्ट को सामर्थ ऐल ले यो संसार में गुप्त तरीका ले काम करूनमर्योछ, मगर कोई छै जो ऊस रोक भेरन राखछो। और उ लगातार ऊस रोक भेरन राखोलो जब तक ऊस बाटा भटे नै हटा दे।

2 थिस्सलुनीकियों 2:7 Iomraidhean Croise

प्रेरितून का काम 20:29

मैं जाणछूँ कि म्यार जानाक बाद तुमार बीच में झूठ्ठा शिक्षक आला और विश्वासीन नुकशान पुजाला। उन खतरनाक भेड़िया क जस होला जो भेड़ून मार डालनान।

2 थिस्सलुनीकियों 2:6

उ दुष्ट ऐल तक प्रगट नै होर्योछ क्याखिनकि कोई छै जैले ऊस ऐल तक रोक भेरन राख रैछ। तुमून जरूर याद होलो उ कि छै जेले ऊस रोक रैछ, फिर जब परमेश्वरा का द्वारा ठहराईना को सही बखत आलो, तब उ दुष्ट प्रगट होलो।

1 तीमुथियुस 3:16

और येमें कोई शक नाहातिन की जो शिक्षा परमेश्वर दी राख्यान उन पुर तरीका ले सही छन, मतलब मसीह आदिमी का रूप में प्रगट भ्योछ, यो उक बारिमें पवित्र आत्मा का द्वारा साबित भ्योछ कि उ परमेश्वरो को च्योलो छै, स्वर्गदूतून ले ऊस देखछ्य, और प्रेरितून ले उक बारिमें सुसमाचार सब जातिन में सुणाछ, और संसारा का सब जातिका लोगून ले उमें विशवास करछ्य, और परमेश्वर ले ऊस स्वर्ग में उठा लीछ।

1 यहूना 2:18

हे नान्तिनो, यो आखिरी बखत छै; जब मसीह फिर है वापिस आलो और जसो तुमूले सुणिना को छै, कि मसीह विरोधी उनवालो छै, उक अनुसार अब ले भौत मसीहा का विरोधी आ ग्यान; येले हम जाणनू कि यो मसीह वापस उना बखत छै।

1 यहूना 4:3

और जो कोई यीशु स नै माननो, उ परमेश्वरा का तरफ भटे नाहातिन, और यो उई मसीह विरोधी आत्मा छै, जैक बारिमें तुमले सुण रैछ यो मसीह विरोधी उनवालो छै जो ऐल ले संसार में छै।

प्रकाशितवाक्य 17:5

उक कपाल में एक नाम लिखीनाको छ्यो जो गुप्त छ्यो। उमें यो लिखीना को छ्यो, “महान देश बेबीलोन वेश्यान की और संसारे की सब बुरी चीजून की ईजा छूँ।”

प्रकाशितवाक्य 17:7

उ स्वर्गदूतले मैथैं क्योछ, “तैं हैरान जन हो। मैं यो स्यैनि, और उ जानवरै स, जैमें उ बैठिनाको छै, और जैका सात ख्वारा और दस सींग छन, तैंस उ गुप्त बातों को भेद बतुलो।”