2 थिस्सलुनीकियों 2:3 - सोरियाली नय्या नियम

³ प्रभु यीशु का वापस उना बारिमें केका ध्वाका में जन आया। क्‍याखिनकि प्रभु यीशु का वापस उन है पैलि लोग परमेश्वरा का विरोध कराला और उ दुष्ट आदिमी स जैस परमेश्वर नरक में नाश करोलो उ जरूर प्रगट होलो।

2 थिस्सलुनीकियों 2:3 Iomraidhean Croise

यहूना 17:12

जब मैं उनार दगाड़ छयूँ, त मैंले तुमार उ नाम ले, जो तुमूले मैंस दीछ, उनेरि रक्षा करछ्य, और मैंले उनेरि देख-रेख करछ्य, और विनाशा का च्याला स छोड़, उनूनमें भटे कोई नाश नै भ्यो। ताकि पवित्रशास्त्र में जो लिखी ग्योछ उ पुरो हो।

1 कुरिन्थियून 6:9

तुमून यो जरूर मालूम हुन चैछो, कि बुर करूनवाला लोग परमेश्वरा का राज्य का वारिस नी होला। कोई तुमून ध्वाका ले यो सोचून में मजबूर जन करा कि तुम बुर काम कर सकछा और फिर परमेश्वरा का लोगून का दगाड़ रै सकछा, नै बेश्याक दगाड़ संगति, नै मूर्ति पूजा, नै कोई स्यैनिक दगाड़ नजायज रिश्ता, नै लुचपन, नै आदिमी को आदिमीक दगाड़ नजायज रिशता,

इफिसियून 5:6

उन लोगून का द्वारा मूर्ख जन बना जो इन पापून खिन बहाना बनूना की कोशिश करनान। क्याखिनकि इनी कामून का कारण परमेश्वरो को क्रोध हुकुम नै मानूनवालान में भड़कछो।

1 यहूना 2:18

हे नान्तिनो, यो आखिरी बखत छै; जब मसीह फिर है वापिस आलो और जसो तुमूले सुणिना को छै, कि मसीह विरोधी उनवालो छै, उक अनुसार अब ले भौत मसीहा का विरोधी आ ग्यान; येले हम जाणनू कि यो मसीह वापस उना बखत छै।

1 यहूना 4:3

और जो कोई यीशु स नै माननो, उ परमेश्वरा का तरफ भटे नाहातिन, और यो उई मसीह विरोधी आत्मा छै, जैक बारिमें तुमले सुण रैछ यो मसीह विरोधी उनवालो छै जो ऐल ले संसार में छै।

प्रकाशितवाक्य 17:11

उ जानवर जो भौत बखत पैलि रूछ्यो, और अब यो बखत नाहातिन, उ आठवाँ राजा छै। लेकिन उ आठवाँ राजा पैलि सात राजान में भटे एक छै, और अन्त में राजा स जरूर हमेशा की दण्ड दीई जालो।

प्रकाशितवाक्य 17:8

जो जानवर स तैले एल देखछ्य, एक बखत ज्यून छ्यो, लेकिन अब ज्यून नाहातिन; उ गैरा गड्डा भटे भ्यार उनवालो छै और परमेश्वर ऊस पुर तरीका ले नाश कर द्योलो; और संसारा का लोग जिनारा नाम संसार बनून है पैलि जीवनै की किताब में नै लिख रै, उन सब हैरान हो जाला जब उन यो जानवरै स देखाला। जो एक बखत ज्यून छ्यो; अब उ ज्यून नाहातिन; लेकिन उ फिर वापस आ जालो।