2 थिस्सलुनीकियों 1:4 - सोरियाली नय्या नियम

⁴ येक कारण हम परमेश्वरा का विश्वासीन की मण्डली में तुम लोगून का बारिमें गर्व करनू, हलाकि, तुम परीक्षान में होभेरन जाछा, फिरले तुम धैर्यपूर्वक सहनै रूछा और तुम अब ले यीशु मसीह में विश्वास करछा।

2 थिस्सलुनीकियों 1:4 Iomraidhean Croise

रोमियून 12:12

जो आश हमार दगाड़ छै उक कारण खुश रौ; मुसीबत में धैर्य राखा, और हर बखत प्रार्थना करनै रौ।

रोमियून 2:7

और जो लोग निका कामून करभेरन महिमा, सम्मान और अनन्त जीवनै की खोज में छन, उनून परमेश्वर अनन्त जीवन द्योलो।

1 कुरिन्थियून 7:17

हरेक मण्डली का विश्वासीन थैं मैं यो कुंछूँ, जैस परमेश्वर ले जो हाल में तुमून चुन रैछ और तुमून अपून लोग हुन खिन बुला रैछ, उसीकैं विश्वासीन की मण्डली में बनिना का रौ। सब विश्वासीन की मण्डली खिन म्येरो योई संदेश छै।

2 कुरिन्थियून 12:10

यो कारण मैं मसीह खिन कमजोरीन में, और निन्दान में, और दरिद्रता में, और सताव में, और संकटून में खुश छूँ; किलैकी जब मैं कमजोर हुछूँ, तभै मैं मसीह की सामर्थ में मजबूत छूँ।

2 कुरिन्थियून 7:14

किलैकी अगर मैंले उक सामुनि तुम लोगून में जो गर्व करिना को छ्यो, त उ खिन मैंस शर्मिदा नै हुनो पड़ो। मैंले तुम लोगून थैं जो ले क्योछ, उ सब सच्ची छी। इसीकैं तीतुसाक सामुनि हमूले तुम में गर्व करभेरन जो कईना को छ्यो, उ सच्ची निकलछ्य।

2 कुरिन्थियून 7:4

मैं तुमूनथैं पुर विश्वास का दगाड़ बोलून मरयूँ, मैं तुम लोगून में भौत गर्व करछूँ; येले मैंस भौत तसल्ली मिलछी; और अपून सारा दुखून में ले मैं आनन्द ले भरपूर रूछूँ।

2 कुरिन्थियून 9:2

किलैकी मैं येका बारिमें तुमेरि निकी नीयत स जाणछूँ। मैं मकिदुनिया प्रदेशा का रूनवालान थैं यो कुंन में गर्व करछूँ कि तुम अखया प्रदेशा का लोग पोरा साल भटे तैयार भ्यान। तुमार हौंसला ले भौतून प्रेरणा मिलछ्य।

2 कुरिन्थियून 9:4

काँई इसो नै हो कि कुछ मकिदुनिया प्रदेशा का निवासी म्यारा दगाड़ आभेरन यो देखून कि तुम दान दीन खिन तैयार नाहातिन, त हो सकछो, कि यो भरोसा का कारण हमोरो अपमान हो, लेकिन तुमोरो येहै ले ज्यादा अपमान होलो।

1 थिस्सलुनीकियों 1:3

जब हम पिता परमेश्वर थैं प्रार्थना करनू, त हम उन कामून याद करनू जो तुम विश्वास का कारण करछा, और विश्वासीन की मद्दत करून खिन भौत मेहनत करछा, क्याखिनकि तुम उनून प्रेम करछा, और तुम धीरज का दगाड़ सताव सहछा, क्याखिनकि तुम प्रभु यीशु मसीह का वापस उनाकी आश राँख छा।

1 थिस्सलुनीकियों 2:14

हे विश्वासी भाईयों, तुम यहूदिया प्रदेशा का विश्वासीन का नियाती बन गैछा, जो यीशु मसीह में विश्वास करनान, क्याखिनकि तुमूले अपून लोगून में ऊसोई सताव सह रैछ, जसो उनूनले यहूदी लोगून का द्वारा सताव सह राख छ्यो।

1 थिस्सलुनीकियों 2:19

हमरि आश, या आनन्द या बड़ाई को मुकुट को छै? उ तुमी होला जब हमोरो प्रभु यीशु दुबारा वापस आला।

2 थिस्सलुनीकियों 3:5

हम प्रार्थना करनू कि प्रभु यीशु तुमून यो समझ दे कि परमेश्वर तुमून कतुक प्रेम करछो, और जब लोग तुमून सतूनान कसीकैं मजबूत रून छै, ठीक उसकैं जसीकैं मसीह मजबूत‌ छ्यो।

इब्रानियों 10:36

इसा बखत में तुमून धीरज ले सहन करना की जरूरत छै, ताकि तुम परमेश्वरै की इच्छा पुरी कर सका। तब तुमून उ सब मिलोलो जैको परमेश्वरेले वादा करिना को छै।

इब्रानियों 6:15

अब्राहम ले धीरज राखभेरन लम्बा बखत तक इंतजार करछ्य। तब ऊस उ मिलछ्य जैको वादा परमेश्वरेले करिना को छ्यो।

याकूब 5:11

देखा, हम धीरज राँखून वालन थैं धन्य कुनू। तुमूले अय्यूब नामाका एक आदिमीक धीरज का बारिमें त सुणिना को छै, और तुम यो ले जाणछा प्रभु आखरी में उकी कसकैं मद्दत करछ्य, जेमें प्रभु की भौत करूणा और दया प्रगट हुछी।

2 पतरस 1:6

तुमून केवल योई नै जाणून चैनो कि कसीकैं दुसरान का दगाड़ समझदारी ले ब्यवहार करून छै, तुमून सिर्फ अपून में काबू नै राखून चैछो बल्कि तुमून मुसीबत में ले धैर्य ले राखून चैछो, तुमून सिर्फ धैर्य नै राखून चैनो, बल्कि तुमून इसीकैं जीवन जीनो ले चैछो जो परमेश्वरेस खुश करछो।

प्रकाशितवाक्य 14:12

किलैकी यो बात हुन वाली छन, परमेश्वरा का लोगून धैर्य राखून चैछो। पवित्र लोगून को धीरज येमें छै, यो उ लोग छन जो परमेश्वरा का हुकमून माननान और यीशु में विश्वास बना राखनान।