2 पतरस 3:7 - सोरियाली नय्या नियम

⁷ जसा तरीका ले परमेश्वरेले संसार स बनून बखत हुकुम दीछ, कि एल तक ब्रह्मांड तब तक बनिना को रौ जब तक उ उनून आगा ले नै जला द्यो। उ उनून उ दिन तक राख रैछ जब उ सब लोगून को न्याय करोलो और उन लोगून को नाश कर द्योलो जो उको हुकमून नै मानना।

2 पतरस 3:7 Iomraidhean Croise

मत्ती 10:15

मैं तुमूनथैं सच्ची कुछूँ कि न्यायक दिन उ नगर की हालत भटे सदोम और अमोरा का नगरून की हालत ज्यादा सहन योग्य होलि।

मत्ती 11:22

लेकिन मैं तुमूनथैं कुछूँ कि न्याय का दिन जो सजा परमेश्वर सोर और सिदोन शैहरा का रून ला लोगून द्योलो, तुमून परमेश्वर उ है ले ज्यादा सजा द्योलो।

मत्ती 11:24

लेकिन मैं तुमूनथैं कुछूँ कि न्याय का दिन जो सजा परमेश्वर सूर और सदोम का शैहरा का लोगून द्योलो, तुमून परमेश्वर उ है ले ज्यादा सजा द्योलो।”

मत्ती 12:36

और मैं तुमूनथैं कुंछू कि जो-जो बुरी बात आदिमी कुंनान, न्याय का दिन उन हर एक बातुन को हिसाब द्याला।

मत्ती 24:35

यो आकाश और धरती ले नाश हो जाला, लेकिन जो बात मैंले कै राख्यान, उ हमेशा तक रौला।

मत्ती 25:41

और तब फिर उ बौं तरफ वालान थैं कलौ, हे पापी लोगो, म्यारा सामुनि भटे हमेशा की आग में न्हैजा, जो जाग शैतान और उक दुष्ट दूतून खिन तैय्यार कर रैछ।

मरकुस 6:11

जांक लोग तुमोरो आदर नै करना, नै तुमोरो बात सुणनान, तब उ जॉगा भटे जान बखत अपून खूटाकि धुल तलक यो दिखून खिन झाड़ी लिया, यो उ गौं का लोगून दिखालो कि परमेश्वर उनोरो न्याय करोलो।”

यहूना 12:48

जो मैंस तुच्छ जाणछो और मेरि बात नै माननो उको न्याय करून वालो एक छै, मतलब जो मैंले जो क्योछ, उ अन्तिम दिनून में उको न्याय करोलो।

रोमियून 2:5

लेकिन तैं हठी छै और अपून पापून भटे पश्चाताप करून है मना करछै। येक कारण जै दिन परमेश्वर अपूनो क्रोध दिखालो, उमें परमेश्वरो को सच्चो न्याय होलो, जै दिन परमेश्वर न्याय कराला उ दिन परमेश्वर तैंस कड़ी सजा द्योलो।

1 कुरिन्थियून 3:13

लेकिन जब न्याय को दिन आलो, त आगो में हरेक आदिमी को काम प्रगट होलो। और उ हरेक को काम परखोलो की कसो छै।

फिलिप्पिन 1:28

और कोई बात में तुम बिरोध करून वालान है नै डरना। तुमेरि हिम्मत उनून खिन बिनाश की साफ निशानी छै, लेकिन तुमून खिन परमेश्वरा का तरफ भटे मुक्ति को इशारा छै।

2 थिस्सलुनीकियों 2:3

प्रभु यीशु का वापस उना बारिमें केका ध्वाका में जन आया। क्‍याखिनकि प्रभु यीशु का वापस उन है पैलि लोग परमेश्वरा का विरोध कराला और उ दुष्ट आदिमी स जैस परमेश्वर नरक में नाश करोलो उ जरूर प्रगट होलो।

1 तीमुथियुस 6:9

लेकिन जो धनवान बनूँ चाछो, उन सब तरीका का बुराई करून खिन आसानी ले ध्वाका खा जानान, और एक जानवर की नियाती फन्दा में फस जानान। उन उ चीजून करून चानान जो उनून खिन बेकार और खतरनाक छै और यो इच्छा उनून बर्बादी की तरफ ली जालि और नाश कर देली।

इब्रानियों 12:29

किलैकी याद राखा कि हम जो परमेश्वरै की सेवा करनू, उ एक आगा जसो छै जो अपवित्र हुन वाली हर चीज स भस्म कर दीछो।

2 पतरस 2:9

जब की परमेश्वरे ले इन सारी चीजून कर रैछ, त यैले पत्तो चलछो कि उ जाणछो कि अपून लोगून उनार दुखून भटे कसकैं छुड़ून छै, और यो ले जाण छै कि कसा बुरा लोगून न्याय दिन तक लगातार सजा दिन छै।

2 पतरस 3:10

लेकिन प्रभु को दिन अचानकै आलो जसीकैं कोई चोर अचानकै आ जाछो। उ बखत आकाश में गड़गड़ाट होलि, और आकाश गायब हो जालो। आकाश में सब कुछ, मतलब सूरज, चाँद और तारा पुर तरीका ले आगा ले नाश हो जाला। उ दिना परमेश्वर उन सब कामून प्रकट कर द्योलो जो लोगून ले करिना का छन ताकि उनोरो न्याय कर सकौ।

2 पतरस 3:12

इस तरीका ले ब्यवहार करा जसीकैं तुम उ दिना को इन्तजार करून मरेछा जो परमेश्वरेले चुनिना को छै जब मसीह वापस आलो, और उ दिना का जल्दी ऊँन खिन अपून तरफ भटे पुरी कोशिश करा। ऊस दिना, आग भड़कोलो और आकाश स नाश कर द्योलो, और उकी गर्मी आकाश में सब कुछ पिघला देली।

1 यहूना 4:17

येले प्रेम हमून में पुरो भ्योछ, कि न्याय का दिन हमून हिम्मत मिलौ की उ हमून सजा नै द्योलो, क्याखिनकि हम मसीह का नियाती दुसरान प्रेम करनू और यो संसार में उकी नियाती रूनू।

यहूदा 1:7

येक कारण इन इस्राएली लोगून और उन स्वर्गदूतून, उन लोगून ले याद राखा जो सदोम और अमोरा शैहरून और उक आश-पासा का शैहरून में रूछ्या कि उनार दगाड़ कि भ्योछ। उन लोग ब्यभिचारी हो गैछ्या और हर प्रकार का कुकर्म में भ्रष्ट हो गैछ्या। येक कारण परमेश्वरेले उनून आग ले नाश कर दीछ। उनार दगाड़ जो भ्योछ उ झूठ्ठा शिक्षकून खिन एक चेतावनी बन गैछ कि उनूनले हमेशा का आग ले दण्ड दीई जालो।

प्रकाशितवाक्य 17:11

उ जानवर जो भौत बखत पैलि रूछ्यो, और अब यो बखत नाहातिन, उ आठवाँ राजा छै। लेकिन उ आठवाँ राजा पैलि सात राजान में भटे एक छै, और अन्त में राजा स जरूर हमेशा की दण्ड दीई जालो।

प्रकाशितवाक्य 17:8

जो जानवर स तैले एल देखछ्य, एक बखत ज्यून छ्यो, लेकिन अब ज्यून नाहातिन; उ गैरा गड्डा भटे भ्यार उनवालो छै और परमेश्वर ऊस पुर तरीका ले नाश कर द्योलो; और संसारा का लोग जिनारा नाम संसार बनून है पैलि जीवनै की किताब में नै लिख रै, उन सब हैरान हो जाला जब उन यो जानवरै स देखाला। जो एक बखत ज्यून छ्यो; अब उ ज्यून नाहातिन; लेकिन उ फिर वापस आ जालो।

प्रकाशितवाक्य 20:11

फिर मैंले एक सफेद सिंहासन देखछै जैमें परमेश्वर बैठिना को छ्यो। लेकिन वाँ जाँ परमेश्वर बैठिनाको छ्यो, वाँ धरती और स्वर्ग सब गायब हो ग्या, और केले लै उनून फिर नै देख्यो।

प्रकाशितवाक्य 21:1

फिर मैंले एक नय्या स्वर्ग और एक नय्या धरती देखछ्य, क्याखिनकि पुरानो स्वर्ग और धरती अब नी छ्या। और अब समुन्द्र ले नी छ्यो।