2 पतरस 3:10 - सोरियाली नय्या नियम

¹⁰ लेकिन प्रभु को दिन अचानकै आलो जसीकैं कोई चोर अचानकै आ जाछो। उ बखत आकाश में गड़गड़ाट होलि, और आकाश गायब हो जालो। आकाश में सब कुछ, मतलब सूरज, चाँद और तारा पुर तरीका ले आगा ले नाश हो जाला। उ दिना परमेश्वर उन सब कामून प्रकट कर द्योलो जो लोगून ले करिना का छन ताकि उनोरो न्याय कर सकौ।

2 पतरस 3:10 Iomraidhean Croise

मत्ती 24:35

यो आकाश और धरती ले नाश हो जाला, लेकिन जो बात मैंले कै राख्यान, उ हमेशा तक रौला।

मरकुस 13:31

यो आकाश और धरती लै नाश है जाला, लेकिन जो बात मैंले कै राख्यान हमेशा तक रोला।

लूका 12:39

लेकिन तुम यो बात निकीकैं समझ ली, अगर घरो को मालिकस यो मालूम हुनो, कि चोर चोरी करून खिन कै बखत आलो, त उ बिजो रूनो, और अपून घर में चोरी नी हुन दीनो।

रोमियून 8:20

क्याखिनकि संसार अपूनी इच्छा ले नै पर अधीन करूनवाला का तरफ भटे, व्यर्थता का अधीन यो आश ले करि गैछ,

1 कुरिन्थियून 1:8

परमेश्वर तुमून अन्त तक विश्वास में मजबूत करोलो, कि प्रभु यीशु मसीह दुबारा वापस आलो, त तुम निर्दोष पाई जा।

1 कुरिन्थियून 5:5

त उ आदिमी जो पापपूर्ण ब्यवहार करूनमर्योछ, ऊस अपूनी मण्डली है भ्यार निकाला और उ आदिमी स शैताना का हवाला कर दी, ताकि यो आश करि जा सकछी की उ अपून पापून है पश्चाताप करो। किलैकी अगर उ पश्चाताप करो, तब उ सच्ची में उ दिन बचाया जालो जब प्रभु न्याय करोलो।

1 थिस्सलुनीकियों 5:2

क्याखिन तुम खुद निकीकैं जाणछा, कि जसीकैं रात में चोर अचानक उछो, उसीकैं प्रभु यीशु ले दुबारा उनाको दिन होलो।

1 थिस्सलुनीकियों 5:4

पर हे म्यारा विश्वासी भाईयों, तुम अन्यारो में नाहतिना कि प्रभु यीशु को दुबारा उनाको दिन तुमून में चोर का नियाती अचानक आ पड़ौ।

2 पतरस 3:11

यो पक्का छै कि परमेश्वर सब चीजून इसीकैं नाश कर द्योलो, त तुम जरूर जाछा कि तुमून कसो ब्यवहार करूनो चैछो। तुमोरो ब्यवहार सच्चो हुन चैछो और जो केले तुम करछा उले परमेश्वरेस खुश करा।

2 पतरस 3:12

इस तरीका ले ब्यवहार करा जसीकैं तुम उ दिना को इन्तजार करून मरेछा जो परमेश्वरेले चुनिना को छै जब मसीह वापस आलो, और उ दिना का जल्दी ऊँन खिन अपून तरफ भटे पुरी कोशिश करा। ऊस दिना, आग भड़कोलो और आकाश स नाश कर द्योलो, और उकी गर्मी आकाश में सब कुछ पिघला देली।

2 पतरस 3:7

जसा तरीका ले परमेश्वरेले संसार स बनून बखत हुकुम दीछ, कि एल तक ब्रह्मांड तब तक बनिना को रौ जब तक उ उनून आगा ले नै जला द्यो। उ उनून उ दिन तक राख रैछ जब उ सब लोगून को न्याय करोलो और उन लोगून को नाश कर द्योलो जो उको हुकमून नै मानना।

यहूदा 1:6

याद करा कि प्रभु ले उन स्वर्गदूतून कसकैं दण्ड दीछ, जिनूनले अपूनी जिम्मेदारीन नै निभाई, बल्कि उनूनले अपूनी पदविन त्याग दीछ। प्रभु ले इन दुष्ट दूतून अन्यार जाग में राख रैछ, और इसा जंजीरून ले बाँद रैछ जिनून कोई नै तोड़ सकनो ताकि महान दिन में उनोरो न्याय हो सको।

प्रकाशितवाक्य 16:15

भूतून ले राजान और उनेरि सेनान उ जाग में जामा करछ्य जैस इब्रानी भाषा में हर-मगिदोन कहलाईछो। येक कारण प्रभु यीशु ले क्योछ, “यो बात सुणा। मेरो वापस उनाको दिन चोरो उनाक जसो अचानक होलो। धन्य छन उ आदिमी जो म्यारा उनाक बखत जागिना को हो, और अपून कपाड़ान तैय्यार राखछो तब उन नंगा नी हुन और कोई ले उनून शर्मिदा नी करोलो चाहे उन भ्यार भौत लोगून का बीच में जून।”

प्रकाशितवाक्य 20:11

फिर मैंले एक सफेद सिंहासन देखछै जैमें परमेश्वर बैठिना को छ्यो। लेकिन वाँ जाँ परमेश्वर बैठिनाको छ्यो, वाँ धरती और स्वर्ग सब गायब हो ग्या, और केले लै उनून फिर नै देख्यो।

प्रकाशितवाक्य 21:1

फिर मैंले एक नय्या स्वर्ग और एक नय्या धरती देखछ्य, क्याखिनकि पुरानो स्वर्ग और धरती अब नी छ्या। और अब समुन्द्र ले नी छ्यो।

प्रकाशितवाक्य 3:3

उ शिक्षा स याद कर जो तैले भौत पैलि सुणिना की छी और उमें विश्वास करछ्य। जो तैंस सिखाईना को छ्यो ऊस मान, अपून गलत कामून है पश्चाताप कर। अगर तै लापरवाही करनै रौले त मैं अचानक आ जियूलो, जसकैं रात में एक चोर ऊँछो, और तै उ बखत जाण ले नी सकले जब मैं तैंस दण्ड दीन खिन ऊँलो।

प्रकाशितवाक्य 6:14

आकाश इसो गायब हो ग्यो जसकै कागज स मोड़ दी ग्यो हो; और सब पहाड़ और समुन्द्र में सब टापून ले अपून जाग बदल दीयान।