2 पतरस 2:2 - सोरियाली नय्या नियम

² भौतसा लोग जो कुंनान कि उ विश्वासी छन, उन इन झूठ्ठा शिक्षकून का बुरा कामून की नकल कराला, और दुसरा लोग जो विश्वासी नाहातिन, उन परमेश्वरा का तरफ जानवाला बाटा का बारिमें बुरा-बुरा बातुन कराला।

2 पतरस 2:2 Iomraidhean Croise

मत्ती 22:16

तब उनूनले हेरोदेस राजा कुछ समर्थक और फरीसी लोगून यीशु का पास यो कुंन खिन भेजियान, कि “गुरू! हम यो जाणनू, कि तैं हमेशा सच्चो छै, और सच्चाई ले परमेश्वरो को बाटा की शिक्षा दीछा, और कैकी परवाह नै करना, क्याखिनकि तैं लोगून को मुँख देखिभेरन बात नै करनै।

मत्ती 24:24

क्याखिनकि झूठ्ठा मसीहा और परमेश्वरो को संदेश दिनवाला झूठ्ठा लोग आला, और उन चिन और चमत्कार दिखाला, और अगर है सको त परमेश्वरा का चुनिना का लोगून भरमा द्याला

मत्ती 7:14

क्याखिनकि शागूणो छै उ फाटक और कठिन छै उ बाटो जो अनन्त जीवन का तरफ लिजाछो, और थ्वाड़ा लोग छन जो ऊस पानान।

मरकुस 12:14

और उनूनले आभेरन यीशु थैं क्योछ, “हे गुरू जी, हम यो जाणनू कि तैं हमेशा सच्ची बतूछै, और तैं उनून है चिन्ता नै करने कि उन त्यारा बारिमें की सोचनान, क्याखिनकि तैं सबून का दगाड़ एक समान बरताव करछै। चाहे कोई ले हो, बल्कि सच्चाई ले परमेश्वरा का बाँट का उपदेश दीछै। तो क्या मूसा नियम-कानून का अनुसार कैसर महाराजा स कर दिन निको छी, या नाहातिन?”

मरकुस 13:22

क्याखिनकि झूठ्ठा मसीह और परमेश्वरो को संदेश दिनवाला झूठ्ठा लोग, और उन लोग चिन और चमत्कारा का काम लै दिखाभेरन परमेश्वरा का चुनिना का लोगून भरमा द्याला।

यहूना 14:6

यीशु ले उथैं क्योछ, बाटो और सच्चाई और जीवन मैंई छूँ, बिना म्यारा कोई पिता का पास नै पुज सकूनो।

प्रेरितून का काम 13:10

“हे छल और कपट ले भरिना का शैतान की सन्तान, और हरेक निको बातुनको दुश्मन लै छै! क्या तैं प्रभुक सच्चा बाटान झूठ्ठो बाटान में बदलून है नी छोड़लै?

प्रेरितून का काम 14:2

लेकिन यहूदी जो विश्वास नी करून चाछया, उनूनले गैर-यहूदी लोगून को मन विश्वासी भाईन क खिलाफ भड़काछ, और भौत नफरत पैद कर दीछ।

प्रेरितून का काम 16:17

उ पौलुस और हमार पछिल आभरेन चिल्लान लागछी, “इन लोग परमप्रधान परमेश्वरा का सेवक छन, जो तुमून मुक्ति बॉटाको संदेश सुणून खिन आर्यान!”

प्रेरितून का काम 18:26

जब प्रिस्किल्ला और अक्विला ले यहूदी सभाघर में अपुल्लोस की बातुन सुणछ्य, तब उन ऊस अपून घर ल्यान और परमेश्वरा का बाटाक बारिमें ऊस भौत बारिकीले समझून लागछै।

प्रेरितून का काम 19:9

लेकिन उनूनमें भटे थ्वाड़ा लोग भौते जिद्दी छ्या और उनूनले इन बातुन में केले विश्वास नै कर्यो, और यहूदी सभाघर में सबून का सामुनि प्रभु की शिक्षाक खिलाफ में बोलून लाग्यान। येक कारण पौलुसै ले इनून छोड़ दीछ और विश्वासीन अपून दगाड़ लिग्योछ, और हर रोज परमेश्वरे की वचन की शिक्षा तुरन्नुसा का स्कूल में दीन लागछ्य।

प्रेरितून का काम 22:4

मैंले प्रभु यीशु की शिक्षा स मान्या वाला लोगून सताछ और उनून मरवा ले दीछ। मैंले आदिमीन और स्यैनिन बाँद-बाँद भेरन जेल में डालछ्य।

प्रेरितून का काम 24:14

लेकिन मैं तुमार सामुनि यो मान लीछूँ, प्रभुक बाटा की शिक्षा स जो यहूदी अगुवा झूठ कुंनान। मैं उई शिक्षा का अनुसार अपून पुरखान का परमेश्वरे की सेवा करछूँ, और जो बात मूसा का नियम-कानून और परमेश्वरा का संदेश दिनवालान की किताब में लिखीना को छै, मैं उन सब बातुन में विश्वास करछूँ।

रोमियून 2:24

येक कारण पवित्रशास्त्र में लिखीनाको छै, “कि तुम, यहूदीन का बुर कामून का कारण गैर-यहूदी लोग परमेश्वर की नाम की निन्दा करनान।”

1 तीमुथियुस 5:14

येक कारण मैं यो सलाह दीछूँ, कि जवान विध्वान ब्या करून और नान्तिना पैद करून, और घर की देख-भाल करून और कोई बिरोधीन बदनामी करनाको मौक जन दी।

तीतुस 2:5

जवान स्यैनिन अपून आप में काबू राखून वाली, और अपून घरवाला का दगाड़ वफादार रौ और अपूनो घर स सभालून वाली और अपून-अपून घरवालान का अधीन रून वाली हो, ताकि परमेश्वर बचन की निन्दा नै पौ।

तीतुस 2:8

और तैंस सिखून चैछो जो सही छै, ताकि कोई ले तैमें दोष नै लागा सको, जैले त्यारा बिरोधीन शर्मिन्दा हुन क्याखिनकि उ शिक्षा में कोई बुरी बात नाहातिन, जैले कि उ त्यारा खिलाफ के कै सकून।

1 पतरस 2:12

कई बार इसा लोग हुनान जो प्रभु स नै जाणना और उन तुमून में यो कैभेरन गलत आरोप लगा सकनान कि तुमार काम बुरा छन। येक कारण तुमून अपून ब्यवहारा का बारिमें सतर्क रून चैछो, ताकि उन तुमार निका ब्यवहार देख सकून। आखरी में उन मानाला कि तुमोरो ब्यवहार निको छै और जै दिना परमेश्वर संसारो को न्याय करून खिन आलो, उ दिना उन परमेश्वरे की महिमा कराला।

2 पतरस 2:12

लेकिन इन झूठ्ठा शिक्षक जानवरून का नियाती छन। इन जानवरून पत्तो नाहातिन कि कसो सोचून छै और इनोरो मक्शद केवल पकड़ून और मार डालून छै। इन लोग केले करनान जो इनारा मन में उछो, और याँ तक कि इन उन चीजून की बुराई करनान जो इनून समझ ले नै उनी। उन जरूर इन जानवरून की नियाती नाश हो जाला।

2 पतरस 2:15

उनूनले निका काम करून छोड़ दीयान, और उनूनले उसीकैं बुरा काम करून शुरू कर दीयान, जो कि बओर का च्याला बिलाम ले भौत बखत पैलि करिना को छ्यो। ऊस गलत काम करभेरन पैसा कमून निको लागछ्यो।

2 पतरस 2:18

जब झूठ्ठा शिक्षक लोगून शिक्षा दीनान, तो उन बेकार और घमण्ड ले भरिना क शब्दून को इस्तमाल करनान। उन लोगून बतुनान कि उन-उन बेशर्मी का कामून कर सकनान जो उनार शरीर करून चानान और उन लोगून फिर पाप करून खिन भरमा दीनान जो यैले-यैले इसा बुराई का जीवन ले बचभेरन निकलनान।

2 पतरस 2:21

मेरो कुनानको मतलब यो छै, कि परमेश्वर उन लोगून जिनूनले यीशु मसीह स कभै स्वीकार नै कर्यो, उनून सजा त द्योलोई, लेकिन उनून त भौत कड़ी सजा द्योलो जिनूनले यीशु मसीह स्वीकार करभेरन छोड़ दीछ। उनूनखिन निको हुनो अगर उन कभै यो जाणनाई नै कि अपून जीवन स धर्मी तरीकाले चलूना को कि अर्थ हुछो। अब उन जाणना कि सही कि छै लेकिन उनूनले परमेश्वरेकि उन हुकमून को पालन करून छोड़ दीछ, जो हम, प्रेरितूनले उनून दी गैछी।

2 पतरस 2:7

लेकिन यैहै पैलि की उले सदोम शैहर स विनाश करछ्य, त परमेश्वरे ले लूत स जो एक धर्मी आदिमी छ्यो, ऊस शैहर भटे निकाल दीछ और इसीकैं ऊस बचा लीछ। लूत भौत दुखी छ्यो किलैकी सदोम शैहरा का लोग कोई ले नियम स नै मानछ्या और बेशर्मी का काम करछ्या।

यहूदा 1:10

इन लोग जो परमेश्वरै की अराधना नै करना और उन बातुन को बिरोध में बुरा शब्दून को इस्तमाल करनान जो उनून समझ में नै ऊँना; और जब उन जानवरून की नियाती ब्यवहार करनान और जिन कामून उन जाणनान उनून उन बिना सोचे-समझे करनान, त उन परमेश्वरै की तरफ भटे दण्ड भुगताला।

यहूदा 1:15

कि सब लोगून को न्याय करून खिन और सब अधर्मी लोगून में उनार द्वारा करिनाका बेशर्मी और बुरा कामून का कारण दोष लगून खिन और उन सारी भद्दी बातुन का कारण जो पापी लोगून ले उक खिलाफ कईनाका छन।

यहूदा 1:4

मैं तुमून यो लिखून मरैयू किलैकी कुछ लोग जो यीशु मसीह में विश्वास करना को दिखावा करनान, उन तुमार बीच में शामिल हो ग्यान। उन परमेश्वरो को आदर नै करना और उन गलत शिक्षा दीनान कि परमेश्वर अपून अनुग्रह ले हमार पापून माफ कर दीछो, येक कारण हम गलत कामून में जीवन जी सकनू। उन यीशु मसीह स अस्वीकार करनान, जो हमोरो एकमात्र मालिक और प्रभु छै। भौत बखत पैलि भटे, पवित्रशास्त्र में लिखीना को छै कि परमेश्वर इस लोगून दण्ड द्योलो।

यहूदा 1:7

येक कारण इन इस्राएली लोगून और उन स्वर्गदूतून, उन लोगून ले याद राखा जो सदोम और अमोरा शैहरून और उक आश-पासा का शैहरून में रूछ्या कि उनार दगाड़ कि भ्योछ। उन लोग ब्यभिचारी हो गैछ्या और हर प्रकार का कुकर्म में भ्रष्ट हो गैछ्या। येक कारण परमेश्वरेले उनून आग ले नाश कर दीछ। उनार दगाड़ जो भ्योछ उ झूठ्ठा शिक्षकून खिन एक चेतावनी बन गैछ कि उनूनले हमेशा का आग ले दण्ड दीई जालो।

प्रकाशितवाक्य 12:9

येक कारण ऊस और उक दुष्ट दूतून धरती में खित दीछ। यो ठूलो अजगर, उई छै जो भौत पैलि स्याँपा का रूप में दिखाई दीछ, जैस शैतान या दोष लगून वालो ले कुंनान। यो उई छै जो यो संसारा का लोगून ध्वाका दीनै आर्योछ।

प्रकाशितवाक्य 13:14

भौत लोग उ दुसारा जानवरक चमत्कारा का कामून देखभेरन ध्वाका खा ग्या जो पैला जानवरै की शक्ति ले देखूछ्यो। दुसारा जानवरक द्वारा लोगून थैं कयी ग्यो उन उ पैला जानवरै की पूजा करून खिन एक मूर्ति बना, जो तलवारै घायल करि गेछ्यो, लेकिन उ फिर चंगो हो गेछ्यो।

प्रकाशितवाक्य 13:8

संसारा का सब लोग उकी पूजा करून लाग्यान। सिर्फ उनी लोगून ले उकी पूजा नै करि जिनारा नाम संसारा बनून है पैलि जीवन की किताब में लिखीना का छ्या। यो जीवन की किताब उ मेम्ना की किताब छै जैस बलिदान का रूप मारिना को छ्यो।