2 पतरस 1:9 - सोरियाली नय्या नियम

⁹ लेकिन अगर कोई आदिमी इस तरीका ले जीवन नै जीनो त उ एक इसा आदिमी नियाती छै जो निकीकैं नै देख सकनो। वह भूल ग्योछ कि परमेश्वरेले ऊस उन पापून खिन माफ कर दीछ जो उले मसीह में विश्वास करून है पैलि करिना का छ्या।

2 पतरस 1:9 Iomraidhean Croise

मरकुस 10:21

यीशु ले ऊस प्रेम ले देखछ्य, और क्योछ, “लेकिन एक और चीज छै जो तैंस करना की जरूरत छै। जा, और जो कुछ तेरो छै ऊस बेच भेरन गरीब लोगून में बाड़ दे, अगर तैं इसो करछै तो तैंस स्वर्ग में धन मिलोलो, और म्यारा दगाड़ अ और म्येरो शिष्य बन जा।”

लूका 18:22

जब यीशु ले यो सुणछ्य त उथैं क्योछ, “लेकिन एक और चीज छै जो तैंस करना की जरूरत छै, तैं अपूनी सब कुछ जो तेरो छै ऊस बेच भेरन गरीब लोगून में बाड़ दे, अगर तैं इसो करछै तो तैंस स्वर्ग में धन मिलोलो, और म्यारा दगाड़ अ और म्येरो शिष्य बन जा।”

रोमियून 6:11

इसोई तुम लोग ले अपून आपस पापे की शक्ति खिन मरिना को समझा, लेकिन मसीह यीशु में परमेश्वरे की सेवा खिन ज्यून समझा।

गलातियों 5:13

हे म्यारा विश्वासी भाईयों, तुमून परमेश्वर ले आजाद हुन खिन बुलाईना को छ्यो, अब तुमून मूसा नियम-कानून को पालन करना की जरूरत नहातिन। अपूनी यो आजादी स अपूनी शारीरिक इच्छान पुरो करून खिन मौका जन बना, बल्कि, एक-दुसरा स प्रेम करा और एक-दुसरा की सेवा करा।

गलातियों 5:6

अगर तुम मसीह यीशु का शिष्य छा त यो बात ले कोई फरक नै पड़नो कि तुमोरो खतना होईना को छी या नाहातिन। लेकिन जरूरी बात यो छै, कि हम मसीह में विश्वास करनू, और हम परमेश्वर और दुसारा लोगून का प्रति प्रेम राखनू।

इफिसियून 5:26

ताकि उक बचन स विश्वासीन की मण्डली में प्रकट करभेरन उनार पापून भटे शुद्ध कर सको, ठीक उसीकैं जसीकैं लोग कोई चीज स धोभेरन साफ करनान।

तीतुस 2:14

यीशु मसीह ले अपून आपस हमून खिन सूली में बलिदान कर दीछ ताकि हमून हर प्रकार का बुराई भटे छुड़ा ले और हमून पापून भटे आजाद करभेरन अपून खिन एक इसी प्रजा बना ले जो भल काम करून खिन पुर जोश दगाड़ तैयार रौ।

इब्रानियों 9:14

तो जरा सोचभेरन देखा कि मसीह को खून हमार दिलून उन कामून भटे कतुक शुद्ध करोलो जो मौत का तरफ भटे ली जाछो, ताकि हम जीवित परमेश्वरै की अराधना कर सका। किलैकी अनन्त आत्मा का सामर्थ का द्वारा, मसीह ले हमार पापून खिन अपूनास निर्दोष बलिदानाक रूप में परमेश्वरेस भेंट चढ़ा दीछ।

1 पतरस 3:21

पुराना जमाना में उनोरो उद्धार अब हमार उद्धार को एक उदारण छै जब हम बपतिस्मा लीनू। जो पानि में हम बपतिस्मा लीनू, उ हमार शरीरो को मैल दूर नै करनो, लेकिन उ यो बात को चिन छै कि हमूले परमेश्वर थैं माफी माँगछै ताकि आघिलकै हमार मन परेशान नै रौ। हमून माफी मिल सकछी किलैकी यीशु मसीह मरिनाका बाद फिर ज्यूनो भ्योछ।

1 यहूना 1:7

लेकिन अगर जसिकै परमेश्वर उज्याला में छै, उसीकैं हम ले उज्याला में हिटा, त हम ले एक-दुसारा दगाड़ संगति राखनू; और उको च्योलो यीशु मसीह को खून हमून सब पापून भटे शुद्ध करछो।

प्रकाशितवाक्य 3:17

तै कुछै कि तै धनवान छै और त्यारा पास उ सब छै जैकी तैंस जरूरत छै, लेकिन तै नै जाणनै कि येको सच यो छै कि, तैमें तरस ऊँछो। किलैकी सच यो छै कि तै गरीब छै, तेरा पास कपाड़ा नाहातिन, और तै अन्धो छै।