2 पतरस 1:5 - सोरियाली नय्या नियम

⁵ क्याखिनकि तुम परमेश्वरा का स्वभाव में सहभागी हुन खिन छा, येक कारण तुमून केवल मसीह में विश्वास करून चैछो, बल्कि तुमून हमेशा उई करूनो कोशिश करून चैछो जो दुसरान खिन ठीक छै। तुमून नै सिर्फ उई करून चैछो जो ठीक छै पर तुमून इसो हुन चैछो जो जाणनान की कसीकैं समझदारी ले ब्यवहार करूनो चैछो।

2 पतरस 1:5 Iomraidhean Croise

लूका 16:26

और इन सब बातुन छोड़िभेरन हमार और त्यारा बीच में एक भौत भूलो गड्डा बनिना को छै, कि जो याँ है उ पार तुमार पास जानो चाँछो, उ नै जा सकनो; और कोई ताँ भटे हमार पास नै आ सकनो।

लूका 24:21

लेकिन हमून आश करून मरेछ्या कि उई इस्राएल देशा का लोगून रोम देशा का लोगून भटे छुटकारा द्योलो। इन सब बातुन को अलावा यो घटना होईना को तीसरो दिन छ्यो।

यहूना 6:27

तुम उ खान खिन मेहनत जन करा जो नाश हो जाछो, लेकिन उ खान खिन मेहनत करा जो अनन्त जीवन तक बनिना को रूछो, जैस मैं आदिमी का च्योलो तुमून द्योलो, क्याखिनकि पिता परमेश्वर ले मैंस येस दीना को अधिकार दी रैछ।”

1 कुरिन्थियून 14:20

हे म्यारा विश्वासी भाईयों, इन बातुन समझून में नान्तिना की नियाती जन बना। बुराई में निर्दोष नान्तिना का नियाती बना, लेकिन इसा तरीका मामलान समझून में काबिल बना।

इफिसियून 5:17

येक कारण मूर्ख जन बना, लेकिन यो जाणनान की कोशिश करभेरन बुद्धिमान बना कि प्रभु तुमूनथैं कि करून चाछो।

फिलिप्पिन 1:9

और मैं यो प्रार्थना करछूँ, कि एक-दुसारा खिन तुमोरो प्रेम ज्ञाना का दगाड़ पुरी समझ ले बढ़नै जौ।

फिलिप्पिन 2:12

येक कारण हे प्रिय दगड़ियो, तुमून ले हमेशा म्यारा हुकुमून को पाल करछ्य, जब मैं तुमार दगाड़ छ्यू। अब जब मैं दूर छूँ, त यो और ले जरूरी छै, कि तुम परमेश्वरो को डर मानून और काँपूनै अपूना उद्धारा कामून करून चैछो, जो उन लोगून खिन ठीक छन, जिनून परमेश्वर ले बचा लीछ।

फिलिप्पिन 4:8

येक कारण हे प्रिय दगड़ियो, तुम अपूनो ध्यान उन बातुन में लगा, जो-जो बात सच्ची, आदरणीय, भलि पवित्र, निकी, और मन स भान वाली, जो बड़िया और तारीफ की बात छन और तुमारा उन बातुन में लाग रून।

कुलुस्सियून 1:9

येक कारण जे दिन भटे हमून ले सुण रैछ, त हम उ दिन भटे हमेशा तुमून खिन प्रार्थना और बिनती करनै रूनू, कि परमेश्वरो को आत्मा तुमून ज्ञान और समझ दे ताकि तुम परमेश्वर की इच्छा पुरी तरीका ले समझ सका।

कुलुस्सियून 2:3

योई उई छै जो बुद्धि और ज्ञान को पछयाण करूछो जो कि उ खजाना कि नियाती छै जो लुकीना को छ्यो।

इब्रानियों 11:6

केवल परमेश्वर में विश्वास करभेरन हम ऊस खुश कर सकनू। किलैकी परमेश्वरा का पास ऊँनवाला स विश्वास करून चैछो, कि उ छै; और उन जो ऊस सच्चाई ले खोजनान, उ उनून उको प्रतिफल दीछो।

इब्रानियों 12:15

सतर्क रौ, कई इसो नै हो, कि कोई ले आदिमी परमेश्वरा का अनुग्रह का बिना नै रै ज्यो। और ध्यान दी कि कोई ले आदिमी स अविश्वास में कड़वा रूखा का जड़ा का नियाती जन बनून दी जो उक जहर का दगाड़ कई परेशानीन का कारण बनछो, जैले उ आदिमी परमेश्वर है दूर हो ज्यो।

इब्रानियों 6:11

आलसी जन बना। लेकिन कड़ी मेहनत करून वालान की नियाती तुमून अंत तक धीरज और विश्वास में मजबूत आश राखभेरन इन प्रेम का कामून करून जारी राखून चैछो, ताकि परमेश्वरा का करिना का वादा पा सका।

1 पतरस 3:7

उसीकैं हे घरवालो, तुम अपूनी घरवालीन का दगाड़ मेल-मिलाप ले रौ, और उनार मद्दत करना का बारिमें बिचार करा, तुमून याद राखून चैछो कि उन तुमून है कमजोर छन, येक कारण तुमून उनोरो आदर करून चैछो। किलैकी तुम द्वीवै उ बरदान स साझा करछा जो परमेश्वरा का अनुग्रह ले तुमून दीईना को छै, मतलब अनन्त जीवन को बरदान। इसो करा ताकि जब तुम परमेश्वर थैं प्रार्थना करा त उ तुमेरि सुणो।

2 पतरस 1:10

येक कारण हे म्यारा विश्वासी भाईयो, अपूनास और दुसरा लोगून यो देखून खिन और ले निका ब्यवहार करना की कोशिश करा कि परमेश्वरेले सच्ची में तुमून चुनिना को छै और तुमून अपून लोग हुन खिन बुला रैछ। अगर तुम इसो करला त तुम जरूर परमेश्वर है अलग नी होला।

2 पतरस 1:11

और यो कि परमेश्वर उ राज्य में बड़ी खुशी ले तुमोरो स्वागत करलो जाँ यीशु मसीह छै, जो हमोरो प्रभु और हमोरो मुक्तिदाता छै, और उ हमेशा खिन राजा का रूप में राज्य करोलो।

2 पतरस 3:14

येक कारण हे म्यारा विश्वासी भाईयो, जब तुम इन बातुन को हुना को इन्तजार करून मरेछा, येक कारण इसो जीवन जीना की हर तरीका ले कोशिश करा, जो परमेश्वरेस खुश करछो और शुद्ध और बिना दोष का और एक-दुसरा का दगाड़ शान्ति ले र।

2 पतरस 3:18

बल्कि तुम इसीकैं जीवन बिता कि तुम हमार मुक्तिदाता यीशु मसीह का अनुग्रह और ज्ञान में बढ़नै जा और ऊस बड़िया तरीका ले जाण सका। उकी महिमा अब ले और हमेशा हुनै रौ। आमीन।