2 पतरस 1:4 - सोरियाली नय्या नियम

⁴ और उकी महिमा और भलाई का कारण, उले हमून भौत महान और अनमोल बरदान दीयान, जैको उले वादा करिना को छ्यो, ये इसा वादा छन जो तुमून संसारै की बुरी इच्छान भटे बचुन में ताकतवर बनुनान, इन बुरी इच्छान पुरी करूनवाला उन लोग छन जो मसीह में विश्वास नै करना, और तुम परमेश्वरा का नियाती निका चाल-चलन में भागीदार बन गैछा।

2 पतरस 1:4 Iomraidhean Croise

रोमियून 9:4

उन इस्राएल देशा का लोग छन, और उनून परमेश्वरे ले गोद लिइनाका नान्तिना का रूप में चुन रैछ, और अधिकार, महिमा, वादा, नियम-कानून, और वादा, और उन सच्चा तरीकाले परमेश्वर की अराधना करनान।

2 कुरिन्थियून 1:20

किलैकी परमेश्वरा का जतुक ले वादा छन उन सब वादा मसीह में “हाँक” दगाड़ छन। और येक कारण हम “आमीन” कुंनू कि, हमार द्वारा परमेश्वरे की महिमा हो।

2 कुरिन्थियून 3:18

हम सब एक ऐना का नियाती छा, जो परमेश्वरा का तेज स इसा चेहरा ले देखनान जिनून में परदा पड़ीना नाहातिन, त परमेश्वर हमून लगातार बड़ीना का तेज में ज्यादा है ज्यादा अपूनी नियाती बनून मर्योछ। यो तेजोमय प्रभु थैं मिलछो, जो पवित्र आत्मा छै।

2 कुरिन्थियून 6:17

येक कारण प्रभु हमूनथैं पवित्रशास्त्र का द्वारा कुंछो, “उन लोगून भटे अलग हो जा जो परमेश्वरा पछिल नै हिटना। और अपवित्र चीजून है दूर रौ, त मैं तुमून अपनूलो;

गलातियों 3:16

उसीकैं परमेश्वरे ले अपून वादा अब्राहम स और उक वंश स दीछ। पवित्रशास्त्र यो नै कुंनो कि, “त्यारा वंश को,” जैस भौत का बारिमें क्योछ, लेकिन यो एक आदिमी का के बारिमें बात करछो कि, “त्यारा वंश को,” और उ आदिमी मसीह छै।

गलातियों 6:8

अगर कोई आदिमी अपून पापी स्वभाव की इच्छान का अनुसार जीवन जीनान त उ हमेशा की मौत की सजा मिलेलि। अगर कोई पवित्र आत्मा का इच्छा का अनुसार अपूनो जीवन जीछो त ऊस अनन्त जीवन दी जालो।

इफिसियून 4:13

यो तब तक जारी रौलो जब तक कि हम अपून विश्वास और परमेश्वरा का च्याला का बारिमें अपून समझ में एक नै हो जाना। तब हम सिद्ध बन जूला, जसीकैं मसीह बनछै, और हम पुरी तरीका ले उक नियाती हो जूला।

कुलुस्सियून 3:10

और अब तुमले नय्या स्वभाव पा हैछ, यो नय्या स्वभाव ज्यादा है ज्यादा अपून बनून वाला परमेश्वर नियाती हो जाछो और येक कारण उ निकीकैं समझोलो।

इब्रानियों 12:10

हमार संसारिक बबा जसो उनून सबून है निको लागछो, हमून थ्वाड़ा बखत खिन डाँठ छ्या लेकिन परमेश्वर हमेरि भलाई खिन हमून डाँटछो कि हम उकी पवित्रता में भागीदार हो ज्या।

इब्रानियों 9:15

यो कारण ले मसीह लोगून का दगाड़ एक नय्या वाचा बाँधछो, ताकि उ लोग जो परमेश्वरा का द्वारा बुलाई ग्यान, उन, उन अनन्त आशीषून पा सकून जिनोरो वादा परमेश्वरेले करिना को छ्यो। इसो येक कारण हो सकछो किलैकी मसीह उनून पापून की सजा भटे आजाद करून खिन मर ग्यो जो उनूनले पैलि वाचा का अधीन रैभेरन करछ्य।

याकूब 1:27

हमार पिता परमेश्वरा का सामुनि नजर में साफ और सच्ची भक्ति यो छै कि अनाथून और विध्वाऊन का दुखून में उनोरो ख्याल राँखा, और अपूनास यो संसाराक बुर कामून भटे बचाभेरन राँखा।

2 पतरस 1:1

मैं, शमौन पतरस, जो यीशु मसीह को प्रेरित छूँ। मैं यो चिठ्ठी तुम सबून खिन लिखूनमरयूँ जो उ कीमती विश्वास स साझा करछा जो हमून में छै, उ विश्वास जो हमार परमेश्वर और मुक्तिदाता यीशु मसीह का द्वारा हमून दीईना को छै, जो हमून परमेश्वरा का दगाड़ सही ठैहरछो।

2 पतरस 3:13

लेकिन हम विश्वासी लोग परमेश्वरा का वादा का अनुसार एक नय्या स्वर्ग और नय्या धरती की आश राखनू जाँ सिर्फ धर्मी लोग रूनान।

2 पतरस 3:9

कुछ लोग सोचनान कि प्रभु अपून वापस उनाको वादा स पुरो करून में देरी करूनमर्योछ। लेकिन प्रभु ऊस तरीका ले देरी नै करूनमर्योछ। बल्कि, वह तुमार दगाड़ धैर्य धरून मर्योछ। किलैकी उ कैसे ले नाश नै करूनो चानो। लेकिन उ चाछो कि हरेक अपून पापून खिन पश्चाताप करो और गलत काम करून छोड़ द्यो, और उक पास आज्यो।

1 यहूना 2:25

और जैको परमेश्वर ले हमूनथैं वादा करछ्य उ अनन्त जीवन छै।

1 यहूना 3:2

हे प्रिय दगड़ियो, अब हम परमेश्वरकि सन्तान छा, और अब तक यो प्रगट नै भ्यो कि भविष्य में हम की बनला, बश हम इतुक जाणनू कि जब उ प्रगट होलो त हम ले उक समान हूँला, क्याखिनकि हम ऊस ऊसो देखला जसो उ छै।