2 पतरस 1:3 - सोरियाली नय्या नियम

³ परमेश्वर ले अपून सामर्थ का द्वारा हमून उ सब कुछ दीछ जो हमून एक इसो जीवन जीन खिन चैछो जो परमेश्वरेस खुश करछो। यो हो सकछो किलैकी हम परमेश्वरेस जाणनू और उ उई छै जैले हमून अपूनी महिमा और भलाई का द्वारा अपून लोग हुन खिन बुला रैछ।

2 पतरस 1:3 Iomraidhean Croise

मत्ती 28:18

लेकिन यीशु ले उनार पास आभेरन क्योछ, “स्वर्ग और धरती को पुरो अधिकार मैंस दी ग्योछ।

रोमियून 8:32

परमेश्वर ले अपून एकलौता च्याला स ले नै बचायो, लेकिन उले हमून में अनुग्रह करभेरन ऊस हमार पापून खिन अपून दुश्मनून सौंप दीछ, त उ हमून सब चीज द्योलो जेको उले वादा कर रैछ।

रोमियून 9:24

चाहे यहूदी हो या गैर-यहूदी, हमी उन चुनिना का लोग छा।

1 कुरिन्थियून 1:9

परमेश्वर इसो करोलो, क्याखिनकि उ जो कुंछो ऊस उ करून में विश्वायोग्य छै, और उले तुमून अपून च्याला, हमार प्रभु यीशु मसीह का दगाड़ एक संगति में बुला रैछ।

2 कुरिन्थियून 12:9

और उले मैंथैं क्योछ, “म्योरो अनुग्रह तैखिन भौत छै; किलैकी मेरि सामर्थ कमजोरी में सिद्ध हुछी।” येक कारण मैं भौत खुशी ले अपूनी कमजोरीन में घमण्ड करूँलो, कि मसीह की सामर्थ मैंमें छाया करछी।

इफिसियून 4:1

येक कारण मैं जो प्रभु यीशु मसीह की सेवा करना का कारण जेल में छूँ तुमूनथैं विनती करछूँ कि जो बुलाहटाक दगाड़ परमेश्वर ले तुमून अपूनी सन्तान हुन खिन बुला रैछ, उक अनुसार अपूनी जीन्दगी जीया,

इफिसियून 4:4

हम सब विश्वासी एक्कै शरीरा का हिस्सा का नियाती छा, और हम सबून एक्कैई पवित्र आत्मा मिलीना को छै। जसा तरीका ले तुमून एक आश दी राखछी, जब तुमून परमेश्वरा का लोग हुन खिन बुलाई गैछा।

फिलिप्पिन 3:8

क्याखिनकि यीशु मसीह स जाणून बाकि सब चीजून है कई बढ़भेरन छै, मैं सब चीजून बेकार समझछूँ। जैका कारण मैंले सब चीजून छोड़ दीयान, और उनून कूड़ो समझछूँ, ताकि मैं मसीह जाण सकूँ।

फिलिप्पिन 4:8

येक कारण हे प्रिय दगड़ियो, तुम अपूनो ध्यान उन बातुन में लगा, जो-जो बात सच्ची, आदरणीय, भलि पवित्र, निकी, और मन स भान वाली, जो बड़िया और तारीफ की बात छन और तुमारा उन बातुन में लाग रून।

कुलुस्सियून 1:16

क्याखिनकि यो उई मसीह छै, जेले पुर संसारा का चीजून बुन खिन परमेश्वरा का दगाड़ काम करछ्य, चाहे उ स्वर्ग की हो या धरती की, देखीना का या अनदेखीना का, क्या सिंहासन, क्या प्रभुता, क्या प्रधानता, क्या अधिकार, और सब चीज उक द्वारा उ खिन बनाई ग्यान।

1 थिस्सलुनीकियों 2:12

तुम इसो जीवन जीया जैस देखभेरन परमेश्वर खुश हुछो, जो तुमून अपून राज्य और महिमा में भागीदार हुन खिन बुलूछो।

1 थिस्सलुनीकियों 4:7

क्याखिनकि परमेश्वर ले हमून अशुद्ध जीवन जीन खिन नै बल्कि पवित्र जीवन जीन खिन बुला रैछ।

2 थिस्सलुनीकियों 2:14

परमेश्वर ले उ सुसमाचारो को इस्तमाल करछ्य, जेस हमूले तुमून उद्धार दीन खिन तुमार बीच में प्रचार करछ्य, ताकि तुम हमार प्रभु यीशु मसीह का महिमा में भागीदार बन सका।

1 तीमुथियुस 4:8

शरीरो को ब्यायाम ले सिर्फ थ्वाड़ा फैदा हुछो, जब कि परमेश्वर की भक्ति को फैदा सब बातुन में छै। क्याखिनकि यो आदिमी स ईनाम दीना को वादा करछो जो हम ऐल दुनिया में छा और मरना का बाद ले।

2 तीमुथियुस 1:9

परमेश्वरे ले हमोरो उद्धार करछ्य, और हमून पवित्र जीवन जीन खिन बुलाछ। उले हमून येक कारण नै चुनियो की हमूले भल काम कर्यान, लेकिन अपून मक्शद और उ अनुग्रह का कारण बुलाछ, जैकी योजना परमेश्वरे ले पैलि भटे यीशु मसीह स यो संसार में भेजना का द्वारा बनाईना की छी।

इब्रानियों 1:3

च्योलोई परमेश्वरे की महिमाको उज्यालो छै, और उ हर तरीका ले परमेश्वरो को जसो छै। अपून शक्तिशाली बचनून का द्वारा, उ सबै स जो बनाई ग्योछ बनिना को रून खिन मद्दत करछो। उले लोगून उनार पापून भटे शुद्ध करछ्य, और येक बाद स्वर्ग में महिमामय परमेश्वरा का दैन तरफ जाभेरन बैठ छै।

1 पतरस 1:15

लेकिन अब तुमून हर काम में जो तुम करछा पवित्र हुन चछो, जसीकैं कि परमेश्वर पवित्र छै जैले तुमून अपून बच्चा हुन खिन चुन लीछ।

1 पतरस 1:5

परमेश्वरै अपूनी सामर्थ का द्वारा तुमून सुरक्षित राखून मर्योछ किलैकी तुम यीशु में विश्वास करछा। उ आखरी दिन जब मसीह वापस आलो, तुमून हर दिन सुरक्षित राखोलो। तब तुम जाण जाला कि परमेश्वरेले तुमून पाप और मौत भटे पुरी तरीका ले बचाछ।

1 पतरस 2:21

परमेश्वरा का द्वारा तुमून चुनी जाना को यो कारण छै कि उखिन भल काम करभेरन दुखून सहन करा। किलैकी मसीह ले तुमून खिन दुख सहन करिना का छन, उ तुमून खिन एक उदारण छै। येक कारण तुमले ऊसोई काम करा जसो मसीह ले कर्यान।

1 पतरस 2:9

लेकिन तुम इसा नाहातिन किलैकी तुम परमेश्वरा का चुनिना का लोग छा तुम परमेश्वरा का याजक छा, जो राजा छै, तुम परमेश्वर की सेवा करून खिन समर्पित छा और तुम परमेश्वरा का खास लोग छा। किलैकी उले तुमून अन्यार में भटे भ्यार अपून अद्धभुत उज्याल में बुलाईना का छा, ताकि तुम परमेश्वरा का अद्धभुत कामून का बारिमें बता सका।

1 पतरस 3:9

बुराईक बदला बुराई जन करा और नै गाली का बदला गाली दी; लेकिन येका बदला आशीष दी। किलैकी परमेश्वरेले तुमून येक कारण बुला रैछ ताकि तुम दुसरान आशीष दी सका। अगर तुम इसो करछा त परमेश्वर ले तुमून आशीष द्योलो।

1 पतरस 5:10

परमेश्वर जो पुर तरीका ले अनुग्रह ले भरिनाका छन, उले हमून मसीह का दगाड़ हमार रिश्ताका कारण स्वर्ग में उकी अनन्त महिमा में सहभागी हुनखिन हमून बुला रैछ। तुमार थ्वाड़ा बखत खिन दुख सहन करना का बाद, परमेश्वर तुमून मजबूत करोलो, ताकि तुमोरो विश्वास मजबूत हो, और डगमगून वाला नै हो।

2 पतरस 1:10

येक कारण हे म्यारा विश्वासी भाईयो, अपूनास और दुसरा लोगून यो देखून खिन और ले निका ब्यवहार करना की कोशिश करा कि परमेश्वरेले सच्ची में तुमून चुनिना को छै और तुमून अपून लोग हुन खिन बुला रैछ। अगर तुम इसो करला त तुम जरूर परमेश्वर है अलग नी होला।

2 पतरस 1:2

मैं प्रार्थना करछूँ कि परमेश्वर में तुमून ज्यादा है ज्यादा अनुग्रह और शान्ति मिलो जसकैं तुम परमेश्वर और हमार प्रभु यीशु का ज्ञान में बढ़छा।

2 पतरस 1:5

क्याखिनकि तुम परमेश्वरा का स्वभाव में सहभागी हुन खिन छा, येक कारण तुमून केवल मसीह में विश्वास करून चैछो, बल्कि तुमून हमेशा उई करूनो कोशिश करून चैछो जो दुसरान खिन ठीक छै। तुमून नै सिर्फ उई करून चैछो जो ठीक छै पर तुमून इसो हुन चैछो जो जाणनान की कसीकैं समझदारी ले ब्यवहार करूनो चैछो।

2 पतरस 1:6

तुमून केवल योई नै जाणून चैनो कि कसीकैं दुसरान का दगाड़ समझदारी ले ब्यवहार करून छै, तुमून सिर्फ अपून में काबू नै राखून चैछो बल्कि तुमून मुसीबत में ले धैर्य ले राखून चैछो, तुमून सिर्फ धैर्य नै राखून चैनो, बल्कि तुमून इसीकैं जीवन जीनो ले चैछो जो परमेश्वरेस खुश करछो।

2 पतरस 1:8

अगर तुम हमेशा इसीकैं जीवन जीछा त यो तुमार फैदा खिन छै, और इसो जीवन प्रभु यीशु मसीह का ज्ञान में बढ़ून खिन मद्दत करछो।

2 पतरस 2:20

जब लोगून ले प्रभु यीशु मसीह स अपून प्रभु और मुक्तिदाता मान हलछ्यो, तब प्रभु ले उनून यो संसारै की बुराई भटे बचा हलछ्यो। लेकिन अब एक बार फिर उन बुरा कामून में फंस ग्यान और उन बुरा काम अब उनून अपून वश में करनान, येक कारण अब मसीह स अस्वीकार कर दिनाका बाद उनेरि दशा उनार विश्वासी बनून है पैलिक दशा है ले बुरी हो गै।

2 पतरस 3:18

बल्कि तुम इसीकैं जीवन बिता कि तुम हमार मुक्तिदाता यीशु मसीह का अनुग्रह और ज्ञान में बढ़नै जा और ऊस बड़िया तरीका ले जाण सका। उकी महिमा अब ले और हमेशा हुनै रौ। आमीन।