2 पतरस 1:16 - सोरियाली नय्या नियम

¹⁶ किलैकी जब हम प्रेरितून ले तुमून हमार प्रभु यीशु मसीह की सामर्थ और वापस उनाक बारिमें बताछ, त हम तुमून चतुराई ले के बनाईना कहानी नै बतून मरैछ्या। बल्कि, हमूनले मसीह को महिमा अपूनी आँखान ले देखीना को छ्यो।

2 पतरस 1:16 Iomraidhean Croise

मत्ती 16:27

जब आदिमी को च्योलो अपून स्वर्गदूतुका दगाड़ अपून बबा का महिमा में आलो, उ बखत उ हरेक स उक कामून का अनुसार फल द्योलो।

मत्ती 16:28

मैं तुमूनथैं सच्ची कुंछूँ, कि जो याँ ठाँड़ छन, इनून में कुछ लोग इसा छन, जब तलक मैंस आदिमी को च्योलो को परमेश्वरा का राज्य स सामर्थ का दगाड़ उन नै देख ल्यून, तब तलक उन कभै नी मराँला।”

मत्ती 17:1

और छ: दिन का बाद यीशु अपून शिष्य पतरस, याकूब और यहूना स अपून दगाड़ एक ऊँचा डाँण में ली ग्यो जा उन एकला छ्या।

मत्ती 24:27

क्याखिनकि द्य घड़कून बखत जसीकैं बिजिली आकाश में पूरब भटे पश्चिम तक चमकछी, उसीकैं मैं आदिमी को च्योलो ले ऊँनो होलो।

मत्ती 24:3

जब यीशु जैतून का पहाड़ में बैठिना को छ्यो, तब यीशुका शिष्यून ले यीशु का पास आभेरन क्योछ, “गुरू जी, हमून बतो यो सब बात कब होला? तेरा वापस उनाको और संसार को अन्त को कि चिन होलो?”

मत्ती 28:18

लेकिन यीशु ले उनार पास आभेरन क्योछ, “स्वर्ग और धरती को पुरो अधिकार मैंस दी ग्योछ।

मरकुस 13:26

उ बखत लोग, मैं आदिमी का च्याला स बड़ी सामर्थ और महिमा का दगाड़ बादलून में उन देखला।

मरकुस 14:62

यीशु ले जबाब दीछ, “होई मैं छूँ। और तुम मैं आदिमी का च्याला स बड़ी सामर्थ का दगाड़ सर्वशक्तिमान परमेश्वरा का देन तरफ बैठिना को और स्वर्ग भटे आकाश में बादलों का दगाड़ उन देखला।”

लूका 1:2

उनूनले ठीक उई लिखछै जो उन लोगून का द्वारा हमून बताई ग्योछ, जिनूनले यीशु की सेवकाई स शुरूवाद भटे देखीना को छ्यो, और जो बाद में परमेश्वरा का वचना का दास बन ग्या।

लूका 9:43

तब सब लोग परमेश्वरो को ठूलो काम स देखिभेरन हैरान हो ग्या, लेकिन जब सब लोग उन कामून कि जो उ करछ्यो हैरान छ्या।

यहूना 1:14

और बचन एक आदिमी बनछै; और अनुग्रह ले और सच्चाई भरिभेरन हमार बीच में डेरा करछ्य, और हमूले उकी इसी महिमा देखछ्य, जसीकैं पिता परमेश्वरा का तरफ भटे आईना का एकलौता च्याला की महिमा।

यहूना 17:2

क्याखिनकि तैंले मैंस सब लोगून में अधिकार दीछ, कि जिनून तैले मैंस दी रैछ, उन सबून मैं अनन्त जीवन दीयू।

रोमियून 1:4

और पवित्र आत्माक अनुसार मरिन में भटे ज्यून हुना का कारण सामर्थ का दगाड़ परमेश्वरो को च्योलो ठैहरछ्य। उ यीशु मसीह हमोरो प्रभु छै।

1 कुरिन्थियून 1:17

क्याखिनकि मसीह ले मैंस बपतिस्मा दीन खिन नै, पर सुसमाचार सुणून खिन भेज रैछ, और जब मैं लोगून परमेश्वरो को सुसमाचार सुणूछूँ, त मैं अपूनी काबिलियत ले नै सुणूनू, नै त लोग सिर्फ मेरि काबिलियत मेंई विश्वास करना, और उन सूली में मसीह की मौत की सामर्थ स नी जाणना।

1 कुरिन्थियून 1:23

लेकिन हम यो प्रचार करनू कि मसीह हमून हमार पापून है छुड़ून खिन सूली में मर ग्यो, यो यहूदी लोगून का विश्वास खिन ठोकर को कारण छै और गैर-यहूदीन लोगून खिन मूर्खता खिन छै।

1 कुरिन्थियून 1:7

यो कारण छै, कि जब तुम हमार प्रभु यीशु मसीह का वापस उनाको इन्तजार करनै रूछा, और अब तुमार पास उ आत्मिक बरदान छन जिनेरी तुमून जरूरत छै।

1 कुरिन्थियून 2:1

हे म्यारा विश्वासी भाईयो, जब मैं तुमार पास परमेश्वरा का बारिमें सुसमाचार सुणूनै आयूं त मैंले ठूला-ठूला अकक्षरून को इस्तमाल नै कर्यो और नै समझदार लागना को दिखावा करछ्य।

1 कुरिन्थियून 2:4

और मेरि शिक्षा और म्येरो प्रचार आदिमीन का ज्ञान ले भरिना का अकक्षरून का अनुसार नी छ्यो, लेकिन पवित्र आत्मा ले तुमून एक शक्तिशाली तरीका ले दिखाछ कि जो सुसमाचार मैंले तुमून बताछ उ सच्ची छ्यो।

1 कुरिन्थियून 5:4

जब तुम प्रभु मसीह यीशुक नाम ले इकट्ठा हुछा, तो म्यारा बिचार तुमार दगाड़ हुनान और प्रभु यीशु मसीह की सामर्थ ले तुमारा दगाड़ छै। त इसो आदिमी हमार प्रभु यीशु मसीहक अधिकार ले,

2 कुरिन्थियून 2:17

किलैकी हम उन भौतून का नियाती नाहातिन, जो परमेश्वरा का बचन स अपून फैद खिन प्रचार करनान; लेकिन हम परमेश्वरा का बचन को प्रचार सच्चाई और मसीहक अधिकाराक दगाड़ करनू, यो जाणभेरन कि परमेश्वर हमून देखून मर्योछ।

2 कुरिन्थियून 4:2

लेकिन हमूले शर्मनाक और गुप्त कामून छोड़ दी है छै, और नै हम छल-कपट करनू, और नै परमेश्वरै का बचन स अपून फैदा खिन सुणूनू लेकिन हम परमेश्ररा का सामुनि सिर्फ सत्य बतूनू, ताकि हर आदिमी यो गवाही दे, कि हम सच्ची कुंन मर्या।

इफिसियून 4:14

अब भटे हमून बच्चान का नियाती ब्यवहार नै करून चैछो। येक कारण हमून कभै ले ध्वाकाबाज लोगून की झूठ्ठी शिक्षा में नै फसून चैछो, जो सच्ची लागनान। क्याखिनकि अब हम उन नावून की नियाती नाहातिन जिनून लहर अघिल-पछिल धक्का दीनान और हवा इथकैं-उथकैं घुमूछी।

फिलिप्पिन 3:21

प्रभु यीशु मसीह अपूनी उ सामर्थ का अनुसार, जैका जरिया उ हर एक चीज स अपून बश में कर सकछो। हमार कमजोर शरीरो को रूप बदलभेरन, अपूनी महिमा का शरीरा का अनुसार बदल द्योलो।

1 थिस्सलुनीकियों 2:19

हमरि आश, या आनन्द या बड़ाई को मुकुट को छै? उ तुमी होला जब हमोरो प्रभु यीशु दुबारा वापस आला।

2 थिस्सलुनीकियों 2:9

उ दुष्ट शैतान सामर्थ का दगाड़ आलो और कई प्रकारा का झूठ्ठा चमत्कार, और चिन और अद्धभुत कामून करोलो जेले लोगून यो लागोलो कि परमेश्वर इन कामून करूनमर्योछ।

1 तीमुथियुस 1:4

झूठ्ठी कहानीन और पूर्वजून का वंशावलीन की सूची में अपूनो बखत बरबाद जन करा, जिनूनले बाद-बिवाद हुछो। इसा तरीका बाद-बिवाद परमेश्वरा का काम करून में मद्दत नै कर सकूनो। इसा तरीका काम तब करि जाना जब कोई परमेश्वर में विश्वास करना।

1 तीमुथियुस 4:7

लेकिन उन बेकार और पूर्वजून का झूठ्ठी कहानीन में अपूनो बखत बर्बाद जन करा, जेले परमेश्वरो को आदर नै मिलनो। बल्कि तुमून परमेश्वर स आदर दीन वाला जीवन खिन अपून आपस हमेशा सच्ची शिक्षा में बनिना को रून चैछो।

तीतुस 1:14

तुम यहूदीन की झूठ्ठी कथा-कहानीन और उन लोगून का हुकुमन को पालन जन कर्या, जो सच्चाई भटे भटक ग्यान।

2 पतरस 2:3

इन सिखून वाला लालची होला, और उन बनि-बनाई कहानीन सुणाभेरन तुमून ध्वाका द्याला ताकि तुमूनथैं चीजून प्राप्त कर सकून। परमेश्वरे ले भौत बखत पैलि फैसला कर हलछ्यो कि उ उनून सजा द्याला और उन करून खिन तैयार छन। उन जरूर उनून नाश कर द्याला।

1 यहूना 4:14

हमूले च्याला स देख ले हालछ्य, और गवाही ले दीनू, कि पिता परमेश्वर ले च्याला स यो संसारो का लोगून खिन मुक्तिदाता हुन खिन भेज रैछ।

यहूदा 1:14

हनोक ले, जो आदम भटे सतूँ पीढ़ी में पैद भ्योछ, इन लोगून का बारिमें भविष्यद्वाणी करीनाकि छी, जब उले क्योछ, देखा प्रभु जरूर अपून पवित्र लाखू स्वर्गदूतून का दगाड़ वापिस आलो,

प्रकाशितवाक्य 1:7

सुणा, उ बादलून का दगाड़ ऊँनवालो छै; और हरेक आदिमी ऊस देखाला, जो लोग उकी मौत खिन जिम्मेदार छ्या, उन ले ऊस ऊँन देखाला। संसारा का सब लोग जोरले रोला जब उन ऊस देखाला। होई, इसो होलो! आमीन।