2 पतरस 1:1 - सोरियाली नय्या नियम

¹ मैं, शमौन पतरस, जो यीशु मसीह को प्रेरित छूँ। मैं यो चिठ्ठी तुम सबून खिन लिखूनमरयूँ जो उ कीमती विश्वास स साझा करछा जो हमून में छै, उ विश्वास जो हमार परमेश्वर और मुक्तिदाता यीशु मसीह का द्वारा हमून दीईना को छै, जो हमून परमेश्वरा का दगाड़ सही ठैहरछो।

2 पतरस 1:1 Iomraidhean Croise

मत्ती 10:2

उन बारा प्रेरितून को नाम यो छन, जिनून यीशु ले चुनछ्य, पैलो शमौन जैक दुसोरो नाम यीशु ले पतरस राँखछ्य, और उको भाई अन्द्रियास, जब्दी को च्योलो याकूब और याकूब को नानो भाई यहूना,

मत्ती 4:18

तब गलील प्रदेशा का झील का किनार में हिटून-हिटून यीशु ले द्वी भाईन झील में जाल डाली भेरन माछा पकड़ून देखछ्य, किलैकी उन द्वीवै मछुवारा छ्या; उनूनमें एक को नाम शमौन जो पतरस ले कहलाईछो, और उक नान भाई को नाम अन्द्रियास छ्यो।

लूका 1:47

और मेरि आत्मा म्यारा उद्धार करूनवाला परमेश्वर भटे खुश भैछ।

लूका 11:49

येक कारण परमेश्वर की बुद्धि ले क्योछ, कि मैं उनार पास मेरो संदेश दिनवालान और प्रेरितून भेजूलो, और उन इनून में भटे कुछ मार डालला, और कुछ लोग सताला।

यहूना 1:42

अन्द्रियास अपून भाई शमौन स यीशु का पास लीभेरन आछ, यीशु ले ऊस देखभेरन क्योछ, “तैं यहूना को च्योलो शमौन छै। तैं कैफा, पतरस का नाम ले जाणि जाले।”

यहूना 12:26

अगर कोई मेरि सेवा करौ, तो उ म्येरो शिष्य बनौ; तब जा मैं हुलो वाँ म्येरो सेवक ले होलो; अगर कोई मेरि सेवा करोलो, त पिता परमेश्वर उको आदर करोलो।

यहूना 20:21

यीशु ले फिर उनूनथैं क्योछ, “तुमून शान्ति मिलो; जस तरीका ले म्यारा पिता परमेश्वर ले मैंस संसार में भेज रैछ, उसीकैं मैंले तुमून संसार में भेजछूँ।”

प्रेरितून का काम 15:14

शमौन पतरसले हमून समझाछ, कि परमेश्वर ले गैर-यहूदी लोगून में भटे थ्वाड़ा लोगून अपूनी सेवा खिन चुन भेरन, सबून है पैलि कसीकैं उनूनमें दया करछ्य।

रोमियून 1:1

मैं पौलुस यो चिठ्ठी स लिखछूँ, जो यीशु मसीह को सेवक छूँ, परमेश्वरे ले मैंस प्रेरित हुन खिन चुन छै, और परमेश्वरा का तरफ भटे उ सुसमाचारो को प्रचार करून खिन अलग करिनाको छूँ।

रोमियून 1:12

म्योरो कुनाको मतलब यो छै, जब मैं तुमार बीच में उलो, तब तुम और मैं आपस में एक-दुसराक विश्वासा का द्वारा हिम्मत पाला।

रोमियून 1:17

क्याखिनकि सुसमाचार में परमेश्वर यो प्रकट करछो की उन लोगून पुर रूपले विश्वास करना का द्वारा धर्मी ठैहरूनाक लायक छन, जसकैं पवित्रशास्त्र में लिखीन को छै, “विश्वासले धर्मी जन ज्यून रोलो।”

1 कुरिन्थियून 1:30

लेकिन परमेश्वर ले तुमून यीशु मसीह का दगाड़ एकजुट करिना को छै, और मसीह का द्वारा हमून अपूनो ज्ञान दीछो। परमेश्वरेले हमून उक नजरून में धर्मी बनूछो। मसीह का द्वारा हमून पवित्र बनाई जानू, और उ हमून पापून भटे छुटकारा दीछो।

1 कुरिन्थियून 15:9

क्याखिनकि मैं प्रेरितून में सबून है नानो छूँ, सच्ची पुछा, त मैं प्रेरित कहलून लकारी को ले नाहातिन, किलैकी मैंले परमेश्वर में विश्वास करूनवाला लोगून सताईना को छ्यो।

1 कुरिन्थियून 9:1

जो कैले मैं करून चाछूँ, ऊस करून खिन मैं आजाद छूँ, मैं एक प्रेरित छूँ, मैंले प्रभु यीशु मसीह स देखछ्य, तुम प्रभु में करिना की मेरि सेवा का नतीजा छा।

2 कुरिन्थियून 4:13

लेकिन हम प्रचार करून जारी राखनू किलैकी हमून में ऊसोई विश्वास छै, जसो भजन में कुंछो, जो पवित्रशास्त्र में लिखीना को छै, “मैंले विश्वास करछ्य, येक कारण मैं चुप नै रयूँ? हम ले यो सब येक कारण कुंनू कि हमुनले विश्वास करिना को छै।”

2 कुरिन्थियून 5:21

मसीह, जो पाप भटे अनजान छ्यो, परमेश्वरेले ऊस हमून खिन पापी ठैहराछ, ताकि हम परमेश्वरा का नजर में धर्मी बन ज्या किलैकी मसीह ले हमार पापून को दण्ड अपून मलिमें ली लीछ।

गलातियों 2:8

क्याखिनकि जो परमेश्वर ले पतरस स खतना करिना का यहूदीन को प्रेरित बनाभेरन उक द्वारा सेवा काम करवायान, उसीकैं उलेई मैंस ले गैर-यहूदीन को प्रेरित बनाभेरन म्यारा द्वारा सेवा काम करवायान।

इफिसियून 3:5

यह गुप्त भेद पैलि पीढ़ीन का लोगून नै बताई ग्योछ, अब पवित्र आत्मा ले अपून पवित्र प्रेरितून और परमेश्वरा का संदेश दिनवाला लोगून में प्रगट करछ्य।

इफिसियून 4:11

यो मसीह छ्यो जेले इन जिमेदारी विश्वासीन कि मण्डली को दी, उले कुछ लोगून प्रेरित हुन खिन चुन रैछ, कुछ लोगून परमेश्वरो को संदेश दीन खिन चुन रैछ, कुछ लोगून सुसमाचार सुणून खिन चुन रैछ, कुछ लोगून रखवाली करून खिन, और कुछ लोगून सिखून खिन चुन रैछ।

इफिसियून 4:5

हम सबून को एक्कै प्रभु छै, जैमें हम सब विश्वास करनू और केवल मसीह का नाम में हमून बपतिस्मा दीई ग्योछ।

फिलिप्पिन 1:1

मैं पौलुस और तीमुथियुस जो यीशु मसीह का सेवक छा। हम यो चिठ्ठी परमेश्वरा का उन लोगून और अगुवान और सेवकून का नाम लिखूनमर्या जो यीशु मसीहा में होभेरन फिलिप्पी शैहर में रूनान।

फिलिप्पिन 1:29

क्याखिनकि तुम लोगून नै केवल मसीह में विश्वास करून खिन, बल्कि उक कारण दुख सहन करून खिन बरदान मिलीना को छै।

फिलिप्पिन 3:9

ताकि मैं उक दगाड़ मिलभेरन रै सकूँ। मैंस अपूनी धार्मिकता ले नै, जो मूसा का नियम-कानून भटे मिलछी, लेकिन उ धार्मिकता ले जो मसीह में विश्वास करना का जरियाले परमेश्वर भटे मिलछी।

2 तीमुथियुस 1:5

मैं तेरि नानी लोईसा को उ सच्चा विश्वास याद करछूँ, और तेरि ईजा यूनीके को ले ऊसोई विश्वास छ्यो। मैं यो बात में विश्वास करछूँ कि ऊसोई विश्वास तैमें ले छै।

तीतुस 1:1

यो चिठ्ठी पौलुसाक तरफ भटे छै। मैं परमेश्वरो को दास और यीशु मसीह को प्रेरित छूँ। मैंस परमेश्वरा का चुनिना का लोगून को विश्वास मजबूत करून और उनेरि मद्दत करून खिन चुन रैछ, ताकि उन उ सच्चाई जाणभेरन इसो जीवन जियून, जैले परमेश्वर स आदर मिलछो।

तीतुस 1:4

मैं यो चिठ्ठी तीतुस खिन लिखूनमरयूँ। तैं म्यारा च्याला नियाती छै क्याखिनकि तैले मसीह में विश्वास करछै जसीकैं मैं करछूँ। मैं प्रार्थना करछूँ कि पिता परमेश्वर और हमोरो मुक्तिदाता यीशु मसीह तैंस अनुग्रह और दया, और शान्ति दीनै रून।

तीतुस 2:13

हम इसीकैं ब्यवहार करनू जब हम उ दिनो को इन्तजार करूनमर्यान, जैकी हमून आश छै, उ दीन जब यीशु मसीह, जो हमोरो महान परमेश्वर मुक्तिदाता छै, अपूनी पुरी महिमा का दगाड़ संसार में वापस आलो।

याकूब 1:1

मैं याकूब, यो चिठ्ठी लिखूनमरयूँ, जो परमेश्वर और प्रभु यीशु मसीह को सेवक छूँ। मैं यो चिठ्ठी इस्राएली लोगून जो बार गोत्ररून में भटे छन उनून लिखूनमरयूँ, जो पुर संसार में तितर-बितर होभेरन रूनान उनून मेरो नमस्कार।

1 पतरस 1:1

मैं, पतरस, जो यीशु मसीह को प्रेरित छूँ। मैं यो चिठ्ठी परमेश्वरा का चुनिना का उन लोगून खिन लिखून मरयू जो कि पुन्तुस, गलातिया, कप्पदूकिया, आसिया और बितूनिया प्रदेशून का अलग-अलग शैहरून में परदेशीन की नियाती रूनान।

1 पतरस 1:7

इन परेशानीन को मक्शद यो दिखूनो छै कि क्या तुम सच्ची में परमेश्वर में भरोसा करछा। यीशु मसीह में तुमोरो विश्वास सुनो है ज्यादा कीमती छै। जसीकैं नाश हुन वाला सुना स आग में परखी जाछो और शुद्ध करि जाछो, उसिकैं अगर तुमोरो विश्वास परीक्षान का द्वारा परखी जाना का बाद ले मजबूत रूछो, त यो उ दिन तुमून भौत बड़ाई और महिमा और सम्मान दिलालो जब यीशु मसीह फिर वापस आलो।

1 पतरस 2:7

यो ढूंगो तुमून खिन भौत कीमती छै जो यीशु मसीह में विश्वास करनान। लेकिन जो लोग उमें विश्वास नै करना उनार बारिमें पवित्रशास्त्र कुंछो कि, “राजमिस्त्रिन ले जै ढूंगास बेकार समझभेरन निकालीना को छ्यो, उ घरो को नींव को खास ढूंगो बन ग्योछ।”

1 पतरस 5:1

कुछ बात इसी छन जो मैं वाँक यहूदी अगुवान थैं कुंन चाछूँ किलैकी मैंले तुमोरो जैसो एक यहूदी अगुवा छूँ। मैंले खुद उन दुखून देखीना को छै जो भौत बखत पैलि मसीह ले सहन कर्यान। त मैंले उकी महिमा में भागीदार हूँलो, जब उ फिर यो संसार में वापस आलो। मैं तुमूनथैं बिनती करछूँ कि,

2 पतरस 1:4

और उकी महिमा और भलाई का कारण, उले हमून भौत महान और अनमोल बरदान दीयान, जैको उले वादा करिना को छ्यो, ये इसा वादा छन जो तुमून संसारै की बुरी इच्छान भटे बचुन में ताकतवर बनुनान, इन बुरी इच्छान पुरी करूनवाला उन लोग छन जो मसीह में विश्वास नै करना, और तुम परमेश्वरा का नियाती निका चाल-चलन में भागीदार बन गैछा।

यहूदा 1:1

मैं यहूदा, जो यीशु मसीह को एक सेवक और याकूबो को नान भाई छूँ। मैं यो चिठ्ठी तुम लोगून लिखून मरैयू, जिनून परमेश्वरेले अपून में विश्वास करून खिन बुलाछ। हमोरो पिता परमेश्वर तुमून प्रेम करछो और तुम यीशु मसीह का द्वारा सुरक्षित छा।