1 तीमुथियुस 6:2 - सोरियाली नय्या नियम

² जिनारा मालिक विश्वासी छन, इनून उन मसीह में भाई समझून और उनोरो सम्मान करून चैछो, बल्कि और बड़िया तरीका ले उनेरि सेवा करून चैछो, क्याखिनकि उनार काम ले फैदा उठून वालान विश्वासी छन जिनून उन मसीह में भाई का नियाती प्रेम करनान, तैं इन बातुन की शिक्षा और उपदेश दीया करा।

1 तीमुथियुस 6:2 Iomraidhean Croise

मत्ती 23:8

लेकिन तुम लोगून यो मौका जन दीया कि तुमूनथैं गुरू कुन, क्याखिनकि तुमोरो एक्कै गुरू छै, और तुम सब आपस में भाई-बैनिन का समान छा।

मत्ती 25:40

तब प्रभु उनून जबाब द्योलो, ‘मैं तुमूनथैं सच्ची कुछूँ कि तुमूनले जो म्यारा इन नान है नान भाईन में भटे कोई एक्का ले दगाड़ करछ्य उ म्यारा दगाड़ करछ्य।’

मत्ती 6:24

कोई ले आदिमी एक बखत में द्वी मालिकून की सेवा नै कर सकूनो, क्याखिनकि उ एक्का दगाड़ बैर और दुसरा का दगाड़ प्रेम राखोलो, या एक्का दगाड़ मिलीना को रौलो और दुसरा स तुच्छ समझलो। तुम ले परमेश्वर और धन द्वीवैन की सेवा नै कर सकना।

प्रेरितून का काम 1:15

उनी दिनून में जब वाँ लगभग एक सौ बीस विश्वासी लोग जाम छ्या। तब पतरस उनार बीच में ठाड़ है भेरन कुन लागछ,

रोमियून 11:17

इस्राएली देशाक लोग फलवन्त जैतूना का रूखा का हांगाका नियाती छन, और हमार पुरखा अब्राहम, इसहाक और याकूब उ रूखा का जड़ा का नियाती छै, और गैर-यहूदी लोग जंगली जैतूना का रूखा का हांगा नियाती छन, जिनून जंगली जैतून का रूख भटे काटिभेरन, फलवन्त जैतूना रूख में कलम लगाई ग्यान, तुम यहूदीन में उई तरीका ले फैद प्राप्त करनान, जसकै अब उन जंगली हांगान फलवन्त जैतून की जड़ भटे खुराक मिलछी।

रोमियून 8:29

क्याखिनकि उले जिनून पैलि भटे चुन रैछ, उनार बारिमें पैलि भटे तय करिनाको छै, कि उन उक च्याला यीशु मसीहक नियाती हो जाला ताकि यीशु मसीह इसिकै सब भाईन में ज्योठो।

गलातियों 5:6

अगर तुम मसीह यीशु का शिष्य छा त यो बात ले कोई फरक नै पड़नो कि तुमोरो खतना होईना को छी या नाहातिन। लेकिन जरूरी बात यो छै, कि हम मसीह में विश्वास करनू, और हम परमेश्वर और दुसारा लोगून का प्रति प्रेम राखनू।

इफिसियून 1:1

मैं पौलुस, परमेश्वरे की इच्छाक अनुसार यीशु मसीहक प्रेरित छूँ। मैं यो चिठ्ठी इफिसुस शैहर में यीशु में विश्वास करूनवाला परमेश्वरा का लोगून खिन लिखूनमर्यू।

इफिसियून 1:15

येक कारण, जब भटे मैंले प्रभु यीशु में तुमार विश्वास और परमेश्वरा का लोगून खिन तुमार प्रेम बारिमें सुणभेरन,

इफिसियून 3:6

यो परमेश्वर की योजना छै कि यीशु मसीह का दगाड़ हमार रिश्ताका द्वारा यहूदीन का नियाती गैर-यहूदी लोग उई आशीषून पाला, और उन एक्कै शरीरो को हिस्सा छन, और उ वादा का हिस्सेदार छन, जो परमेश्वर ले यहूदी लोगून का दगाड़ करिना को छ्यो।

कुलुस्सियून 1:2

मसीह में उन पवित्र और विश्वासयोग्य विश्वासी भाईन का नाम चिठ्ठी लिखूनमरयूँ जो कुलुस्से नगर में रूनान। मैं प्रार्थना करछूँ कि हमार पिता परमेश्वरा का तरफ भटे तुमून अनुग्रह और शान्ति मिलनै रौ।

कुलुस्सियून 1:4

क्याखिनकि हमून ले तुमार बारिमें सुण रैछ, कि यीशु मसीह में तुमोरो विश्वास छै, और तुम सब परमेश्वरा का लोगून का दगाड़ प्रेम राखछा।

कुलुस्सियून 4:1

हे मालिकों, स्वर्ग में तुमोरो ले एक मालिक छै, यो समझभेरन, अपून-अपून दासून का दगाड़ न्याय और एक जसो ब्यवहार करा।

2 थिस्सलुनीकियों 1:3

हे म्यारा विश्वासी भाईयों, तुमार बारिमें हमून हमेशा परमेश्वरो को धन्यवाद करून चैछो। इसो करूनो ठीक ले छै, क्याखिनकि तुमोरो विश्वास यीशु मसीह में बढ़नै जानमर्योछ, और एक-दुसारा खिन ले तुमोरो प्रेम बढ़नै जानमर्योछ।

1 तीमुथियुस 4:11

विश्वासीन इन बातुन की शिक्षा दे, और उनून इन बातुन मानून सिखौ।

1 तीमुथियुस 5:1

कोई ले स्याना आदिमीस अपमान का इरादा ले जन डाँटा, लेकिन उक दगाड़ आदर ले बर्ताव कर जसीकैं की उ तेरो बबा हो। और जो त्यारा है नाना उमरा का छन उनार दगाड़ अपून भाई का नियाती बर्ताव कर।

तीतुस 2:1

लेकिन तीतुस तैखिन यो ठीक छै कि तैंस विश्वासीन सिर्फ उई सिखून चैछो जो यीशु मसीह की सच्ची शिक्षा छै।

तीतुस 2:15

येक कारण तीतुस मैं चाछूँ कि तैं क्रेते का विश्वासीन यो बातुन सिखौ जो मैंले तैंस बताईना का छन। अपून लोगून मजबूत कर और जाँ जरूरी हो, वाँ उनूनमें सुधार कर, तैंस इसो करून में म्यारा तरफ भटे पुरो अधिकार छै, कोई ले तेरो निरादर नी कर सकोलो।

तीतुस 3:8

यो बात हर तरीका ले मानून लायक छै, जो मैंले तैंस बतायान और मैं चाछूँ कि तैं विश्वासीन इन बातूना का बारिमें मजबूती ले सिखौ। येक कारण कि जिनूनले परमेश्वर में विश्वास करछ्य, उन भल काम करून खिन अपूनो बखत दीन खिन ध्यान लगून। यो बात सबून खिन निकी और फैदा की छै।

इब्रानियों 3:1

येक कारण, हे म्यारा विश्वासी भाईयो, तुमून स्वर्ग में उक दगाड़ शामिल हुन खिन बुला रैछ, उ प्रेरित और महायाजक मसीह यीशु में ध्यान दी, जो हमून खिन परमेश्वरो को सुसमाचार लीभेरन उनो वालो छै।

इब्रानियों 3:14

अगर हम अपून पैला भरोसा स आखरी तक बनाईना को राखनू, त हम मसीह का दगाड़ बनिना का रूनू।

1 पतरस 5:1

कुछ बात इसी छन जो मैं वाँक यहूदी अगुवान थैं कुंन चाछूँ किलैकी मैंले तुमोरो जैसो एक यहूदी अगुवा छूँ। मैंले खुद उन दुखून देखीना को छै जो भौत बखत पैलि मसीह ले सहन कर्यान। त मैंले उकी महिमा में भागीदार हूँलो, जब उ फिर यो संसार में वापस आलो। मैं तुमूनथैं बिनती करछूँ कि,

2 पतरस 2:10

परमेश्वर सब दुष्ट लोगून सजा द्योलो, लेकिन उ उन झूठ्ठा शिक्षकून जरूर सजा द्योलो जो अपून बुरा इच्छान का अनुसार काम करनान और जो अपून मलि में परमेश्वरो को अधिकार स अस्वीकार करनान। उन ढीठ और घमंडी छन। उन महिमामय स्वर्गदूतून का बारिमें बुरा बोलना ले नै डरनान।

यहूदा 1:8

उसीकैं, यो अधर्मी लोग दावा करनान कि परमेश्वरेले उनून दर्शन में दिखाछ कि उन गलत कामून में अपूनो जीवन जी भेरन अपून शरीरून भ्रष्ट कर सकनान, और परमेश्वरा का अधिकार स नै मानना और उन महिमामय स्वर्गदूतून का बारिमें बुरा बोलनान।