1 तीमुथियुस 6:14 - सोरियाली नय्या नियम

¹⁴ कि तैं हमार प्रभु यीशु मसीह का दुबारा उन तक यो सब कुछ कर, जैस पुरो करून खिन परमेश्वर हुकुम दी रैछ, ताकि कोई निन्दा नै कर सको कि तैं गलत करून मरेछै।

1 तीमुथियुस 6:14 Iomraidhean Croise

1 कुरिन्थियून 1:8

परमेश्वर तुमून अन्त तक विश्वास में मजबूत करोलो, कि प्रभु यीशु मसीह दुबारा वापस आलो, त तुम निर्दोष पाई जा।

इफिसियून 5:27

उ अपूनी विश्वासी मण्डली खिन मर ग्यो ताकि उ अपून सब लोगून सिद्ध बना सको और हम सबून अपनी हजूरी में ल्या सको, जैमें कोई दोष या पाप या कोई और बुरी बात नै हो; बल्कि, उ पवित्र और सिद्ध हो।

फिलिप्पिन 1:10

येक कारण तुम सब निकी बातुन की परख कर सका और उनून मान सकाला, और यीशु मसीह का दुबारा वापस उन तलक पवित्र और निर्दोष बनभेरन रया।

फिलिप्पिन 1:6

मैंस यो बात को भरोसा छै, कि परमेश्वर जेले तुमून में कुछ निको काम शुरू कर रैछ, उई उ दिन तक पुरो करोलो, जब यीशु मसीह दुबारा वापस आलो।

फिलिप्पिन 2:15

ट्याड़ा और बेईमान लोगून ले भरिना का संसारा में तुम परमेश्वरा का निकी सन्तान नियाती निर्दोष और साफ सुथरो जीवन जीया, और जिनारा बीच तुम जीवनो को बचन लीभेरन यो संसारा में जलीना का दीया नियाती दिखाई दीछा

कुलुस्सियून 1:22

लेकिन अब पिता परमेश्वर ले अपून च्याला स आदिमी बनाभेरन और ऊस सूली में मरना का द्वारा तुमार दगाड़ मेल कर लीछ, ताकि तुमून अपून सामुनि पवित्र और निष्कलंक, और निर्दोष बनाभेरन पेश करौ।

कुलुस्सियून 4:17

फिर अरखिप्पुस थैं कया “कि जो सेवा तैंस प्रभु का तरफ भटे मिल रैछ, ऊस ईमानदारी ले पुरी करे।”

1 थिस्सलुनीकियों 3:13

और हम प्रार्थना करनू कि हमोरो प्रभु यीशु मसीह तुमार मनून स्थिर करौ कि जब हमोरो प्रभु यीशु अपून सब पवित्र लोगून का दगाड़ दुबारा आलो, त उन हमार पिता परमेश्वरा का सामुनि पवित्रता में निर्दोष ठहरून।

1 थिस्सलुनीकियों 5:23

परमेश्वर जो शान्ति दीछो, खुद तुमून पुर तरीका ले पवित्र करोलो; और तुमेरि आत्मा, प्राण और शरीर स हमार प्रभु यीशु मसीह का वापस उन तलक पुर तरीका ले निर्दोष और सभाल भेरन राँखोलो।

2 थिस्सलुनीकियों 2:1

हे म्यारा विश्वासी भाईयों, हमून तुमूनथैं कुछ कुन छै हमार प्रभु यीशु मसीह का दुबारा उना का बारिमें और उ बखत का बारिमें जब हम सब एक दगाड़ ऊस मिलला।

2 थिस्सलुनीकियों 2:8

तब उ दुष्ट प्रगट होलो, जैस प्रभु यीशु अपून मुँखा का फूँके ले मार डालोल, और अपूना उना का तेज ले भस्म कर द्योलो।

1 तीमुथियुस 6:20

हे तीमुथियुस, तैं पक्को कर जो परमेश्वर ले तैंस दी रैछ तैं उई करनै रौ। और उन लोगून की जन सुण जो हमेशा बेकार की बात करनै रूनान, जेले परमेश्वर स आदर नै मिलनो, और बेकार में बिरोध करनान और कुंनान, कि यो ज्ञान छै, लेकिन सच्ची में यो नाहातिनी।

2 तीमुथियुस 4:1

जब यीशु मसीह राजा की नियाती राज्य करून खिन आलो, उ ज्यून और मरिन द्वीवै लोगून को न्याय करोलो। येक कारण मैं मसीह और परमेश्वर स गवाह मानभेरन तैस भौत प्रेम ले हुकुम दीछूँ,

तीतुस 2:13

हम इसीकैं ब्यवहार करनू जब हम उ दिनो को इन्तजार करूनमर्यान, जैकी हमून आश छै, उ दीन जब यीशु मसीह, जो हमोरो महान परमेश्वर मुक्तिदाता छै, अपूनी पुरी महिमा का दगाड़ संसार में वापस आलो।

इब्रानियों 9:14

तो जरा सोचभेरन देखा कि मसीह को खून हमार दिलून उन कामून भटे कतुक शुद्ध करोलो जो मौत का तरफ भटे ली जाछो, ताकि हम जीवित परमेश्वरै की अराधना कर सका। किलैकी अनन्त आत्मा का सामर्थ का द्वारा, मसीह ले हमार पापून खिन अपूनास निर्दोष बलिदानाक रूप में परमेश्वरेस भेंट चढ़ा दीछ।

इब्रानियों 9:28

उसीकैं, मसीह ले सब लोगून का पापून अपून मलिमें लीभेरन एक बार बलिदान हो ग्यो। जब उ दुबारा आलो तब उ पापून खिन बलिदान हुन खिन नी आलो बल्कि उनून बचुन खिन जो उको इंतजार करून मर्यान।

1 पतरस 1:7

इन परेशानीन को मक्शद यो दिखूनो छै कि क्या तुम सच्ची में परमेश्वर में भरोसा करछा। यीशु मसीह में तुमोरो विश्वास सुनो है ज्यादा कीमती छै। जसीकैं नाश हुन वाला सुना स आग में परखी जाछो और शुद्ध करि जाछो, उसिकैं अगर तुमोरो विश्वास परीक्षान का द्वारा परखी जाना का बाद ले मजबूत रूछो, त यो उ दिन तुमून भौत बड़ाई और महिमा और सम्मान दिलालो जब यीशु मसीह फिर वापस आलो।

2 पतरस 2:21

मेरो कुनानको मतलब यो छै, कि परमेश्वर उन लोगून जिनूनले यीशु मसीह स कभै स्वीकार नै कर्यो, उनून सजा त द्योलोई, लेकिन उनून त भौत कड़ी सजा द्योलो जिनूनले यीशु मसीह स्वीकार करभेरन छोड़ दीछ। उनूनखिन निको हुनो अगर उन कभै यो जाणनाई नै कि अपून जीवन स धर्मी तरीकाले चलूना को कि अर्थ हुछो। अब उन जाणना कि सही कि छै लेकिन उनूनले परमेश्वरेकि उन हुकमून को पालन करून छोड़ दीछ, जो हम, प्रेरितूनले उनून दी गैछी।

2 पतरस 3:14

येक कारण हे म्यारा विश्वासी भाईयो, जब तुम इन बातुन को हुना को इन्तजार करून मरेछा, येक कारण इसो जीवन जीना की हर तरीका ले कोशिश करा, जो परमेश्वरेस खुश करछो और शुद्ध और बिना दोष का और एक-दुसरा का दगाड़ शान्ति ले र।

2 पतरस 3:2

मैं इसो येक कारण करून मरैयू किलैकी मैं चाछूँ कि तुम उन बचनून याद राखा, जो परमेश्वरो को संदेश दिनवाला लोगून ले भौत पैलि कईना को छ्यो और हमार मुक्तिदाता, हमार मुक्तिदाता, प्रभु यीशु मसीह की शिक्षान याद राखा जो तुमून उन प्रेरितून ले शिक्षा दीयान जो तुमार पास आयान।

1 यहूना 3:2

हे प्रिय दगड़ियो, अब हम परमेश्वरकि सन्तान छा, और अब तक यो प्रगट नै भ्यो कि भविष्य में हम की बनला, बश हम इतुक जाणनू कि जब उ प्रगट होलो त हम ले उक समान हूँला, क्याखिनकि हम ऊस ऊसो देखला जसो उ छै।

यहूदा 1:24

एकमात्र परमेश्वरै छै जो तुमेरि रक्षा कर सकछो, और तुमून निर्दोष और आनन्दित बना सकछो, जब उ तुमून अपूनी महिमा में अपून सामुनि ठाड़ करछो। उले हमून हमार प्रभु यीशु मसीह का द्वारा बचाछ। महिमा, गौरव, सामर्थ और अधिकार हमारा प्रभु यीशु मसीह का द्वारा जसकैं हमेशा भटे छै, अब हो, और हमेशा-हमेशा तक रौ। आमीन।

प्रकाशितवाक्य 1:7

सुणा, उ बादलून का दगाड़ ऊँनवालो छै; और हरेक आदिमी ऊस देखाला, जो लोग उकी मौत खिन जिम्मेदार छ्या, उन ले ऊस ऊँन देखाला। संसारा का सब लोग जोरले रोला जब उन ऊस देखाला। होई, इसो होलो! आमीन।