Biblia Todo Logo
Bìoball air-loidhne

- Sanasan -




1 तीमुथियुस 6:13 - सोरियाली नय्या नियम

13 परमेश्वर और यीशु मसीह स गवाह मानभेरन, जो हरेक स जीवन दीछो, मैं तैंस बतूनमरयूँ कि जैले पुन्तियुस पिलातुस का सामुनि अपून बारिमें सच्ची क्योछ,

Faic an caibideil Dèan lethbhreac




1 तीमुथियुस 6:13
22 Iomraidhean Croise  

जब यीशु राज्यपाल पिलातुस क सामुनि ठाँड़ा छया, त राज्यपाल पिलातुस ले यीशु थैं पुछ्छै, “क्या तैं यहूदीन को राजा छै?” यीशु ले उथैं क्योछ, “त खुद कुन मरेछै।”


उनूनले यीशु स बाँदीभेरन उ बखत का रोमी राज्यपाल पिलातुस का हात सौंप दीछ।


यीशु ले उथैं क्योछ, बाटो और सच्चाई और जीवन मैंई छूँ, बिना म्यारा कोई पिता का पास नै पुज सकूनो।


यीशु ले जवाब दीछ, अगर तैंस परमेश्वरा का तरफ भटे नी दिईजानो, त तेरो मैंमें के अधिकार नै हुनो; येक कारण जेलै मैंस त्यार हवाला करछ्य, उको पाप ज्यादा छै।


क्याखिनकि जसकैं पिता परमेश्वर मरिना का लोगून फिर ज्यूनो करछो, उसीकैं मैंले जिनून चांछूँ, उनून फिर ज्यून करछूँ।


क्याखिनकि जसा तरीका ले पिता परमेश्वर अपून आप में जीवन राखछ्यो, उसीकैं उले मैंस यो अधिकार दी रैछ कि अपून आप में जीवन राखूँ।


और नै उनुस के चीजून की कमी छै, जो कि उन लोगून का हात ले अपूनी सेवा लियो। उन सबून प्राण, जीन्दगी और सब कुछ दीनान।


किलैंकी यो दान दीना की सेवकाई ले साबित होलो कि तुम सच्चा छा और भौत सारा लोग परमेश्वरै की महिमा कराला, किलैंकी तुमूनले यो मानिना को छै कि मसीह को सुसमाचार सत्य छै और अब उको पालन ले करछा और निका तरीकाले सब गरीब विश्वासीन की और सब विश्वासीन की दिलेरी मद्दत ले करनै रूछा।


जब तुमून मसीह का नाम ले बपतिस्मा दीई ग्योछ, त तुमूले मसीह का नय्या जीवन स पैन हालछ्य जसीकैं एक आदिमी नय्या कपड़ान पैन लीछो। येक कारण, तुम सब परमेश्वर की संतान बन गैछा जब तुमूनले यीशु मसीह में विश्वास करछ्य।


मैं अपून प्रभु यीशु मसीह स धन्यवाद दीछूँ, जिनुले मैंस सामर्थ दीछ, क्याखिनकि उले मैंस विश्वासयोग्य समझभेरन अपूनी सेवा खिन ठैहरा रैछ।


यो बात सच्ची और हरेक प्रकारे ले मानून लायक छै, कि मसीह यीशु हम पापिन बचुन खिन संसार में आयान, जिनून में सबून है ठूलो पापी मैं छूँ।


केवल एक्कै परमेश्वर छै, और जो परमेश्वर और लोगून का बीच में मेल-मिलाप करा सकछो केवल एक्कै आदिमी छै, उ प्रभु यीशु मसीह छै।


परमेश्वर, और यीशु मसीह, और चुनिना का स्वर्गदूतून का सामुनि जाणिभेरन मैं तैंस हुकुम दीछूँ, कि तैं बिना भेद-भाव इन बातुन माना कर, और कोई काम भेद-भाव ले जन कर।


जसीकैं एक बड़िया सिपाई लड़ाई में लड़ूनो नै छोड़नो, उसीकैं तैंस ले परमेश्वर में विश्वास करून और उक हुकमून को पालन करून कभै नै छोड़ूनो चैछो। ताकि तैं अपून ईनाम का रूप में अनन्त जीवन पा सका, जै खिन तैं बुलाई ले गैछै। जब भौत लोगून का सामुनि तैंले कईना को ले छ्यो कि तैं मसीह में विश्वास कर छै।


और यीशु मसीह का तरफ भटे जैका बचन में भरोसा करि जा सकछो उई छै जो मरिना में भटे पैलो छै और उ यो संसाराक सबै राजान में राज करछो। तुमून अनुग्रह और शान्ति मिलनै रो। उ हमून प्रेम करछो और हमून बचाछ, उ अपून खूनाक द्वारा हमून हमार पापून भटे छुड़ूछो। उले हमून इसो बना दीछ, जिनोरो परमेश्वर राजा छै और उले हमून अपून पिता परमेश्वर खिन याजक बना दीछ। ऊस आदर और अधिकार हमेशा और हर बखत मिलनै रौ। आमीन।


फिर उले मैंथैं क्योछ, सब बात पुरी हो ग्यान। “मैं अल्फा और ओमेगा, पैलो और अन्त छूँ। जो कोई ले पानि तिस्सो छै, मैं ऊस उ पानि का स्त्रोत भटे फिरीमें पानि पिन खिन द्यूलो जो अनन्त जीवन दीछो।”


तब स्वर्गदूत ले मैंस एक नदी दिखाछ जैमें जीवनो को पानि छ्यो। पानि साफ काँचा का नियाती चमक छ्यो। यो नदी परमेश्वर और मेम्ना का सिंहासन का तलि भटे बगून मरेछी।


लौदीकिया शैहरा का विश्वासीन की मण्डली का स्वर्गदूत स यो लिख: कि मैं उ छूँ जो आमीन और विश्वासयोग्य, और सच्चो गवा छै, और परमेश्वरै की सृष्टि को मूल कारण छै, और मैं उ छूँ जैक द्वारा परमेश्वरेले सब चीजून बनाछ, मैं जो कुछूँ ऊस सुण:


Lean sinn:

Sanasan


Sanasan