1 तीमुथियुस 6:12 - सोरियाली नय्या नियम

¹² जसीकैं एक बड़िया सिपाई लड़ाई में लड़ूनो नै छोड़नो, उसीकैं तैंस ले परमेश्वर में विश्वास करून और उक हुकमून को पालन करून कभै नै छोड़ूनो चैछो। ताकि तैं अपून ईनाम का रूप में अनन्त जीवन पा सका, जै खिन तैं बुलाई ले गैछै। जब भौत लोगून का सामुनि तैंले कईना को ले छ्यो कि तैं मसीह में विश्वास कर छै।

1 तीमुथियुस 6:12 Iomraidhean Croise

2 कुरिन्थियून 6:7

सच्चा प्रेम ले, सच्चाई का बचन ले, परमेश्वरै की सामर्थ ले; हम दैना हात में धार्मिकता का हथियार स हमला खिन और बौं हात में रक्षा खिन इस्तमाल करनू।

2 कुरिन्थियून 9:13

किलैंकी यो दान दीना की सेवकाई ले साबित होलो कि तुम सच्चा छा और भौत सारा लोग परमेश्वरै की महिमा कराला, किलैंकी तुमूनले यो मानिना को छै कि मसीह को सुसमाचार सत्य छै और अब उको पालन ले करछा और निका तरीकाले सब गरीब विश्वासीन की और सब विश्वासीन की दिलेरी मद्दत ले करनै रूछा।

फिलिप्पिन 1:30

और तुमून ऊसोई दुख उठून ले छै जसो तुमूले मैंस उठून ले देख रैछ, जब मैं तुमार दगाड़ फिलिप्पी शैहर में छ्यूँ, और जिन दुखून का बारिमें तुम सुणछा जो मैंस जेल में ऐल ले छन।

कुलुस्सियून 3:15

उ शान्ति जो मसीह दीछो ऊस अपून दिल में राजा करून दी। क्याखिनकि तुम सबै एक्कै शरीरा का अंग छा और येक कारण तुमून एक दुसरा का दगाड़ शान्ति रून खिन बुलाई ग्योछ और हमेशा परमेश्वरो को धन्यवाद करनै रौ।

1 थिस्सलुनीकियों 2:12

तुम इसो जीवन जीया जैस देखभेरन परमेश्वर खुश हुछो, जो तुमून अपून राज्य और महिमा में भागीदार हुन खिन बुलूछो।

2 थिस्सलुनीकियों 2:14

परमेश्वर ले उ सुसमाचारो को इस्तमाल करछ्य, जेस हमूले तुमून उद्धार दीन खिन तुमार बीच में प्रचार करछ्य, ताकि तुम हमार प्रभु यीशु मसीह का महिमा में भागीदार बन सका।

1 तीमुथियुस 1:18

हे म्यारा च्याला तीमुथियुस, मैं तैंस जो यो हुकुम दीन मरयू, मैं तैंस उन बातुन याद दिलून खिन कुछूँ, जो पैलि दिनून में त्यारा बारिमें जो भविष्यवाणी करिना की छी। तैंस उन झूठ्ठा शिक्षकून का खिलाफ सुसमाचार की सच्चाई खिन बड़िया तरीका ले लड़ून खिन बचन को प्रयोग एक हथियार का नियाती करून चैछो।

1 तीमुथियुस 1:19

तैंस मसीह में विश्वास में बनिना को रून चैछो और साफ जमीर हुन चैछो। कुछ लोगून ले अपून जमीर स खराब कर हालछ्य और उनूले मसीह में विश्वास करना की अपूनी योग्यता स नाश कर हालछ्य, ठीक उसीकैं जसीकैं एक जहाज टकराभेरन नाश हो जाछो।

1 तीमुथियुस 4:14

उ वरदान स याद राख जो तैंस भविष्यवाणी का द्वारा विश्वासीन को अगुवान का हात राखून बखत तैंस मिछ्य, ऊस नजर अंदाज जन कर।

1 तीमुथियुस 6:13

परमेश्वर और यीशु मसीह स गवाह मानभेरन, जो हरेक स जीवन दीछो, मैं तैंस बतूनमरयूँ कि जैले पुन्तियुस पिलातुस का सामुनि अपून बारिमें सच्ची क्योछ,

1 तीमुथियुस 6:19

अगर उन इसा भल काम करनान, त यो इसो छै जसो की उन स्वर्ग में खिन धन जामा करून मर्यान जो स्वर्ग में उनार भविष्य खिन मजबूत बुनियाद की नियाती होलि, और उनून सच्ची जीन्दगी मिलली जो हमेशा खिन होलि।

2 तीमुथियुस 1:9

परमेश्वरे ले हमोरो उद्धार करछ्य, और हमून पवित्र जीवन जीन खिन बुलाछ। उले हमून येक कारण नै चुनियो की हमूले भल काम कर्यान, लेकिन अपून मक्शद और उ अनुग्रह का कारण बुलाछ, जैकी योजना परमेश्वरे ले पैलि भटे यीशु मसीह स यो संसार में भेजना का द्वारा बनाईना की छी।

2 तीमुथियुस 2:2

तैले मैंस भौत लोगून का सामुनि जो यो गवाह छन मसीह का बारिमें उपदेश सिखून सुण रैछ, येक कारण मैं चाछूँ, कि तैले विश्वासीन योई संदेश सिखौ जो विश्वासयोग्य छै, ताकि उन दुसरान यो सिखा सकून।

2 तीमुथियुस 4:7

जसीकैं एक निको सिपाई लड़ाई में लगातार लड़ाई लड़नै रूछो, उसीकैं मैंले उ काम पुरो करछ्य जो मसीह यीशु ले मैंस करून खिन दी रैछ्यो। और मसीह में म्योरो विश्वास हमेशा मजबूत रियोछ।

इब्रानियों 13:23

तुमून यो याद छै कि, हमोरो विश्वासी भाई तीमुथियुस जेल भटे छुट ग्योछ, और अगर उ जल्दी आग्यो, त मैं उक दगाड़ तुमूनथैं मिलून ऊँलो।

इब्रानियों 3:14

अगर हम अपून पैला भरोसा स आखरी तक बनाईना को राखनू, त हम मसीह का दगाड़ बनिना का रूनू।

इब्रानियों 6:18

त फिर याँ द्वी बातुन को जिकर छै, एक परमेश्वरो को वादा और दुसरी उकी कसम, जो कभै नै बदली सकूनो और जिनारा बारिमें परमेश्वर कभै झूठ नै के सकनो। येक कारण हम जो परमेश्वरा का पास सुरक्षा पान खिन आईना का छा और जो आश उले हमून दी रैछ, ऊस थामिना का छा, और हम भौत खुश छा।

1 पतरस 3:9

बुराईक बदला बुराई जन करा और नै गाली का बदला गाली दी; लेकिन येका बदला आशीष दी। किलैकी परमेश्वरेले तुमून येक कारण बुला रैछ ताकि तुम दुसरान आशीष दी सका। अगर तुम इसो करछा त परमेश्वर ले तुमून आशीष द्योलो।

1 पतरस 5:10

परमेश्वर जो पुर तरीका ले अनुग्रह ले भरिनाका छन, उले हमून मसीह का दगाड़ हमार रिश्ताका कारण स्वर्ग में उकी अनन्त महिमा में सहभागी हुनखिन हमून बुला रैछ। तुमार थ्वाड़ा बखत खिन दुख सहन करना का बाद, परमेश्वर तुमून मजबूत करोलो, ताकि तुमोरो विश्वास मजबूत हो, और डगमगून वाला नै हो।

1 यहूना 2:25

और जैको परमेश्वर ले हमूनथैं वादा करछ्य उ अनन्त जीवन छै।

यहूदा 1:3

हे म्यारा विश्वासी भाईयो, हालाकि मैं तुमून परमेश्वरा का उद्धार का बारिमें भौत कुछ लिखून चाछ्यू, जैमें हम सब भागीदार छा, लेकिन अब मैंस यो जरूरी लगून मर्योछ कि तुमून प्रोत्साहित करन खिन लिखू कि सच्ची शिक्षा की रक्षा खिन लड़ा। परमेश्वरेले अपून लोगून यो सत्य एक बार हमेशा खिन दी दीछ जो कभै नै बदलनो।

प्रकाशितवाक्य 3:3

उ शिक्षा स याद कर जो तैले भौत पैलि सुणिना की छी और उमें विश्वास करछ्य। जो तैंस सिखाईना को छ्यो ऊस मान, अपून गलत कामून है पश्चाताप कर। अगर तै लापरवाही करनै रौले त मैं अचानक आ जियूलो, जसकैं रात में एक चोर ऊँछो, और तै उ बखत जाण ले नी सकले जब मैं तैंस दण्ड दीन खिन ऊँलो।