1 तीमुथियुस 5:15 - सोरियाली नय्या नियम

¹⁵ क्याखिनकि कुछ जवान विध्वान पैलि भटे परमेश्वर है दूर हो ग्यान, और उक बजाय शैतान का पछिल चलून शुरू कर हालछ्य।

1 तीमुथियुस 5:15 Iomraidhean Croise

मत्ती 4:10

तब यीशु ले उथैं क्योछ, “हे शैतान मैं है दूर हो जा, क्याखिनकि पवित्र-शास्त्र में लिखीना को छै ‘तैं केवल अपून प्रभु परमेश्वर स झुकभेरन आदर कर, और केवल उकी भक्ति कर।’”

1 तीमुथियुस 1:20

उनूनमें भटे हुमिनयुस और सिकन्दर स मैंले विश्वासीन की मण्डली भटे भ्यार कर दीछ, और उनून शैतान का हवाला कर दीछ ताकि उन सिखून की परमेश्वर की निन्दा नै करून चैनी।

2 तीमुथियुस 1:15

तैं जाण छै, कि आसिया प्रदेशा का सब विश्वासी लोगून ले मैंस छोड़ दी है छै, जिनून में फुगिलुस और हिरमुगिनेस ले छन।

2 तीमुथियुस 2:18

उनूनले सच्चाई में विश्वास करून छोड़ दी है छै, उन कुंनान कि परमेश्वर ले पैलि भटे मरिना का विश्वासीन हमेशा को जीवन जीन खिन ज्यून कर दी है छै। और जैको नतीजा यो छै कि उन थ्वाड़ विश्वासीन मसीह में विश्वास करून है रोकून मर्यान।

2 तीमुथियुस 4:10

क्याखिनकि देमास ले यो संसार का चीजून है प्रेम करछ्य, और मैंस छोड़भेरन थिस्सलुनीके शैहरा का तरफ खिन न्हैग्यो। और विश्वासी भाई क्रेसकेंस ले गलातिया प्रदेशा का तरफ खिन न्हैग्यो, और तीतुस दलमतिया प्रदेश तरफ खिन न्हैग्यो।

2 पतरस 2:2

भौतसा लोग जो कुंनान कि उ विश्वासी छन, उन इन झूठ्ठा शिक्षकून का बुरा कामून की नकल कराला, और दुसरा लोग जो विश्वासी नाहातिन, उन परमेश्वरा का तरफ जानवाला बाटा का बारिमें बुरा-बुरा बातुन कराला।

2 पतरस 3:16

अपूनी सब चिठ्ठीन में जो उले विश्वासीन खिन लिखीना का छन, उ इसा तरीका की बात करछो। लेकिन कुछ बात जो उले अपूनी चिठ्ठीन में लिखीना का छन, उनून समझूनो कठिन छन। जिन लोगून ले निकी शिक्षा नै पाईना की छै और उन इन कठिन बातुन को मतलब गलत तरीका ले बतुनान, उसीकैं ही जैसे उन पवित्रशास्त्र का दुसरा हिस्सा की ले गलत बतुनान। इसो करभेरन उन खुदै परमेश्वरा का द्वारा अपून नाश हुना का कारण बननू।

1 यहूना 2:19

उन मसीह विरोधी दल में भटे निकल भेरन आईना का छन, लेकिन उन हमार अपून नी छ्या सच्ची में हमून में भटे नी छ्या, क्याखिनकि उन अपून हुना, त हमार दगाड़ रूना; लेकिन उनूनले हमून येक कारण छोड़ दीछ किलैकी उन हमार दगड़िया नी छ्या।

प्रकाशितवाक्य 12:9

येक कारण ऊस और उक दुष्ट दूतून धरती में खित दीछ। यो ठूलो अजगर, उई छै जो भौत पैलि स्याँपा का रूप में दिखाई दीछ, जैस शैतान या दोष लगून वालो ले कुंनान। यो उई छै जो यो संसारा का लोगून ध्वाका दीनै आर्योछ।