1 तीमुथियुस 5:10 - सोरियाली नय्या नियम

¹⁰ और निका कामून का कारण उको नाम हो, जेलै अपून नन्तिना को निकीकैं पालन-पोषण करिना को हो, मेहमानून की सेवा करिना की हो, परमेश्वरा का लोगून सेवा एक दासी का नियाती हो, दीन-दुखी लोगून की मद्दत करिना की हो, और हरेक निका काम में मन लागिना को हो।

1 तीमुथियुस 5:10 Iomraidhean Croise

मत्ती 25:17

और जैका का पास द्वी छ्या, उले ले उसीकैं द्वी सिक्का और कमायान।

मत्ती 5:16

उसीकैं तुमार उज्यालो लोगून का सामुनि चमको कि उन तुमार भल कामून देखिभेरन तुमार बबा जो स्वर्ग में छै, उकी तारीफ करून।

लूका 7:38

और उ यीशुका खुटान का पास, ठाड़ हो भेरन, रो-रो भेरन उक खुटान अपून आंशून ले भिगूछी और अपून ख्वारा का बालून ले उक खुटान पोछछी, और बार-बार उक खुटान में इत्र लगाभेरन उको आदर करछी।

लूका 7:44

और उ स्‍यैनि का तरफ देखिभेरन यीशु ले शमौन थैं क्योछ, क्या तैंले यो स्यैनि स देखछी येले कि करछै? मैं त्यारा घर आयू तैले मैंस खुटा धुन खिन पानि नै दीयो, लेकिन येले म्यारा खुटान अपून आंशून ले धोयान और अपून बालून ले पोछियाना।

प्रेरितून का काम 10:22

तब उनूनले क्योछ, “कुरनेलियुस सुबदार, जो धर्मी छै और परमेश्वर भटे डरछो, और जैकी पुर यहूदी जातिक लोग इज्जत करनान, ऊस एक पवित्र स्वर्गदूतले यो हुकुम दी रैछ कि उ तुमून अपून घर बुलाभेरन बचन सुणो।”

प्रेरितून का काम 22:12

तब हनन्याह नामोको एक आदिमी छ्यो, उ मूसा का नियम-कानून का पालन करून वालो एक भक्त छ्यो, जो वाँक रूनवाला सब यहूदीन में इजतदार छ्यो।

प्रेरितून का काम 6:3

येक कारण हे विश्वासी भाईयो, तुम अपून में भटे सात खास आदिमीन चुन ली, जो पवित्र आत्मा और बुद्धि ले भरिना, उनून चुन ली, कि हम उनून यो कामें की जिमेदारी सौंप सकाँ।

प्रेरितून का काम 9:36

याफा नगर में तबीता नामकी एक विश्वासी स्यैनि रूछी, यूनानी भाषा में उको नाम दोरकास छ्यो। उ भौत भलाई काम और गरीब लोगून की मद्दत करछी।

प्रेरितून का काम 9:39

यो सुणिभेरन जब पतरस उनार दगाड़ याफा नगर में आछ, तब उन ऊस उ कमरा में ली ग्यान, जाँ मरिना की तबीता स राखिना की छ्यो, वाँ सब विध्वा स्यैनिन पतरसक चारों तरफ ठाड़ है भेरन डाण मारनै, और उन कपाड़ान दिखून लाग्यान, जिनून तबीता दोरकास ले उनून खिन बनाईका छ्या।

रोमियून 12:13

और परमेश्वरा का लोगून की जेले जरूरत छै, उमें उनेरि मद्दत कर्या; और घर में आईना का लोगून की आदर-खातिदारी करा।

इफिसियून 2:10

क्याखिनकि परमेश्वर ले हमून बनाछ, और यीशु मसीह में हमून भल कामून खिन बनाछ, जिनून परमेश्वर ले पैलि भटे हमार करून खिन तैयार कर रैछ।

कुलुस्सियून 1:10

हम यो प्रार्थना करनू ताकि तुम इसीकैं जीवन जीया जसो प्रभु का लोगून जीन चैछो, और तुम हर तरीका ले प्रभु स खुश करला। और हर तरीका भल काम करनै रौला, और परमेश्वरा का ज्ञान में बढ़नै जाला।

1 तीमुथियुस 2:10

येका बजाय, उनून दुसारा लोगून खिन भलाई काम करभेरन खुद स सुन्दर बनून चैछो, क्याखिनकि विश्वासी स्यैनिन इसो करूनो शोभा ले दीछो।

1 तीमुथियुस 3:2

येक कारण यो जरूरी छै, कि विश्वासीन को मुख्य अगुवान निर्दोष, और अपून घरवाली का प्रति वफादार, हर हालात में अपून आप में काबू करून वालो, शान्त स्वभाव वालो, इज्जतदार, धीरजवंत, मेहमानून की इज्जत करून वालो, और परमेश्वरा का बचनून निकीकैं सिखूनवालो हो।

1 तीमुथियुस 3:7

और विश्वासी मण्डली का अलावा भ्यारा लोगून में ले उको मान-समान हुन चैछो। ताकि उकी बदनामी नै हो और उ शैताना का फंदा में नै फसौ।

1 तीमुथियुस 5:16

अगर कोई विश्वासी स्यैनिका घर में इसी विध्वा हो जैको को देखभाल करून वालो नै हो, त उ उनेरि मद्दत करो, ताकि उन विश्वासीन की मण्डली में बोझ नै बनौ, और विश्वासी की मण्डली उनेरि मद्दत करौ जिनून सुच्ची में मद्दत की जरूरत छै।

1 तीमुथियुस 5:25

उसीकैं, जब लोग भल काम करनान, त उनार भल काम साफ तरीका ले दिख जानान। और अगर नाहातिन, त उ देर तक लुक ले नै सकना।

1 तीमुथियुस 6:18

और भल काम करून खिन हुकुम दे ताकि भल कामून में अमीर बना, और दुसरा की मद्दत करून खिन हमेशा तैयार रया।

2 तीमुथियुस 1:5

मैं तेरि नानी लोईसा को उ सच्चा विश्वास याद करछूँ, और तेरि ईजा यूनीके को ले ऊसोई विश्वास छ्यो। मैं यो बात में विश्वास करछूँ कि ऊसोई विश्वास तैमें ले छै।

2 तीमुथियुस 2:21

उसीकैं अगर कोई विश्वासी अपून आपस इन बुरा कामून भटे अलग करोलो, और जैको जीवन पवित्र होलो, त उ भांणाका नियाती होलो जैस खास काम खिन इस्तमाल करि जाछो, येक कारण उको मालिका ऊस निका काम खिन इस्तमाल करोलो।

2 तीमुथियुस 3:15

और नानछना भटे तैं पवित्रशास्त्र जाण छै, और यो तैंस मुक्ति को ज्ञान दी सकछो, जो तैंस मसीह यीशु में विश्वास करूना का द्वारा मिलछो।

2 तीमुथियुस 3:17

ताकि परमेश्वर की सेवा करूनवाला आदिमी सिद्ध बनून और हर प्रकारा भल कामून करून खिन तैयार होज्यौ।

तीतुस 2:14

यीशु मसीह ले अपून आपस हमून खिन सूली में बलिदान कर दीछ ताकि हमून हर प्रकार का बुराई भटे छुड़ा ले और हमून पापून भटे आजाद करभेरन अपून खिन एक इसी प्रजा बना ले जो भल काम करून खिन पुर जोश दगाड़ तैयार रौ।

तीतुस 2:7

तैंस हमेशा भल काम करून चैछो, ताकि तैं दुसारा लोगून खिन उदारण बनौ। जब तैं विश्वासीन परमेश्वरा का बारिमें सिखूछै, त तैंस निका इरादा ले सिखून चैछो, जैले लोग तेरो आदर कर सकून।

तीतुस 3:1

विश्वासी लोगून याद दिलो, कि शासकून और अधिकारीन को आदर करून, और उनेरि हुकुम माना और दुसारान खिन हरेक भल कामून खिन तैयार रौ।

तीतुस 3:14

सिर्फ इतुकैं नै तैंस विश्वासीन सिखूनै रून चैंछो कि भल काम करून खिन लगातार मेहनत करनै रून ताकि उन लोगून की जरूरत पुरी हो सकौ। और यो विश्वासीन की मद्दत करोलो कि उन एक मक्शद का दगाड़ जीवन जी सकून।

तीतुस 3:8

यो बात हर तरीका ले मानून लायक छै, जो मैंले तैंस बतायान और मैं चाछूँ कि तैं विश्वासीन इन बातूना का बारिमें मजबूती ले सिखौ। येक कारण कि जिनूनले परमेश्वर में विश्वास करछ्य, उन भल काम करून खिन अपूनो बखत दीन खिन ध्यान लगून। यो बात सबून खिन निकी और फैदा की छै।

इब्रानियों 10:24

आ हम प्रेम ले और भल कामून में एक-दुसरा स हौंसला दीनै रौ।

इब्रानियों 13:2

उन लोगून को आदर-सम्मान करा, जो जरूरतमंद मुसाफिर छन, किलैकी येका द्वारा कतकून ले अनजाना में स्वर्गदूतून को आदर-सम्मान करिना को छै।

1 पतरस 2:12

कई बार इसा लोग हुनान जो प्रभु स नै जाणना और उन तुमून में यो कैभेरन गलत आरोप लगा सकनान कि तुमार काम बुरा छन। येक कारण तुमून अपून ब्यवहारा का बारिमें सतर्क रून चैछो, ताकि उन तुमार निका ब्यवहार देख सकून। आखरी में उन मानाला कि तुमोरो ब्यवहार निको छै और जै दिना परमेश्वर संसारो को न्याय करून खिन आलो, उ दिना उन परमेश्वरे की महिमा कराला।

1 पतरस 4:9

अपून घरून में लोगून को स्वागत करा और इसो करनै रौ।

3 यहूना 1:12

विश्वासीन की मण्डली में हरेक कुंनान की देमेत्रियुस एक निको आदिमी छै और हम ले सच्ची कुंनू की उ एक निको आदिमी छै किलैकी उ सच्चाईक अनुसार जीत छै, और तुम यो जाणछा की हमरि गवाही सच्ची छै।