1 तीमुथियुस 4:7 - सोरियाली नय्या नियम

⁷ लेकिन उन बेकार और पूर्वजून का झूठ्ठी कहानीन में अपूनो बखत बर्बाद जन करा, जेले परमेश्वरो को आदर नै मिलनो। बल्कि तुमून परमेश्वर स आदर दीन वाला जीवन खिन अपून आपस हमेशा सच्ची शिक्षा में बनिना को रून चैछो।

1 तीमुथियुस 4:7 Iomraidhean Croise

प्रेरितून का काम 24:16

येक कारण मैं परमेश्वर और लोगून का सामुनि हमेशा अपून मन स लगातार निर्दोष बनूनाकी कोशिश करनै रूछूँ।

1 तीमुथियुस 1:4

झूठ्ठी कहानीन और पूर्वजून का वंशावलीन की सूची में अपूनो बखत बरबाद जन करा, जिनूनले बाद-बिवाद हुछो। इसा तरीका बाद-बिवाद परमेश्वरा का काम करून में मद्दत नै कर सकूनो। इसा तरीका काम तब करि जाना जब कोई परमेश्वर में विश्वास करना।

1 तीमुथियुस 1:9

हम जाणनू की मूसा नियम-कानून धर्मी जन खिन नै, पर अधर्मीन, निरकुशून, भक्तिहीन, पापिन, अपवित्रून और अशुद्ध, और जो ईजा-बबान मारून वाला हत्यारा,

1 तीमुथियुस 2:10

येका बजाय, उनून दुसारा लोगून खिन भलाई काम करभेरन खुद स सुन्दर बनून चैछो, क्याखिनकि विश्वासी स्यैनिन इसो करूनो शोभा ले दीछो।

1 तीमुथियुस 3:16

और येमें कोई शक नाहातिन की जो शिक्षा परमेश्वर दी राख्यान उन पुर तरीका ले सही छन, मतलब मसीह आदिमी का रूप में प्रगट भ्योछ, यो उक बारिमें पवित्र आत्मा का द्वारा साबित भ्योछ कि उ परमेश्वरो को च्योलो छै, स्वर्गदूतून ले ऊस देखछ्य, और प्रेरितून ले उक बारिमें सुसमाचार सब जातिन में सुणाछ, और संसारा का सब जातिका लोगून ले उमें विशवास करछ्य, और परमेश्वर ले ऊस स्वर्ग में उठा लीछ।

1 तीमुथियुस 4:8

शरीरो को ब्यायाम ले सिर्फ थ्वाड़ा फैदा हुछो, जब कि परमेश्वर की भक्ति को फैदा सब बातुन में छै। क्याखिनकि यो आदिमी स ईनाम दीना को वादा करछो जो हम ऐल दुनिया में छा और मरना का बाद ले।

1 तीमुथियुस 6:11

लेकिन हे तीमुथियुस, तैं परमेश्वर की सेवा करून वालो आदिमी छै, तैं इन बातुन भटे दूर रौ, और सच्चाई ले जीवन जी जो परमेश्वर स आदर दीछो। मसीह में विश्वास कर और लोगून प्रेम कर। मुशकील हालातून में धीरज राख, और दुसारा लोगून का दयालु बनभेरन रौ।

1 तीमुथियुस 6:20

हे तीमुथियुस, तैं पक्को कर जो परमेश्वर ले तैंस दी रैछ तैं उई करनै रौ। और उन लोगून की जन सुण जो हमेशा बेकार की बात करनै रूनान, जेले परमेश्वर स आदर नै मिलनो, और बेकार में बिरोध करनान और कुंनान, कि यो ज्ञान छै, लेकिन सच्ची में यो नाहातिनी।

1 तीमुथियुस 6:3

अगर कोई झूठ्ठी शिक्षा दीछो, और उ सच्ची शिक्षा ले सहमत नै हुनो जो हमार प्रभु यीशु मसीह ले दी रैछ और उ हुकमून का दगाड़ जो परमेश्वर स आदर दीछो।

1 तीमुथियुस 6:5

इसा लोगून का बीच में हमेशा झगाड़ा पैद हुछो, जिनेरि बुद्धि भ्रष्ट हो गै, और उन सच्चाई नै समझ पान, और उन सोचनान कि परमेश्वर की सेवा करून धनवान हुना को तरीका छै।

2 तीमुथियुस 2:16

संसारा का और बेकार का बातुन भटे दूर रौ, क्याखिनकि जो लोग इन बातुन में शामिल हुनान, उ परमेश्वर है दूर हो जानान।

2 तीमुथियुस 2:23

लेकिन मूर्खता और उटपटांग बहस भटे दूर रौ, क्याखिनकि तैं जाण छै कि येले झगाड़ा पैद हुनान।

2 तीमुथियुस 3:12

यो बात सच्ची छै कि जो यीशु मसीह में सच्चाई जीन्दगी जीनो को फैसला करनान, उन सब में जुल्म होला।

2 तीमुथियुस 3:5

उन इसो दिखावा कराला, जसीकैं उन परमेश्वरा का भक्त करनान, लेकिन उन परमेश्वर की सामर्थ स नी मानाला, इसा लोगून है बचभेरन रया।

2 तीमुथियुस 4:4

और जो परमेश्वरो को सच्चो बचन सिखूनान, उन, उन लोगून की सुणून नी चाला, पर पुरानी झूठ्ठी कथा कहानीन सुणून चाला।

तीतुस 1:14

तुम यहूदीन की झूठ्ठी कथा-कहानीन और उन लोगून का हुकुमन को पालन जन कर्या, जो सच्चाई भटे भटक ग्यान।

तीतुस 2:12

यो अनुग्रह का कारण परमेश्वर हमून सिखूछो, कि हम उ स्वभाव स छोड़ून सिखा, जो परमेश्वरो को अपमान करछो और उन चीजून की इच्छा स ले छोड़ून चैंछो, जिनरी इच्छा अविश्वासी करनान। और जब कि हम यो संसार में छा त बुद्धिमानी ले और धार्मिकता का दगाड़ इसा तरीका जीवन जीया जैले परमेश्वर खुश हुछो।

तीतुस 3:9

लेकिन बेकारा बहसून है दूर रौ। वंशावालिन की सूची में अपूनो बखत खराब जन करा, बैर-भाव और बिरोध, और उन झगड़ान है जो मूसा का नियम-कानून का बारिमें हुनान, उनून है बचभेरन रौ, क्याखिनकि उन बातुन को कोई फैदा नाहातिन और नै कैकी मद्दत कर सकछी।

इब्रानियों 5:14

ठोस अनाज सिर्फ उन लोगून खिन छै जो परिपक्व छन और परमेश्वरा का नजरून में ठीक तरीका जीवन जीनान और परमेश्वरा का शिक्षा का द्वारा सिख चुक ग्यान कि निको छै और कि बुरो छै।