1 तीमुथियुस 4:3 - सोरियाली नय्या नियम

³ इसा झूठ्ठा लोग सिखूनान, कि ब्या करून और कुछ खाना की चीज गलत छन। लेकिन परमेश्वर ले यो सब खानो विश्वासीन खिन बना रैछ, कि येक कारण बनाछ, जो सही शिक्षा स जाणनान, कि परमेश्वरो को धन्यवाद करभेरन खाई जौ।

1 तीमुथियुस 4:3 Iomraidhean Croise

मत्ती 14:19

तब यीशु ले लोगून घास में बैठून खिन क्योछ, और उनून पाँच रोटान और द्वी माँछा हात में थामीयान, और स्वर्ग का तरफ चाँभेरन, परमेश्वरो को धन्यवाद करछ्य और रोटान टोड़ी-टोड़ी भेरन शिष्यून दीनै रैयान, और शिष्यून ले लोगून दीछ।

मत्ती 15:11

जो मुँख भटे जाछो, उ आदिमी स अशुद्ध नै करूनो; लेकिन जो मुँख भटे भ्यार उछो, उई आदिमी स अशुद्ध करछो।”

मत्ती 15:36

और उन बैठिग्या, येक बाद सात रोटान और माँछा लीभेरन उनूनले परमेश्वर स धन्यवाद दीछ, फिर उनूले रोटान टोड़िभेरन अपून शिष्यून दीनै रयान, और शिष्य लोगून स दीनै रयान।

लूका 24:30

इसो भ्योछ कि जब उ उनार दगाड़ खान खिन बैठ छै, त उले रोटो लीभेरन धन्यवाद करछ्य, और ऊस तोड़भेरन उनून दीन लागछ्य।

यहूना 6:23

तब और ले नाऊन तिबिरियास शैहर भटे उ जाग में आयान, जा उनूनले प्रभु को धन्यवाद करिना का बाद रवाटा खाईनाका छ्या।

प्रेरितून का काम 27:35

और यो कैभेरन उले रवाटा लीभेरन सबून का सामुनि परमेश्वरो को धन्यबाद करछय और टोड़िभेरन खानो लाग्यान।

रोमियून 14:17

परमेश्वरा का राज्य में खान पिनो जरूरी नाहातिन, लेकिन जरूरी बात इन छन की परमेश्वरा का दगाड़ सही जीन्दगी जीनो, पवित्र आत्मा में शान्ति और आनन्द छै जो पवित्र आत्मा भटे मिलछो।

रोमियून 14:3

जो शिकार खाछो, उ जो शिकार नै खानो ऊस तुच्छ नै समझो, और जो शिकार खाछो, उ शिकार खान वाला में दोष नै लगो, किलैकी परमेश्वर द्वीवैन ग्रहण करछो।

रोमियून 14:6

जो कोई ले दिनेस मानछो, इसो येक कारण हुछो किलैकी उ प्रभु स सम्मान करून चांछो। जो शिकार खाछो, उ प्रभु खिन खाछो, किलैकी उ परमेश्वर स धन्यबाद करछो, और कोई शिकार नै खानो उ प्रभु खिन नै खानो, क्याखिनकि उ परमेश्वरोको धन्यबाद करछो।

1 कुरिन्थियून 6:13

तुमूनमें भटे कुछ लोग यो कौल, कि खानो हमार शरीर खिन, और शरीर हमार खान खिन छै, यो सच्ची छै लेकिन परमेश्वर हमार शरीर स ले और खान स ले नाश कर द्योलो। शरीर ब्यभिचार खिन नै, बल्कि हमार शरीर प्रभुक छन और उकी सेवा करून खिन बनिनाक छन।

1 कुरिन्थियून 7:28

अगर तेरो ब्या हो जाछो त कै पाप नाहातिन; और अगर कुँवारी को ब्या करि जौ त कै पाप नाहातिन; हलाकि, शादीशुदा लोग यो संसार में अपूनो जीवन में भौत मुसीबतून को अनुभव कराला, और मैं चाछूँ कि तुम उसीकैं मुसीबतून भटे बचिनाक रौ।

1 कुरिन्थियून 8:8

लेकिन खानो हमून परमेश्वरा का नजदीक नै ल्या सकनो। अगर हम ऊस नै खाना त उले कैले नुकशान नाहातिन और ऊस अगर हम खानू, त उले कै फैद ले नाहातिन।

कुलुस्सियून 2:16

ध्यान राँख्या कि कोई तुमोरो खान-पिन या पर्व या नय्या चाँद, या सबता का दिनून का बारिमें तुम कोई फैसला जन करा।

कुलुस्सियून 3:17

तुम बोलून में, या काम में जेके ले करछा सब प्रभु यीशु का नाम ले करा, और उक द्वारा पिता परमेश्वरो को धन्यवाद करा।

1 तीमुथियुस 2:4

उ चाँछो कि सब लोगून मसीह का शिक्षान को ज्ञान हो और उद्धार प्राप्त करून।

1 तीमुथियुस 4:4

क्याखिनकि परमेश्वर की बनाईना की हरेक चीज निकी छै, और परमेश्वरा का तरफ भटे सब प्रकार को खान खाना को हुकुम छै, मगर ऊस परमेश्वरो को धन्यवाद दीभेरन खाई जौ।

1 तीमुथियुस 5:14

येक कारण मैं यो सलाह दीछूँ, कि जवान विध्वान ब्या करून और नान्तिना पैद करून, और घर की देख-भाल करून और कोई बिरोधीन बदनामी करनाको मौक जन दी।

इब्रानियों 13:4

ब्या सब लोगून में सम्मान की बात समझी जौ, और यो रिश्ता में घरवाली और घरवालो एक-दुसरा का प्रति वफादार रून। किलैकी परमेश्वर ब्यभिचारीन, और दुसरा स्यैनिन का दगाड़ नाजायज रिश्ता राखूनवालान को का न्याय करोलो।

इब्रानियों 13:9

किलैकी यीशु मसीह कभै नै बदलनो, तुमून इन सबै नय्या और अलग-अलग शिक्षान को पालन नै करून चैनो जो तुमून गलत बाटान में ली जानान। किलैकी तुमार मनून खिन यो निकोछ कि परमेश्वरा का अनुग्रह का द्वारा मजबूत बना, नै कि उन नियमून का मानना का द्वारा जो खानाका बारिमें छन, खाना-पीना सम्बन्धी प्रार्थनान का द्वारा केको भलो नै भ्यो।