1 तीमुथियुस 4:16 - सोरियाली नय्या नियम

¹⁶ त यो बारिमें सतर्क रये, कि तैं कसीकैं जीवन जी छै, और विश्वासीन की सिखूछै, त्यारा इसो करना का द्वारा तैं अपून खिन और सब जो तेरि सुणनान उनून खिन उद्धार को कारण बनले।

1 तीमुथियुस 4:16 Iomraidhean Croise

मरकुस 13:9

जब इन बातुन की शुरूवाद होलि, “तुम सतर्क रया, क्याखिनकि लोग तुमून महासभा में सौंप द्याला, तुमून यहूदी सभाघर में लीभेरन माराला, और उन म्यार कारण ले तुमून राजा और मंत्रीन का सामुनि लै ठाँड़ करि जाला, फिर तुम उनून म्यारा बारिमें गवाही देला।

लूका 21:34

तुम हमेशा जागनै रौ काँई इसो नै हो कि तुमोरो मन खुमार में पियक्कड़पन और यो जीन्दगी की चिन्तान में सुस्त हो जौ, और उ दिन तुमून में फन्दा का सामान अचानक आ पड़ो।

प्रेरितून का काम 26:22

लेकिन मैं परमेश्वर की मद्दत ले आज तलक ज्यून छूँ, और नॉन-ठूला सबून का सामुनि गवाही दी छूँ, मैं उन बातुन छोड़ के नै कुनू, जो परमेश्वरो को संदेश दिनवालान ले और मूसा ले लै क्योछ की हुनवाली छन।

प्रेरितून का काम 6:4

पर हम त प्रार्थना और बचन को प्रचार और शिक्षा दीन में समर्पित रूला।”

रोमियून 11:14

ताकि यो तरीका ले मैं अपूनी जातिक लोगून भटे जलन करवाभेरन उनूनमें भटे कैको त उद्धार करूँ।

रोमियून 16:17

अब हे विश्वासी भाईयों, मैं तुमूनथैं बिनती करछूँ, की तुम लोगून भटे सतर्क और दूर रया, और उन उ शिक्षा का खिलाफ छन, जो तुमून मिल रैछ, और जो दुसारा लोगून का विश्वास में कमजोर हुनो और झगड़ा को कारण बनछो।

रोमियून 2:7

और जो लोग निका कामून करभेरन महिमा, सम्मान और अनन्त जीवनै की खोज में छन, उनून परमेश्वर अनन्त जीवन द्योलो।

1 कुरिन्थियून 1:21

मैं इसो येक कारण कुछूँ, क्याखिनकि परमेश्वरेले समझदारी ले फैसला लीछ कि यो संसार लोगून अपून काबलियत का द्वारा ऊस नी जाण सकछ्या। येक कारण परमेश्वर उन लोगून बचूना को फैसला करछ्य जो सुसमाचार में विश्वास करनान जैको प्रचार हमूले करछ्य, हालाकि लोग यो प्रचार मूर्खता की बात समझनान।

1 कुरिन्थियून 9:22

जब मैं उन लोगून का दगाड़ रूछूँ जिनोरो विश्वास में कमजोर छन, त मैं उनार नियाती ब्यवहार करछूँ, ताकि मैं उनून मसीहक विश्वास में ल्यूनखिन मद्दत कर सकूँ। मैं हरेक आदिमी खिन सब कुछ बनिना को छूँ, कि कै नै कै तरीका ले थ्वाड़ा लोगून को उद्धार करा सकूँ।

1 कुरिन्थियून 9:27

मैं अपून शरीर में काबू राखछूँ ताकि मैं इन बुरी इच्छान को पालन नै करूँ, काँई इसो नै हो मैं दुसरा लोगून सुसमाचारो को प्रचार करछूँ, लेकिन मैं खुद ईनाम नै पानू।

इफिसियून 4:14

अब भटे हमून बच्चान का नियाती ब्यवहार नै करून चैछो। येक कारण हमून कभै ले ध्वाकाबाज लोगून की झूठ्ठी शिक्षा में नै फसून चैछो, जो सच्ची लागनान। क्याखिनकि अब हम उन नावून की नियाती नाहातिन जिनून लहर अघिल-पछिल धक्का दीनान और हवा इथकैं-उथकैं घुमूछी।

कुलुस्सियून 4:17

फिर अरखिप्पुस थैं कया “कि जो सेवा तैंस प्रभु का तरफ भटे मिल रैछ, ऊस ईमानदारी ले पुरी करे।”

1 थिस्सलुनीकियों 2:16

उन हमून गैर-यहूदीन यो बतून है रोकना की कोशिश करून मरैछ्या कि परमेश्वर उनून कसीकैं बचा सकछो और उन पाप में पाप करनै जानान, और अन्त में परमेश्वर उनून सजा द्योलो।

1 तीमुथियुस 1:3

मैंले इफिसुस शैहर है मकिदुनिया प्रदेश खिन जान है पैलि तैंस हुकुम दीछ, कि तैं याँ रैभेरन उनून जो झूठ्ठी शिक्षा दीनान उनून बतौ की उन झूठ्ठी शिक्षा दीन बन्द करून।

1 तीमुथियुस 4:15

इन बातुन में ध्यान राख और वफादार बनिना का रौ, ताकि हरेक देख सकौ की तैं विश्वास में बढ़ून मरैछै।

1 तीमुथियुस 4:6

अगर तैं विश्वासी भाई-बैनिन लगातार याद दिलूनै रौ, कि जेको मैंले तैंस अल्ले-अल्ले हुकुम दी रैछ, और तैं विश्वास और सही शिक्षा का द्वारा मजबूत करि गैछै, जेको तैं पालन ले करछै, त तैं यीशु मसीह को निको सेवक बनले।

2 तीमुथियुस 2:10

येक कारण मैं उन लोगून का फैदा खिन सब दुखून सहन करछूँ, जिनून परमेश्वर ले चुन रैछ, ताकि उन ले यीशु मसीह में विश्वास करून और बचाई जा सकून, और उ महिमा स पा लीन जो हमेशा खिन बनिना की रूछी।

2 तीमुथियुस 3:14

पर हे तीमुथियुस, इन बातुन में हमूले तैंस सिखायान और जिनूनमें तैं विश्वास ले करछ्य, और तैं लगातार इन बातुन में विश्वास ले अमल करूनै रौ; क्याखिनकि तैं जाण छै कि तैंस यो सच्चाई कैले बताछ।

2 तीमुथियुस 4:2

बखत बुरो या भलो हो तैं हर बखत परमेश्वरा का बचन को प्रचार कर खिन तैयार रौ। तैंस लोगून समझून चैछो कि उनूनले कि गलत करछ्य और उनार पापून खिन उनून डाँठ लागून चैछी। मगर धैर्याक दगाड़ सिखून चैछो और उत्साहित करून चैछो।

तीतुस 1:9

ऊस यीशु मसीह का बचनून में मजबूती ले विश्वास करून चैछो जो हमूले ऊस सिखाईना को छ्यो। ताकि उ दुसरान सही शिक्षा मानून खिन हिम्मत दी सकून, और दुसरान का गलतिन ठीक कर सकून।

तीतुस 2:15

येक कारण तीतुस मैं चाछूँ कि तैं क्रेते का विश्वासीन यो बातुन सिखौ जो मैंले तैंस बताईना का छन। अपून लोगून मजबूत कर और जाँ जरूरी हो, वाँ उनूनमें सुधार कर, तैंस इसो करून में म्यारा तरफ भटे पुरो अधिकार छै, कोई ले तेरो निरादर नी कर सकोलो।

तीतुस 2:7

तैंस हमेशा भल काम करून चैछो, ताकि तैं दुसारा लोगून खिन उदारण बनौ। जब तैं विश्वासीन परमेश्वरा का बारिमें सिखूछै, त तैंस निका इरादा ले सिखून चैछो, जैले लोग तेरो आदर कर सकून।

फिलेमोन 1:19

मैं पौलुस अपून हात ले लिखछूँ, कि मैं ऊस चुका द्यूलो; हालांकि मैं तैंस यो याद दिलून जरूरी नै समझनू कि तुमोरो पुरो जीवन म्योरो कर्जदार छै।

इब्रानियों 12:15

सतर्क रौ, कई इसो नै हो, कि कोई ले आदिमी परमेश्वरा का अनुग्रह का बिना नै रै ज्यो। और ध्यान दी कि कोई ले आदिमी स अविश्वास में कड़वा रूखा का जड़ा का नियाती जन बनून दी जो उक जहर का दगाड़ कई परेशानीन का कारण बनछो, जैले उ आदिमी परमेश्वर है दूर हो ज्यो।

इब्रानियों 13:9

किलैकी यीशु मसीह कभै नै बदलनो, तुमून इन सबै नय्या और अलग-अलग शिक्षान को पालन नै करून चैनो जो तुमून गलत बाटान में ली जानान। किलैकी तुमार मनून खिन यो निकोछ कि परमेश्वरा का अनुग्रह का द्वारा मजबूत बना, नै कि उन नियमून का मानना का द्वारा जो खानाका बारिमें छन, खाना-पीना सम्बन्धी प्रार्थनान का द्वारा केको भलो नै भ्यो।

याकूब 5:20

त तुमून यो पत्तो हुन चैछो, कि जो कोई भटकिना का पापी स सच्चाईक बाट में फिर वापस लियूछो, त उ एक आत्मा स नरक की मौत भटे बचूछो, और परमेश्वर उक भौत पापून माफ करोलो।