1 तीमुथियुस 4:12 - सोरियाली नय्या नियम

¹² इसीकैं ब्यवहार कर की कोई तेरो अनादर नै करौ, लेकिन तैंस अपून बोल-चाल में, निका ब्यवहार का दगाड़, प्रेम ले, मसीह का विश्वासा का दगाड़, पवित्रता को जीवन जीना का द्वारा विश्वासी लोगून खिन आदर्श बनूनो चैछो।

1 तीमुथियुस 4:12 Iomraidhean Croise

मत्ती 18:10

देखा, तुम इन नान है-नान स कैसे ले तुच्छ जन समझया; क्याखिनकि मैं तुमूनथैं कुंछू कि स्वर्ग में उक स्वर्गदूत हमेशा म्यारा पिता का सामुनि ठाड़ रूनान।

1 कुरिन्थियून 11:1

जसकैं मैं मसीह की जसी चाल चलछूँ, तुम ले मेरि जसी चाल चला।

फिलिप्पिन 4:8

येक कारण हे प्रिय दगड़ियो, तुम अपूनो ध्यान उन बातुन में लगा, जो-जो बात सच्ची, आदरणीय, भलि पवित्र, निकी, और मन स भान वाली, जो बड़िया और तारीफ की बात छन और तुमारा उन बातुन में लाग रून।

1 थिस्सलुनीकियों 1:6

तुमूनमें भौत दुख छ्यो लेकिन पवित्र आत्मा का द्वारा दीईना की खुशी दगाड़ तुमूले सुसमाचार स ग्रहण करछ्य। इसीकैं तुमूले हमोरो और प्रभु यीशु मसीह का नियाती जीवन जीन लाग गैछा।

1 थिस्सलुनीकियों 2:10

तुम खुद यो बात का गवाह छा, और परमेश्वर ले गवाह छै, कि तुम सब विश्वासी का दगाड़ हमोरो ब्यवहार कतुक सच्चो और धार्मी और निर्दोष छ्यो।

1 तीमुथियुस 1:14

और हमार प्रभु यीशु मसीह को भौत अनुग्रह, विश्वास और प्रेम का दगाड़ हमेशा मैंमें भ्योछ।

2 तीमुथियुस 2:15

तैं जतुक कड़ी मेहनत कर सकछै उतुक तैंस करून चैछो, ताकि परमेश्वर तैंस कारीगर का नियाती पुर तरीका ले ग्रहण कर सको, जैले तुमून अपून काम कारण शर्मिन्दा नै हुनो और सच्चाई का बचन स सही तरीका ले सिखूछो।

2 तीमुथियुस 2:22

उन बुरा चीजून है अपूनास दूर राख जिनून जवान लोग करून चानान और जो साफ मन ले प्रभु की अराधना करनान, उनार दगाड़ धार्मिकता, विश्वास, प्रेम और शान्ति ले मेल-जोल बनाभेरन राँख।

2 तीमुथियुस 2:7

तैं मेरि बातुन में ध्यान दे, क्याखिनकि प्रभु सब बातुन समझून में तेरि मद्दत करोलो।

तीतुस 2:15

येक कारण तीतुस मैं चाछूँ कि तैं क्रेते का विश्वासीन यो बातुन सिखौ जो मैंले तैंस बताईना का छन। अपून लोगून मजबूत कर और जाँ जरूरी हो, वाँ उनूनमें सुधार कर, तैंस इसो करून में म्यारा तरफ भटे पुरो अधिकार छै, कोई ले तेरो निरादर नी कर सकोलो।

तीतुस 2:7

तैंस हमेशा भल काम करून चैछो, ताकि तैं दुसारा लोगून खिन उदारण बनौ। जब तैं विश्वासीन परमेश्वरा का बारिमें सिखूछै, त तैंस निका इरादा ले सिखून चैछो, जैले लोग तेरो आदर कर सकून।

याकूब 3:13

तुम लोगून में जो बुद्धिमान और समझदार हुना को दावा करछो, उ अपून भल कामून और निको चाल-चलनाक जरिया, और उ नम्रताक दगाड़ जो तुमार ज्ञान भटे उछी, भल काम करभेरन साबित करून चैछो।

याकूब 3:17

लेकिन जो ज्ञान परमेश्वर भटे मिलछो, उ पैलि त पवित्र हुछो, फिर मिलनसार, कोमल, निको बिचार वालो, दयालु और निका कामून ले भरिना को और बिना पक्षपात और बिना कपट ले हुछो।

1 पतरस 5:3

जिन लोगून की जिम्मेदारी परमेश्वरेले तुमून दी रैछ, उनूनमें अधिकारीन का नियाती अपूनो अधिकार जन जता, बल्कि उनून खिन एक निको उदारण बना।