1 तीमुथियुस 4:1 - सोरियाली नय्या नियम1 पवित्र आत्मा साफ कुंछो कि आखरी दिनून में कुछ लोग मसीह की शिक्षान छोड़भेरन शैतान कि शिक्षान में मन लगाभेरन विश्वास भटे बहक जाला। Faic an caibideil |
1 तीमुथियुस 4:1
64 Iomraidhean Croise
जसा तरीका ले तुम भौत पैलि झूठ्ठा संदेश दीन वाला लोग इस्राएली लोगून का बीच में दिखाई दीईयान, उसीकैं तुमार बीच में झूठ्ठा शिक्षा दीन वाला दिखाई द्याला। उन झूठ्ठी शिक्षान चुपचाप ले फैला द्याला, जो लोगून मसीह में विश्वास करून है रोक देली। यो झूठ्ठा शिक्षा दीन वाला मसीह स अपून स्वामी मानून है ले इन्कार कर द्याला जो उनोरो मालिक छै और जैले उनून पाप की शक्ति है आजाद करिना को छै। इसीकैं उन अपनास अचानक नाश करवा द्याला।
मैं तुमून यो लिखून मरैयू किलैकी कुछ लोग जो यीशु मसीह में विश्वास करना को दिखावा करनान, उन तुमार बीच में शामिल हो ग्यान। उन परमेश्वरो को आदर नै करना और उन गलत शिक्षा दीनान कि परमेश्वर अपून अनुग्रह ले हमार पापून माफ कर दीछो, येक कारण हम गलत कामून में जीवन जी सकनू। उन यीशु मसीह स अस्वीकार करनान, जो हमोरो एकमात्र मालिक और प्रभु छै। भौत बखत पैलि भटे, पवित्रशास्त्र में लिखीना को छै कि परमेश्वर इस लोगून दण्ड द्योलो।
जो कोई यो बात स सुण सकछो जो मैं कुनमर्यू, उ यो समझना की कोशिश करून कि, पवित्र आत्मा विश्वासीन की मण्डली थैं कि कूछो: उन लोग जो बुराई की शक्ति स हरूनान, मैं उनून उ मन्ना में भटे के द्यूलो जो लुकाईनाको छै। मैं उनूनमें भटे हरेक स एक सफेद ढ़ुगो ले द्यूले, जैमें एक नय्या नाम लिखीनाको होलो। जो आदिमी ऊस प्राप्त करोलो, ऊस छोड़भेरन कोई ले उ नाम स नै जाण सकलो।
लेकिन बाकि लोग जो उन बिपत्तिन है पैलि नी मारी गैछ्या, उनूनले अब ले अपून बुरा कामून है मन नै फिरायो। उनूनले खून करूनो, जादू-टोना, ब्यभिचार और चोरी करून है मन नै फिरायो। उनूनले भूतून और अपून हातुन ले से बनाईना का चीजून की पूजा करूनो ले नै छोड़यो, जसकैं कि सुन या चाँदी या पीतल या लाकड़ा का बनाईना का मूर्तिन। उन मूर्तिन, नै देख सकना, नै सुण सकना, और नै हिट सकना।
Sanasan