1 तीमुथियुस 3:6 - सोरियाली नय्या नियम

⁶ उ इसो आदिमी नै हुन चैछो जो हाल मेंई विश्वासी बनिना को हो। काँई इसो नै हो कि उ घमंडी होज्यौ और ऊस ले उई सजा मिलेलि जो शैतान स मिलछ्य।

1 तीमुथियुस 3:6 Iomraidhean Croise

लूका 10:18

यीशु ले उनूनथैं क्योछ, “ जब दुष्टआत्मान ले तुमोरो हुकुम नै मान्यो, त मैंले शैतान स अचानक आकाश भटे बिजली नियाती स्वर्ग भटे खितीन ग्योछ।

1 कुरिन्थियून 3:1

हे म्यारा विश्वासी भाईयो, तुम यो संसाराक लोगून नियाती दिखावा करून मरेछा, येक कारण मैं तुमूनथैं आत्मिक लोगून का नियाती बात नै कर सकयू, क्याखिनकि मसीहक विश्वास में तुम बच्चान का जस छा।

1 कुरिन्थियून 8:1

अब मूर्तिन का सामुनि बलि चढ़ाईना चीजून का बारिमें हम जाणनू कि हम सब ज्ञानी छा। सच्ची में ज्ञान हमून घमंडी बनूछो जब की प्रेम हमून एक-दुसारा खिन मददगार बनूछो।

2 कुरिन्थियून 12:7

लेकिन मैंस उन अद्धभुत चीजून में गर्व नै करून चैनो जो परमेश्वरेले मैंस दिखाछ। येहै निपटून खिन एक भौतै कठिन समष्या मैंस दी गैछ, जो म्यारा शरीर में एक काँणा का नियाती छै। शैतान का एक दूत ले मैंस मारना को इरादा करछ्य, ताकि मैं घमंडी नै हो ज्यू।

1 तीमुथियुस 3:7

और विश्वासी मण्डली का अलावा भ्यारा लोगून में ले उको मान-समान हुन चैछो। ताकि उकी बदनामी नै हो और उ शैताना का फंदा में नै फसौ।

1 तीमुथियुस 6:4

त मैं समझछूँ कि घमण्ड ले ऊस अन्धो कर हालछ्य; और उ केले नै समझनो। इसो आदिमी बेकारा का बातुन में और शब्दून का बारिमें तर्क-बितर्क और झगाड़ा करूना की इच्छा राखछो, जेले डाह, फुट और निन्दा और बुरा-बुरा सन्देह।

2 तीमुथियुस 3:4

विश्वासघात करून वला, ढीठ, अभिमानी, और परमेश्वरा का नै बल्कि सुख-विलास का चानवाला होलो।

1 पतरस 2:2

जसकैं एक नान-नन्तिनो अपूनो ईजा को शुद्ध दूध की इच्छा करछो, उसीकैं तुमून परमेश्वरा का बचन स सीखना की इच्छा राखून चैछो ताकि तुम आत्मिक रूप ले मजबूत बन सका। तब परमेश्वर तुमून यो संसारै की बुरी चीजून है पुरी तरीका ले बचालो।

1 पतरस 5:5

इसीकैं तुम जवान लोगून पुराना विश्वासीन को हुकुम मानून चैछो। तुम सबून दीन होभेरन एक-दुसरा की सेवा करूनी चैछी। किलैकी पवित्रशास्त्र में लिखीना को छै कि, परमेश्वर घमंडी लोगून को बिरोध करछो लेकिन उ उन लोगून में अनुग्रह करछो जो लोग दीन छन।

2 पतरस 2:4

तुम जाणछा कि भौत बखत पैलि जब थ्वाड़ा दुष्ट दूतून ले परमेश्वरोको हुकुम नै मानियो, तो उले उनून उनार करिना की सजा दीछ। उले उनून नरक में खित दीछ, और उनून अन्यारा कैद में उ दिन तक राखि ग्योछ जब की उन न्याय का दिन कि इन्तजार करनान जब उनून उ सजा मिलेलि जैका उन लायक छन।

यहूदा 1:6

याद करा कि प्रभु ले उन स्वर्गदूतून कसकैं दण्ड दीछ, जिनूनले अपूनी जिम्मेदारीन नै निभाई, बल्कि उनूनले अपूनी पदविन त्याग दीछ। प्रभु ले इन दुष्ट दूतून अन्यार जाग में राख रैछ, और इसा जंजीरून ले बाँद रैछ जिनून कोई नै तोड़ सकनो ताकि महान दिन में उनोरो न्याय हो सको।