1 तीमुथियुस 3:3 - सोरियाली नय्या नियम

³ उ शराबी और मारपीट करूनवाला नै हो, नै झगड़ालू हो, और नै धनो को लालची हो, लेकिन उ शान्त स्वभाव हो।

1 तीमुथियुस 3:3 Iomraidhean Croise

मत्ती 21:13

और यीशु ले क्योछ, “पवित्रशास्त्र में लिखीना को छै, ‘म्येरो घर सबै देशून का लोगून खिन प्रार्थना को घर होलो,’ पर तुमून ले यो प्रार्थना घर स डाकून को अड्डा बना रैछ।”

प्रेरितून का काम 20:33

मैंले कभै कैको चाँदी, सुन और कपाड़ान को लोभ नै कर्यो।

रोमियून 16:18

क्याखिनकि इस लोग हमार प्रभु यीशु मसीह का नाहातिन, लेकिन अपून फैदा खिन सेवा करनान, और इन लोग चिकनी-चुपड़ी बात करभेरन सीधा-सादा मनाका लोगून बहका दीनान।

इफिसियून 5:18

मदिरा का नशा में मतवाला होभेरन अपूनास नाश जन करा, क्याखिनकि येले लोग अपून आपे भ्यार हो जानान, पवित्र आत्मा स तुमून अपूनी सामर्थ ले भरून दी।

1 थिस्सलुनीकियों 5:14

हे म्यारा विश्वासी भाईयों, हम तुमून समझुनू कि जो आलसी छन उनून चेतावनी दी, और जो लोग डरफोक छन उनून हिम्मत दीया, और जो विश्वास में कमजोर छन उनेरि मद्दत करा, और सबून का दगाड़ धीरज ले बर्ताव करा।

1 तीमुथियुस 3:8

विश्वासी अगुवान का नियाती सेवकून ले आदर का योग्य और ईमानदार हुन चैछो, और उ शराब पिन वाला और लालची नै हो।

2 तीमुथियुस 3:2

क्याखिनकि लोग अपून बारिमें सोचाला, और धना क लोभी, डीगमार, घमंडी, और दुसरान को बुराई करूनवाला और ईजा-बाबको हुकुम नै मानून वाला, एसान नै मानूनवाला और अपवित्र,

तीतुस 1:11

इसा लोगून विश्वासीन सिखूना को हुकुम जन दीये, क्याखिनकि जब उन इन बातुन सिखूनान जो उनून सिखूनी चैछी, त उन पुर परिवारो को विश्वास नाश कर द्याल। उन इसो येक कारण करनान ताकि धन कमा सकून।

तीतुस 1:7

क्याखिनकि अगुवान परमेश्वरा का मुन्सी हुना का कारण निर्दोष हुन चैछो; नै जिद्दी, नै क्रोधी, नै पियक्कड़, नै मारपीट करनवालो, और नै नीच कमाईको लालची हो।

तीतुस 2:3

उसीकैं बुढ़ी स्यैनिन को ले इसीकैं ब्यवहार करून चैछो जो हर बात में परमेश्वरो को आदर दीन वाली। और केमें दोष लगून वाली और मदिरा पिन वाली नै हुन चैछी, बल्कि निकी बात सिखून वाली हो

तीतुस 3:2

कैकी बदनामी जन कर, झगड़ालू नै हो, और शान्त आदत को हो, और सब लोगून का दगाड़ भौत दयालु बनभेरन रौ।

इब्रानियों 13:5

तुम अपूनास धन-दौलत का लालच है दूर राखा और जो तुमार पास छै, उमेंई खुश रौ। किलैकी परमेश्वरेले खुद के रैछ, “मैं तैंस कभै ले नी छोडूलो, और तैंस कभै ले नी त्यागूँलो।”

याकूब 4:1

तुमून में हुन वाला लड़ाई और झगाड़ा काँ भटे उनान? यो उन बुरी इच्छान ले उनान जो तुमार भितर लड़नान।

1 पतरस 5:2

जसकैं ग्वाला अपूनी भेड़ून की रखवाली करनान, उसीकैं तुमून ले हर विश्वासी की रखवाली करूनी चैछी जिनून परमेश्वरेले तुमेरि देखभाल में राखिना को छै। यो सेवा स अपूनी इच्छा ले करा, किलैकी परमेश्वर योई चाछो कि तुम इसो करा। इसो सिर्फ येक कारण जन करा किलैकी तुमून इसो करून खिन मजबूर करि ग्योछ, और नै यो काम येक कारण करा कि तुम धन कमून चाँछा लेकिन सिर्फ परमेश्वर और लोगून की सेवा करून खिन करा।

2 पतरस 2:3

इन सिखून वाला लालची होला, और उन बनि-बनाई कहानीन सुणाभेरन तुमून ध्वाका द्याला ताकि तुमूनथैं चीजून प्राप्त कर सकून। परमेश्वरे ले भौत बखत पैलि फैसला कर हलछ्यो कि उ उनून सजा द्याला और उन करून खिन तैयार छन। उन जरूर उनून नाश कर द्याला।

यहूदा 1:11

उन लोगून में हाय। किलैकी उनूनले आदमा का पुत्र कैनाक नियाती दुष्टताले ब्यवहार करिना को छै, जैले अपून भाई की खून कर दीछ किलैकी उ उखिन जलछ्यो, किलैकी परमेश्वरेले उक भाई को बलिदान स स्वीकार करछ्य और उक बलिदान स स्वीकार नै कर्यो। उन बिलाम की नियाती छन, जैले परमेश्वरा का लोगून पाप करून खिन उसकूना की कोशिश करछ्य, ताकि उ, उ धन स पा सको। उन कोरह का नियाती नाश हो जाला, जैले उ अधिकार का खिलाफ में बिरोध करछ्य जो परमेश्वरेले मूसास दीईना छ्यो।

प्रकाशितवाक्य 1:9

मैं, यहूना, जो मसीह में तुमोरो दगड़िया छूँ, तुमार नियाती सताई जाछूँ। मैं परमेश्वर क राज्यो को एक नागरिक छूँ जसकैं तुम छा, और मैंस ले अपूनी परेशानीन उसीकैं धैर्य दगाड़ सहन करूनो चैछो जसकैं तुम करछा। मैं परमेश्वरा का बचन को प्रचार करून और यीशु का बारिमें बतूना का कारण पतमुस टापू में भेज दी गैछ्यू।