1 तीमुथियुस 3:15 - सोरियाली नय्या नियम

¹⁵ अगर म्यार उन में देर हो जौ, त मैं चाछूँ कि तुम जाण ली, कि परमेश्वरा का परिवार लोगून को कसो ब्यवहार हुन चैछो। यो परिवार उन सबून मिलभेरन बनिना को छै जो मसीह में विश्वास करनान और जीवित परमेश्वर भटे समबन्ध राखनान, और जो सच्चाई को खम्बो; और बुनियाद छै।

1 तीमुथियुस 3:15 Iomraidhean Croise

मत्ती 16:16

शमौन पतरस ले जबाब दीछ, “तुम जीवित परमेश्वरो को च्योलो मसीह छै।”

मत्ती 18:18

मैं तुमूनथैं सच्ची कुछूँ, जो ले तुम धरती में बांधला, उ स्वर्ग में बाँदि जालो। और जो कुछ तुम धरती में खोलला, उ स्वर्ग में खुलि जालो।

यहूना 1:17

नियम-कानून त मूसा का द्वारा दीई ग्यान; लेकिन परमेश्वर ले अनुग्रह और सच्चाई यीशु मसीह का द्वारा दीछ।

यहूना 14:6

यीशु ले उथैं क्योछ, बाटो और सच्चाई और जीवन मैंई छूँ, बिना म्यारा कोई पिता का पास नै पुज सकूनो।

यहूना 18:37

पिलातुस ले उथैं क्योछ, “तो क्या तैं राजा छै?” यीशु ले जबाब दीछ, “तैं कुछै, कि मैं राजा छूँ; म्येरो जन्म लीना को और संसार में उनाको कारण यो छै, कि मैं सत्य का बारिमें सिखा सकूँ। सत्य को पालन करून वाली सब मेरि बात सुणनान।”

यहूना 6:69

और हम तैंमें विश्वास करछ्य, और जाणिगया कि तुम पवित्र जन छा जैस परमेश्वर ले भेज रैछ।”

प्रेरितून का काम 1:2

उ दिन तक जब कि उ परमेश्वरा का द्वारा स्वर्ग में उठा ली ग्योछ। उहै पैलि यीशु ले प्रेरितून, पवित्र आत्मा का द्वारा हुकुम दीछ, जिनून उनूनले खुद चुनिना को छ्यो।

प्रेरितून का काम 14:15

“हे लोगों, तुम कि करूनमरैछा? हम ले त तुमार समान आदिमी छा, और तुमून सुसमाचार सुणूनू, की तुम इन बेकारै की चीजून भटे दूर होभेरन ज्यून परमेश्वर की तरफ आ। उले स्वर्ग और धरती और समुन्द्र और जो ले उमें छै सब कुछ बनाछ।

रोमियून 3:2

होई एक यहूदी हुन में भौत फैद छै। सबून जरूरी है पैलि त यो की यहूदी लोगून मूसा और परमेश्वरा का संदेश दिनवाला लोगून को लेख दी ग्योछ।

रोमियून 9:26

और जो जाग परमेश्वर ले यो कईनाको छ्यो कि तुम मेरि प्रजा नाहातिना, उलेई ज्यून परमेश्वर की उनून अपूनी सन्तान कलो।”

1 कुरिन्थियून 10:32

मैं सबून खुश करना की कोशिश करछूँ, मैं अपून भलाई का बारिमें नै सोचून मरयूँ, बल्कि सबून की भलाई का बारिमें सोचून मरयूँ, ताकि उन उद्धार पा सकूँन। उसीकैं तुम ले रौ कि यहूदीन या गैर-यहूदीन या परमेश्वरै की विश्वासीन की मण्डली खिन कैले परेशानी या कैले ठोकर पैद नै करा।

1 कुरिन्थियून 3:16

सच्ची में तुम जाणछा, कि तुम परमेश्वरा का मन्दिर छा, और परमेश्वरो को आत्मा तुमून में वास करछो।

2 कुरिन्थियून 3:3

यो साफ छै, कि तुमोरो बदलीना को जीवन एक चिठ्‌ठी की नियाती छै जो मसीह ले लिखीना की छै, उले यो चिठ्‌ठी हमरि सेवकाई का द्वारा लिखीना की छै; और जो स्याही ले या ढुगाँन की पाठ्ठी में नै, लेकिन जीवित परमेश्वरा का आत्मा का द्वारा आदिमीन का मनून की पाठ्ठी में लिखी ग्यान।

2 कुरिन्थियून 6:16

परमेश्वरा का मन्दिर में मूर्तिन की कोई जाग नाहातिन। किलैकी हम त जिन्दा परमेश्वरा का मन्दिर छा; जसो परमेश्वरेले पवित्रशास्त्र में कईना को छै, “मैं इन लोगून का दगाड़ रूलो और उनूनमें हिटूलो फिरूलो; और मैं उनोरो परमेश्वर हूँलो, और उन म्यारा लोग होलो।”

2 कुरिन्थियून 6:7

सच्चा प्रेम ले, सच्चाई का बचन ले, परमेश्वरै की सामर्थ ले; हम दैना हात में धार्मिकता का हथियार स हमला खिन और बौं हात में रक्षा खिन इस्तमाल करनू।

गलातियों 2:9

जो आदिमी विश्वासीन की मण्डली का खम्बा समझी जाछ्या, याकूब, कैफा और यहूना, उनूनले अनुग्रह को उ बरदान पछ्याण छै जो मैंस मिलीना को छै। उनूनले मैंस और बरनबास स अपूनो सहयोगी समझभेरन हमून अपून दगाड़ संगति करना को मौका दीछ। उन यो बात खिन सहमत भ्यान कि हम गैर-यहूदीन का पास जाँ और उन खतना करिना का यहूदीन का पास जाला।

गलातियों 3:1

हे गलातिया शैहरा का विश्वासी लोगों, क्या तुम ना समझछाई, केले तुमून भरमा दीछ? मैंले तुमून बड़िया तरीका ले समझाछ कि जब यीशु मसीह स सूली में चढ़ाई ग्यो, त उले की पुरो करछ्य।

इफिसियून 4:21

जो कुछ तुमूले यीशु मसीह का बारिमें सुण रैछ और जो कुछ तुमार शिक्षकून ले तुमून सिखाछ, उ पक्का में उको सच्चो संदेश छै।

कुलुस्सियून 1:5

तुम यो येक कारण करछा, क्याखिनकि विश्वास और प्रेम की बुनियाद में छै, जो तुमून खिन स्वर्ग में राखिना की छै, जैका बारिमें तुम पैलि भटे सुण चुक गैछा,

1 थिस्सलुनीकियों 1:9

क्याखिनकि उन लोग दुसरान बतुनान कि जब हम तुमार पास आया तुमूले कसीकैं हमोरो स्वागत करछ्य, और तुम कसीकैं मूर्तिन भटे दूर हो भेरन परमेश्वरा का तरफ आछा ताकि ज्यून और सच्चा परमेश्वर की सेवा करा सका।

1 तीमुथियुस 3:14

मैंस आश छै कि मैं जल्दी तुमार पास उलो, लेकिन यो चिठ्ठी येक कारण लिखून मरयू,

1 तीमुथियुस 3:16

और येमें कोई शक नाहातिन की जो शिक्षा परमेश्वर दी राख्यान उन पुर तरीका ले सही छन, मतलब मसीह आदिमी का रूप में प्रगट भ्योछ, यो उक बारिमें पवित्र आत्मा का द्वारा साबित भ्योछ कि उ परमेश्वरो को च्योलो छै, स्वर्गदूतून ले ऊस देखछ्य, और प्रेरितून ले उक बारिमें सुसमाचार सब जातिन में सुणाछ, और संसारा का सब जातिका लोगून ले उमें विशवास करछ्य, और परमेश्वर ले ऊस स्वर्ग में उठा लीछ।

1 तीमुथियुस 3:2

येक कारण यो जरूरी छै, कि विश्वासीन को मुख्य अगुवान निर्दोष, और अपून घरवाली का प्रति वफादार, हर हालात में अपून आप में काबू करून वालो, शान्त स्वभाव वालो, इज्जतदार, धीरजवंत, मेहमानून की इज्जत करून वालो, और परमेश्वरा का बचनून निकीकैं सिखूनवालो हो।

1 तीमुथियुस 3:5

अगर जो आदिमी अपूनी परिवार की सही तरीका ले देखभाल नै कर सकूनो, त उ परमेश्वरा का विश्वासी मण्डली की देखभाल कर सकूनो।

1 तीमुथियुस 4:10

हम यो जीवन स पान खिन भौत मेहनत और संघर्ष करनू, क्याखिनकि हमोरो भरोसा जीवित परमेश्वर में छै, जो सब लोगून को मुक्तिदाता छै खास करभेरन उनोरो जो उमें विश्वास करनान।

1 तीमुथियुस 6:16

और केवल उई एकमात्र छै, जो हमेशा खिन जियुनो छै, और उ इतुक चमकदार उज्याला में रूछो कि कोई ले उक नजिक नै आ सकूनो, और नै ऊस कोई आदिमी ले देखछ्य, और नै कभै देख सकूनो, उकी महिमा और सामर्थ हमेशा खिन रौली। आमीन।

2 तीमुथियुस 2:19

परमेश्वरा का लोग एक पक्की बुनियाद नियाती छै जो हिलनी नै, और उ बुनियाद में यो शब्द लिखीना का रूनान; “प्रभु जाणछो की उक लोग को छन,” और यो ले “और जो कोई ले परमेश्वर की अराधना करछो ऊस बुराई करून छोड़ दीन चैछी।”

2 तीमुथियुस 2:20

कोई ले ठूला घर में नै केवल सुना और चाँदी का, बल्कि लाकड़ा का और माटाका ले भांणा हुनान। कोई-कोई भांणा खास मक्शद खिन और कोई-कोई भांणा हर रोज आम काम खिन इस्तमाल हुनान।

इब्रानियों 10:21

येक कारण हमार पास एक इसो महायाजक छै जो परमेश्वरा का घर में राजा करछो।

इब्रानियों 12:22

तुम सिय्योन पहाड़ा का पास आईना का छा, जो स्वर्गीय यरूशलम शैहर छै, और जीवित परमेश्वरो को शैहर छै, जाँ लाखू स्वर्गदूत खुशी को पर्व मनूनान।

इब्रानियों 3:12

हे म्यारा विश्वासी भाईयो, सतर्क रौ, कि तुमून में इसो बुरो और अविश्वासी मन नै हो, जो, जीवन दीन वाला परमेश्वर है दूर हो ज्या।

इब्रानियों 9:14

तो जरा सोचभेरन देखा कि मसीह को खून हमार दिलून उन कामून भटे कतुक शुद्ध करोलो जो मौत का तरफ भटे ली जाछो, ताकि हम जीवित परमेश्वरै की अराधना कर सका। किलैकी अनन्त आत्मा का सामर्थ का द्वारा, मसीह ले हमार पापून खिन अपूनास निर्दोष बलिदानाक रूप में परमेश्वरेस भेंट चढ़ा दीछ।

1 पतरस 4:17

परमेश्वरो को न्याय शुरू हुना को बखत आग्योछ, जो परमेश्वरा का लोगून भटे शुरू होलो, किलैकी उ पैलि हम विश्वासीन को न्याय करोलो, येक कारण उन भयानक बातुन का बारिमें सोचा जो उन लोगून का दगाड़ होलि जो उ सुसमाचार स नै मानना जो उकी तरफ भटे ऊँछो।