1 तीमुथियुस 2:7 - सोरियाली नय्या नियम

⁷ यो कारण ले, परमेश्वर ले मैंस सुसमाचार को प्रचारक और एक प्रेरित हुन खिन चुन रैछ। उले मैंस गैर-यहूदीन खिन विश्वास और सच्चाई को संदेश सिखून खिन चुन रैछ, मैं झूठ नै बोलून मरयू; मैं सच्ची कुन मरयू।

1 तीमुथियुस 2:7 Iomraidhean Croise

यहूना 7:35

यहूदी अगुवा आपस में कुन लाग्यान, “यो काँ जाछो कि हमून तो दुबारा नै मिल सकूनो? शायद उन यहूदी लोगून पास जो यूनानी शैहरून में तितर-बितर हो भेरन रूनान, और उनूनले उपदेश द्योलो?

प्रेरितून का काम 14:27

और अन्ताकिया शैहर पुजभेरन उनूनले विश्वासीन की मंडली जमा करछय और बताछ, की परमेश्वरेले उनारा द्वारा कस ठूला-ठूला काम कर्यान, और कसीकैं गैर-यहूदीन लोगून यीशु में विश्वास करन लायक बनाछ।

प्रेरितून का काम 22:21

और प्रभु ले मैथैं क्योछ, “याँ भेट जा, क्याखिनकि मैं तैंस गैर-यहूदीन का पास दूर-दूर तलक भेजलो।”

प्रेरितून का काम 26:20

पैलि दमिश्क नगर में, फिर यरूशलम शैहरा का रूनवाला में, और पुरा यहूदिया प्रदेश में और गैर-यहूदी लोगून में प्रचार करनै रयूँ, कि अपून पापून भटे पश्चाताप करा और परमेश्वरा का तरफ मन फिराव करभेरन निका कामूनको सबूत दी की उनूनले सच्ची-मुच्ची पापून भटे पश्चाताप कर है छै।

प्रेरितून का काम 9:15

लेकिन प्रभु ले उथैं क्योछ, “तैं जा, क्याखिनकि मैंले ऊस गैर-यहूदी और राजान और इस्राएली लोगून का सामुनि म्यारा बारिमें प्रचार करून खिन म्येरो चुनिना को जन छै।

रोमियून 1:9

परमेश्वर जिनरी सेवा मैं अपून पुर मन ले उनार च्यालाक बारिमें सुसमाचार लोगून सुणाभेरन करछूँ, उई मेरि गवाही छै, कि मैं तुमून अपूनी प्रार्थना में लगातार याद करछूँ।

रोमियून 10:14

लेकिन येहै पैलि कि लोग परमेश्वर थैं मद्दत माँग सकून, उनून मसीह में विश्वास करनू चांछो, और येहै पैलि की उन उमें विश्वास कर सकून, उनूनले उक बारिमें सुणून चैछो; और लोगून प्रभु का बारिमें सुणून खिन, कैले उनून बतून चैछो।

रोमियून 11:13

मैं तुम गैर-यहूदी लोग थैं यो बात कुछूँ। जब कि मैं गैर-यहूदी लोगून खिन प्रेरित छूँ, तो मैं अपूनी सेवा में घमंड करछूँ।

रोमियून 15:16

कि मैं गैर-यहूदी लोगून खिन मसीह यीशु को सेवक होभेरन एक याजक की नियाती परमेश्वरे की सुसमाचार की सेवा करूँ। इसीकैं मैं उनून एक भेंटा का रूप में परमेश्वरा का पास ल्या सकछूँ जैले उ खुश छन, किलैंकी पवित्र आत्मा ले उनून शुद्ध कर रैछ।

रोमियून 9:1

मैं मसीह में सच्ची कुछूँ, कि मैं झूठ नै बोलनू और म्योरो जमीर ले पवित्र आत्मा में गवाही दीछो।

1 कुरिन्थियून 9:1

जो कैले मैं करून चाछूँ, ऊस करून खिन मैं आजाद छूँ, मैं एक प्रेरित छूँ, मैंले प्रभु यीशु मसीह स देखछ्य, तुम प्रभु में करिना की मेरि सेवा का नतीजा छा।

2 कुरिन्थियून 11:31

प्रभु यीशु मसीह को पिता परमेश्वर हमेशा धन्‍य छै। उ जाणछो कि मैं झूठ नै बोलून मरयूँ।

गलातियों 1:20

देखा, जिन बातुन मैं तुमून लिखछूँ, परमेश्वर जाणछो कि जो मैं तुमून लिखूनमरयूँ, उ पुर तरीका ले सच्ची छै।

गलातियों 2:16

फिरले हम यहूदी विश्वासी जाणनू कि मूसा का नियम-कानून को पालन करभेरन कोई ले आदिमी परमेश्वरा का नजरून में धर्मी नै ठैहरनो, लेकिन पर केवल यीशु मसीह में विश्वास करना का द्वारा धर्मी ठैहरछो, येक कारण हमूले खुद ले यीशु मसीह में विश्वास करछ्य कि हम मूसा का नियम-कानून का पालन करना ले नै, बल्कि यीशु मसीह में विश्वास करना ले धर्मी ठैहरिया; क्याखिनकि मूसा का नियम-कानून को पालन करना ले कोई ले आदिमी धर्मी नै ठैहरोलो।

गलातियों 2:9

जो आदिमी विश्वासीन की मण्डली का खम्बा समझी जाछ्या, याकूब, कैफा और यहूना, उनूनले अनुग्रह को उ बरदान पछ्याण छै जो मैंस मिलीना को छै। उनूनले मैंस और बरनबास स अपूनो सहयोगी समझभेरन हमून अपून दगाड़ संगति करना को मौका दीछ। उन यो बात खिन सहमत भ्यान कि हम गैर-यहूदीन का पास जाँ और उन खतना करिना का यहूदीन का पास जाला।

गलातियों 3:9

परमेश्वर ले अब्राहम स उक विश्वास का कारण आशीष दीछ, उसीकैं जो कोई ले यीशु मसीह में विश्वास करछो उ पक्का अब्राहम का दगाड़ परमेश्वर भटे आशीष पालो।

2 तीमुथियुस 1:11

परमेश्वर ले मैंस यो सुसमाचार को प्रचार करून और प्रेरित बनून खिन और लोगून उपदेश दीन खिन चुन रैछ।

2 पतरस 2:5

तुम यो ले जाणछा कि जब भौत बखत पैलि रूनवाला लोगून ले परमेश्वरो को डर नै मानो त परमेश्वरे ले उन लोगून का बुरा कामून नजर अंदाज नै कर्यो जो उन करन मर्यछ्या। बल्कि उले पुरी धरती स भरून खिन पानि भेजभेरन उनून इसी सजा दीछ कि उन सब डूब ग्या और नाश हो ग्या। लेकिन उले नूह समेत उन आठ लोगून बचाछ, जिनूनले परमेश्वरो को दगाड़ सही हुना का बारिमें प्रचार करिनाको छ्यो।