1 तीमुथियुस 2:6 - सोरियाली नय्या नियम

⁶ मसीह ले पाप और मौत की शक्ति भटे सब लोगून छुड़ून खिन दाम दीभेरन अपून आपस बलिदान कर दीछ, उक बलिदानले ठीक बखत में यो बात को सबूत छ्यो कि परमेश्वर सब लोगून पाप भटे बचुन चांछ्यो।

1 तीमुथियुस 2:6 Iomraidhean Croise

मत्ती 20:28

जसीकैं मैं आदिमी को च्योलो अपूनी सेवा करून खिन यो संसार में नै आरयूँ। बल्कि मैं दुसरान की सेवा करून खिन आरयूँ। येक कारण आरयूँ कि मैं अपूनी जान की कीमत दीभेरन भौतून लोगून का पापून है बचुन खिन आरयूँ।”

मरकुस 1:15

उले लोगूनथैं क्योछ, “उ बखत आ चूकि ग्योछ, परमेश्वर हरेक लोगून में राज्य करोलो, येक कारण अपून पापून खिन पश्चताप करा और सुसमाचार में विश्वास करा।”

मरकुस 10:45

क्याखिनकि मैं आदिमी को च्योलो अपूनी सेवा करून खिन यो संसार में नै आरयू। बल्कि मैं दुसरान की सेवा करून खिन आरयू। येक कारण आरयू कि मैं अपूनी जाने की कीमत दीभेरन भौतून लोगून का पापून भटे बचुन खिन आरयू।”

यहूना 10:15

जस तरीका ले पिता परमेश्वर मैंस जाणछो और मैं पिता परमेश्वर स जाणछूँ। और मैं अपून भेड़ून खिन अपूनो प्राण दीन खिन तैंयार छूँ।

यहूना 6:51

जीवित रोटो जो स्वर्ग भटे उतर छै उ मैं छूँ। अगर कोई यो रोटा में भटे खाछो, त उ हमेशा ज्यून रोलो; और जो रोटो में संसारा का जीवन खिन दीयूलो, उ म्येरो माँसो छै।”

रोमियून 16:26

लेकिन अब परमेश्वरो को हुकुमा का अनुसार परमेश्वरा का संदेश दिन वालान की किताबाक द्वारा सब जातिन का लोगून बताछ, की विश्वास भटे हुकमो को पालन करूनवाला हो जाँ।

रोमियून 5:6

क्याखिनकि जब हम कमजोर छ्या, त मसीह उ बखत हम पापी लोगून खिन मरछै, जै बखत स परमेश्वरे ले चुनिनाको छ्यो।

1 कुरिन्थियून 1:6

यो बात स साबित करछो, जो मैंले तुमून मसीहक बारिमें बातछ उ सच्ची छै।

2 कुरिन्थियून 5:21

मसीह, जो पाप भटे अनजान छ्यो, परमेश्वरेले ऊस हमून खिन पापी ठैहराछ, ताकि हम परमेश्वरा का नजर में धर्मी बन ज्या किलैकी मसीह ले हमार पापून को दण्ड अपून मलिमें ली लीछ।

गलातियों 1:4

हमार पिता परमेश्वरा का इच्छा का अनुसार मसीह यीशु ले अपूनास हमार पापून का कारण बलिदान कर दीछ, ताकि उ हमून उन बुरी ताकतून भटे आजाद करौ जो आज संसार में काम करनान।

गलातियों 4:4

लेकिन जब सही बखत आछ जैकी योजना परमेश्वर ले बनाईना छी, त परमेश्वर ले खुद अपून च्याला का यो संसार में भेजछ्य, और उले आदिमी रूप में जन्म लीछ। उ एक यहूदी परिवार में पैद भ्योछ और मूसा का नियम-कानून का पालन करछ्यो।

इफिसियून 1:17

मैं प्रार्थना करछूँ कि परमेश्वर हमार प्रभु यीशु मसीह का जो महिमामय पिता, तुमून पवित्र आत्मा दे, जो तुमून बुद्धिमान बना द्योलो और परमेश्वरे स तुमून में प्रगट करोलो, ताकि तुम ऊस निकीकैं जाण सका।

इफिसियून 1:7

यीशु ले अपूनो खून बगा भेरन बलिदान दीछ, ताकि हम छुटकार पा सकां, जैको मतलब यो छै, की अब हमार पाप माफ हो ग्यान। परमेश्वरा का अनुग्रह भौते महान छै जो उले हमून में दिखाछ।

इफिसियून 3:5

यह गुप्त भेद पैलि पीढ़ीन का लोगून नै बताई ग्योछ, अब पवित्र आत्मा ले अपून पवित्र प्रेरितून और परमेश्वरा का संदेश दिनवाला लोगून में प्रगट करछ्य।

इफिसियून 5:2

मसीह का उदारण में हिटभेरन, तुम एक दुसरा से प्रेम करा, जसीकैं मसीह ले तुमून प्रेम करछो, और हमार पापून दूर करून खिन अपूनास बलिदान कर दीछ। और परमेश्वर येले खुश छ्यो, क्याखिनकि उ बलिदान उ खिन खुशबुदार इत्र का नियाती छ्यो।

2 थिस्सलुनीकियों 1:10

यो उ दिना होलो जब प्रभु यीशु विश्वासी लोगून का द्वारा महिमा पान खिन स्वर्ग भटे वापस आलो। त तुम ले उ झुण्ड में शामिल होला क्याखिनकि तुमूले उ संदेश में विश्वास करछ्य जो हमूले तुमून उक बारिमें बताछ।

1 तीमुथियुस 6:15

परमेश्वर जो परमधन्य छै, जो बड़ाई का योग्य छै, और अद्वैत अधिपति और उ राजान को राजा, और प्रभुन को प्रभु और सबून है महान छै उई मसीह स सही बखत में प्रगट करोलो।

2 तीमुथियुस 1:8

येक कारण तैं हमार प्रभु यीशु मसीह का बारिमें बतून में शर्मिन्दा जन हो, और नै तैंस यो बात में शर्म उनी चैछी मैं उकी सेवा करून में कैद में छूँ, बल्कि तैंस उ सामर्थ को इस्तमाल करून चैछो, जो परमेश्वर तैंस दीछो, और तैंस म्यारा दगाड़ उन दुखून में शामिल ले हुन चैछो, जो मैं सुसमाचार कारण सहन करून मरयू।

तीतुस 1:3

और अब बिल्कुल ठीक बखत में परमेश्वर ले यो सुसमाचार स हमार सामुनि प्रगट करछ्य, और हम येको प्रचार सबून का बीच करनू। हमार मुक्तिदाता परमेश्वर ले यो हुकुम दीभेरन मैंस जिमेदारी दी रैछ, कि उखिन यो काम करू।

तीतुस 2:14

यीशु मसीह ले अपून आपस हमून खिन सूली में बलिदान कर दीछ ताकि हमून हर प्रकार का बुराई भटे छुड़ा ले और हमून पापून भटे आजाद करभेरन अपून खिन एक इसी प्रजा बना ले जो भल काम करून खिन पुर जोश दगाड़ तैयार रौ।

इब्रानियों 9:12

यीशु मसीह परम पवित्र स्थान में जानवरून का खून स लीभेरन नै ग्यो, लेकिन उ खुद अपूनो खून लीभेरन ग्योछ। उले यो सिर्फ एक बार करछ्य, और फिर येस कभै करना की जरूरत नी होलि। उक द्वारा हमून उद्धार मिलग्योछ।

1 पतरस 2:24

जब मसीह मरछ्य, त उले हमार पापून अपून मलिमें लीभेरन अपूनास सूली में बलिदान कर दीछ। उले इसो येक कारण करछ्य ताकि हम पाप करून छोड़ द्या और सही तरीका ले जीवन जीनो शुरू करा, और उन घौन का कारण जो उले सहन कर्यान, हम चंगा हो ग्या।

1 पतरस 3:18

मैं यो कुछूँ कि मसीहले ले हमार पापून का कारण दुख उठाछ और मर ग्यो। उ सिर्फ एक बार मरछ्य और इसो दुबारा करना की जरूरत नाहातिन। उ एक धर्मी आदिमी छ्यो जो पापी लोगून खिन मर ग्यो ताकि उ हमून परमेश्वरा का पास ल्या सको। उनूनले उक शरीर स त मार डालछ्य लेकिन ऊस पवित्र आत्मा का सामर्थ ले फिर ज्यूनो कर दी ग्योछ।

1 यहूना 4:10

हमोरो प्रेम परमेश्वर खिन सच्चो नाहातिन, लेकिन परमेश्वरो को प्रेम हमून खिन सच्चो छै। येक कारण परमेश्वर हमार पापून की माफी खिन अपून च्याला स बलिदान हुन खिन भेजछ्य।

प्रकाशितवाक्य 1:5

और यीशु मसीह का तरफ भटे जैका बचन में भरोसा करि जा सकछो उई छै जो मरिना में भटे पैलो छै और उ यो संसाराक सबै राजान में राज करछो। तुमून अनुग्रह और शान्ति मिलनै रो। उ हमून प्रेम करछो और हमून बचाछ, उ अपून खूनाक द्वारा हमून हमार पापून भटे छुड़ूछो। उले हमून इसो बना दीछ, जिनोरो परमेश्वर राजा छै और उले हमून अपून पिता परमेश्वर खिन याजक बना दीछ। ऊस आदर और अधिकार हमेशा और हर बखत मिलनै रौ। आमीन।

प्रकाशितवाक्य 5:9

उन यो गीत मेम्ना मतलब यीशु मसीह का बारिमें गान मरेछ्या, “यो किताब की मोहर तोड़ून और यैस खोलना को अधिकार त्यारा पास छै। किलैकी तैंस मार डाली ग्योछ और तैंले अपून खून ले हर गोत्र, भाषा, लोग और राज्य है परमेश्वर खिन लोगून मोल लीछ।”