1 तीमुथियुस 2:2 - सोरियाली नय्या नियम

² राजान खिन और उन सब अधिकारी लोगून खिन प्रार्थना करा, ताकि उन हमून शान्ति और सुरक्षा ले रून में हमरि मद्दत करून, ताकि हम परमेश्वर की अराधना कर सका और दुसरा का दगाड़ बड़िया ब्यवहार राख सका।

1 तीमुथियुस 2:2 Iomraidhean Croise

लूका 1:6

जकर्याह और उकी घरवाली परमेश्वरा का नजरून में धर्मी छ्या; और प्रभु की सब आज्ञा और नियमून मानछ्या।

लूका 2:25

और उ बखत यरूशलम शैहर में शमौन नामोको एक आदिमी छ्यो, और उ धर्मी और भक्त छ्यो; और उ बेसबरी ले मसीह को उनाको इन्तजार करून मरेछ्यो जैस भेजना को वादा परमेश्वर ले करिना को छ्यो कि उ अ, और इस्राएल देशा का लोगून तसल्ली द्यो। और पवित्र आत्मा उक दगाड़ छ्यो।

प्रेरितून का काम 10:22

तब उनूनले क्योछ, “कुरनेलियुस सुबदार, जो धर्मी छै और परमेश्वर भटे डरछो, और जैकी पुर यहूदी जातिक लोग इज्जत करनान, ऊस एक पवित्र स्वर्गदूतले यो हुकुम दी रैछ कि उ तुमून अपून घर बुलाभेरन बचन सुणो।”

प्रेरितून का काम 24:16

येक कारण मैं परमेश्वर और लोगून का सामुनि हमेशा अपून मन स लगातार निर्दोष बनूनाकी कोशिश करनै रूछूँ।

रोमियून 12:18

जाँ तक हो सकों, तुम लोगूनका दगाड़ मेल-मिलाप राखिया।

फिलिप्पिन 4:8

येक कारण हे प्रिय दगड़ियो, तुम अपूनो ध्यान उन बातुन में लगा, जो-जो बात सच्ची, आदरणीय, भलि पवित्र, निकी, और मन स भान वाली, जो बड़िया और तारीफ की बात छन और तुमारा उन बातुन में लाग रून।

1 थिस्सलुनीकियों 4:11

जसीकैं हमूले तुमून हुकुम दी रैछ, उसीकैं तुमून शान्तिपूर्वक ले जीवन जीनो चैछो, और अपून-अपून काम-काज में लाग रौ, और मेहनत करभेरन कमूना की कोशिश करा।

इब्रानियों 12:14

सबून का दगाड़ मेल मिलाप राखा, और पवित्र जीवन जीन खिन हर तरीका ले कोशिश करनै रौ। जैका बिना कोई प्रभु स कभै ले नै देख सकनो।