1 तीमुथियुस 1:3 - सोरियाली नय्या नियम

³ मैंले इफिसुस शैहर है मकिदुनिया प्रदेश खिन जान है पैलि तैंस हुकुम दीछ, कि तैं याँ रैभेरन उनून जो झूठ्ठी शिक्षा दीनान उनून बतौ की उन झूठ्ठी शिक्षा दीन बन्द करून।

1 तीमुथियुस 1:3 Iomraidhean Croise

प्रेरितून का काम 18:19

जब उन इफिसुस नगर पुजनान, तब पौलुस प्रिस्किल्ला और अक्विला स वाँई छोड़ दीछ और खुद यहूदी सभाघर में जाभेरन उनार दगाड़ बात-विवाद करून लागछै।

प्रेरितून का काम 18:21

और उनूनथैं विदा लीभेरन पौलुसले क्योछ, “अगर परमेश्वर चाल, तब मैं याँ तुमार पास दुबाँरा ऊँलो।” तब उ इफिसुस नगर भटे समुन्द्री जहाज में बैठभेरन न्हैग्यो।

रोमियून 15:26

क्याखिनकि मकिदुनिया और अखया प्रदेशा का लोगून ले इसो करून निकी बात समझछ्य, कि यरूशलम शैहरा में गरीब विश्वासी लोग छन उनून के दान दी।

रोमियून 16:17

अब हे विश्वासी भाईयों, मैं तुमूनथैं बिनती करछूँ, की तुम लोगून भटे सतर्क और दूर रया, और उन उ शिक्षा का खिलाफ छन, जो तुमून मिल रैछ, और जो दुसारा लोगून का विश्वास में कमजोर हुनो और झगड़ा को कारण बनछो।

2 कुरिन्थियून 11:4

जब कोई तुमार पास ऊँछो और हमार द्वारा सुणाईना को यीशु का प्रचारा का अलावा कोई दुसारा यीशु को प्रचार करछो, या कोई और आत्मा तुमून मिलीना की छै, जो पैलि नी मिलीना की छी; या और कोई सुसमाचार सुणो जैस तुम ले पैलि नी मानिना को छ्यो, त तुम येस खुशी ले अपनूछा।

इफिसियून 4:14

अब भटे हमून बच्चान का नियाती ब्यवहार नै करून चैछो। येक कारण हमून कभै ले ध्वाकाबाज लोगून की झूठ्ठी शिक्षा में नै फसून चैछो, जो सच्ची लागनान। क्याखिनकि अब हम उन नावून की नियाती नाहातिन जिनून लहर अघिल-पछिल धक्का दीनान और हवा इथकैं-उथकैं घुमूछी।

फिलिप्पिन 2:24

और प्रभु में मैंस उमीद छै कि मैंले जल्दी तुमार पास उलो।

1 तीमुथियुस 4:11

विश्वासीन इन बातुन की शिक्षा दे, और उनून इन बातुन मानून सिखौ।

1 तीमुथियुस 4:6

अगर तैं विश्वासी भाई-बैनिन लगातार याद दिलूनै रौ, कि जेको मैंले तैंस अल्ले-अल्ले हुकुम दी रैछ, और तैं विश्वास और सही शिक्षा का द्वारा मजबूत करि गैछै, जेको तैं पालन ले करछै, त तैं यीशु मसीह को निको सेवक बनले।

1 तीमुथियुस 5:7

विश्वासीन यो चेतावनी दे, ताकि उनोरो चाल-चलन निर्दोष बनिना को रौ।

1 तीमुथियुस 6:10

क्याखिनकि धन को लोभ सब प्रकार कि बुराईन को जड़ छै, जैस हासिल करून खिन कुछ लोग विश्वास भटे भटक भेरन अपून आपस कई प्रकारा का दुखून में डाल दीनान।

1 तीमुथियुस 6:17

यो संसारा का धनवानून हुकुम दे कि उन घमंडी नै बनून और अपून धन में भरोसा नै राखून, जो हमार सुख खिन सब कुछ ईमानदारी ले हमून दीछो।

1 तीमुथियुस 6:3

अगर कोई झूठ्ठी शिक्षा दीछो, और उ सच्ची शिक्षा ले सहमत नै हुनो जो हमार प्रभु यीशु मसीह ले दी रैछ और उ हुकमून का दगाड़ जो परमेश्वर स आदर दीछो।

2 तीमुथियुस 1:18

मैं बिनती करछूँ, कि न्याय का दिन प्रभु उनेसिफुरूस में अपूनी महान दया करौ और तैं खुद निकीकैं जाण छै कि इफिसुस शैहर में मेरि कतुक मद्दत करछ्य।

2 यहूना 1:7

मैं यो येक कारण कुनमर्यू क्याखिनकि भौत सारा झूठ्ठी शिक्षा दिनवाला लोग यो संसार में आ ग्यान, और उन कुंनान यीशु मसीह यो संसार में आदिमी शरीर में नै आयो। हो भेरन आछ, अगर कोई आदिमी इसो कुंछो, उ मसीह विरोधी छै जो लोगून हमेशा ध्वाका दीछो।

प्रकाशितवाक्य 2:14

लेकिन मैंस त्यारा बारिमें थ्वाड़ा शिकायत छन। किलैकी तैं उन लोगून का विरोध नै करनै जो झूठ्ठी शिक्षा दीनान, जसकैं परमेश्वरो को संदेश दिनवाला बिलाम ले अतीत काल में दीईना की छी। बिलाम ले राजा बालाक स सिखाछ कि इस्राएल का लोगून पाप करून खिन उकसून खिन कि करून चैंछो। उले उनून मूर्तिन चढ़ाईनाको खानो खूँन और व्यभिचार करून।

प्रकाशितवाक्य 2:20

लेकिन मैंस त्यारा बारिमें थ्वाड़ा शिकायत छन। तुम उ स्यैनि इजेबेल स झूठ्ठी शिक्षा फैलून दीछा। उ कुछी कि उ एक भविष्यद्वक्तिन छै, लेकिन अपूनी शिक्षान ले उ म्यारा लोगून व्यभिचार का पापून में शामिल हुन खिन और मूर्तिन चढ़ाई जानवालो खानो खानखिन भरमूनान।