1 तीमुथियुस 1:20 - सोरियाली नय्या नियम

²⁰ उनूनमें भटे हुमिनयुस और सिकन्दर स मैंले विश्वासीन की मण्डली भटे भ्यार कर दीछ, और उनून शैतान का हवाला कर दीछ ताकि उन सिखून की परमेश्वर की निन्दा नै करून चैनी।

1 तीमुथियुस 1:20 Iomraidhean Croise

मत्ती 18:17

अगर उ उनेरि ले नै सुणो तो विश्वासीन की मण्डली थैं कै दे, अगर उ मण्डली कि ले नै सुणो, तो उक दगाड़ ऊसोई ब्यवहार कर जसो तुम गैर-यहूदी या चुंगी लीनवालान का दगाड़ करछा।

प्रेरितून का काम 13:45

लेकिन यहूदी अगुवा भीड़ देखभेरन जलन ले भरग्या, और पौलुसै कि बातुन को बिरोध और निन्दा करून लाग्यान।

प्रेरितून का काम 19:33

तब थ्वाड़ा यहूदी लोगून ले सिकन्दर समझा भेरन भीड़ में अघिल कर दीछ। सिकंदरले अपून हात ले ईशार करभेरन लोगून का सामुनि बात करून चाछ।

1 कुरिन्थियून 11:32

अगर हमून इसीकैं सजा दीछो, त उ हमून सुधारून मर्योछ, ताकि न्याय का दिन हमून दुसारा लोगून का दगाड़ सजा का भागी नै हो।

2 कुरिन्थियून 10:6

और तैयार रूनू कि जब तुम पुर तरीका ले मसीह का हुकमून मान्या वाला हो जा, त हर तरीका ले हुकुम नै मान्या वाला उ आदिमीस सजा दे।

2 कुरिन्थियून 13:10

येक कारण मैं तुमार सामुनि ऊँन है पैलि तुमून यो बात लिखूनमरयूँ, ताकि मैंस अपूनो अधिकार का इस्तमाल करना की जरूरत नै हो जो कि प्रभु ले मैं तुमून दंड दीन खिन दीईना को छै। किलैकी मैं अपूनो अधिकार को इस्तमाल तुमार विश्वास स मजबूत करून खिन करून चाछूँ नै कि ऊस नष्ट करून चाछूँ।

2 थिस्सलुनीकियों 3:15

तब ले उक दगाड़ इसो ब्यवहार जन कर्या कि उ तुमोरो दुशमन छै, पर ऊस अपूनो विश्वासी भाई समझभेरन ऊस समझूना की कोशिश करा।

1 तीमुथियुस 5:15

क्याखिनकि कुछ जवान विध्वान पैलि भटे परमेश्वर है दूर हो ग्यान, और उक बजाय शैतान का पछिल चलून शुरू कर हालछ्य।

2 तीमुथियुस 2:14

जो बात मैंले तैंस बाता राख्यान इन उनून विश्वासी लोगून बार-बार बतूनै रौ, और परमेश्वर स एक गवाह का रूप में राखभेरन, तैंस उनून चेतावनी दीनी चैछी कि उन शब्दून का मतलब स लीभेरन बाद-बिबाद जन करून, इसा तरीका को बिबाद करना ले कोई ले फैदा नै हुनो, लेकिन सुणन वाला लोगून को भौत नुकशान हुछो।

2 तीमुथियुस 2:17

और इसा बात सड़ीना का घौ का नियाती फैल जाछी, और आखरी में उन लोगून का विश्वास स नाश कर द्याला जो उनेरि सुणनान। उनूनमें भटे हुमिनयुस और फिलेतुस छन।

2 तीमुथियुस 3:2

क्याखिनकि लोग अपून बारिमें सोचाला, और धना क लोभी, डीगमार, घमंडी, और दुसरान को बुराई करूनवाला और ईजा-बाबको हुकुम नै मानून वाला, एसान नै मानूनवाला और अपवित्र,

इब्रानियों 12:5

लेकिन तुम उ हिम्मत वाला उपदेश स भूल चुक गैछा, जैस परमेश्वरेले तुमून अपूनो च्योलो समझभेरन दीईना को छ्यो, “हे म्यारा च्याला, जब प्रभु तुमून यो एहसास करूँछो कि तुमूले गलत करिना को छै। और जब उ तुमून डाँटछो त तुम हार जन माना।”

प्रकाशितवाक्य 13:1

तब मैंले एक जानवर स समुद्र में भटे निकलून देखछय, जैका दस सींग और सात ख्वारा छ्या। उक सींगून में दस राजमुकुट और उक हरेक ख्वारान में परमेश्वरे की बुराई का नाम लिखीना को छ्यो।

प्रकाशितवाक्य 3:19

मैं जैस ले प्रेम करछूँ, ऊस मैं सिखूछूँ और सजा ले दीछूँ ताकि उन निका बन जून। येक कारण भलाई करून में लाग रौ, पापक काम करून बंद कर दे।