1 तीमुथियुस 1:2 - सोरियाली नय्या नियम

² तीमुथियुस मैं यो चिठ्ठी तैंस लिखूनमरयूँ। तैं म्यारा अपून च्याला नियाती छै क्याखिनकि तैले मसीह में विश्वास करछै जसीकैं मैं करछूँ। मैं प्रार्थना करछूँ कि पिता परमेश्वर और हमोरो प्रभु यीशु मसीह तैंस अनुग्रह और दया, और शान्ति दीनै रून।

1 तीमुथियुस 1:2 Iomraidhean Croise

रोमियून 1:7

मैं यो चिठ्ठी रोम शैहर में रून वाला उन सब लोगून खिन लिखूनमर्यू, जो परमेश्वरा का प्रिय छन, और जिनून परमेश्वरे ले अपून लोग हुनखिन चुनिनाक छन, हमार पिता परमेश्वर और प्रभु यीशु मसीह में तुमून अनुग्रह और शान्ति मिलनै रौ।

गलातियों 1:3

मैं प्रार्थना करछूँ कि हमार पिता परमेश्वर और प्रभु यीशु मसीह का तरफ भटे तुमून अनुग्रह और शान्ति मिलनै रौ।

1 थिस्सलुनीकियों 3:2

और हमूले तीमुथियुस तुमार पास भेजछ्य, जो मसीह को सुसमाचार में हमोरो भाई और परमेश्वरो को सेवक छै, कि उ तुमार विश्वास स मजबूत करौ, ताकि तुमोरो विश्वास यीशु मसीह में लगातार बनिना को रौ।

1 तीमुथियुस 1:12

मैं अपून प्रभु यीशु मसीह स धन्यवाद दीछूँ, जिनुले मैंस सामर्थ दीछ, क्याखिनकि उले मैंस विश्वासयोग्य समझभेरन अपूनी सेवा खिन ठैहरा रैछ।

1 तीमुथियुस 1:18

हे म्यारा च्याला तीमुथियुस, मैं तैंस जो यो हुकुम दीन मरयू, मैं तैंस उन बातुन याद दिलून खिन कुछूँ, जो पैलि दिनून में त्यारा बारिमें जो भविष्यवाणी करिना की छी। तैंस उन झूठ्ठा शिक्षकून का खिलाफ सुसमाचार की सच्चाई खिन बड़िया तरीका ले लड़ून खिन बचन को प्रयोग एक हथियार का नियाती करून चैछो।

1 तीमुथियुस 6:20

हे तीमुथियुस, तैं पक्को कर जो परमेश्वर ले तैंस दी रैछ तैं उई करनै रौ। और उन लोगून की जन सुण जो हमेशा बेकार की बात करनै रूनान, जेले परमेश्वर स आदर नै मिलनो, और बेकार में बिरोध करनान और कुंनान, कि यो ज्ञान छै, लेकिन सच्ची में यो नाहातिनी।

2 तीमुथियुस 1:2

मैं यो चिठ्ठी तीमुथियुस स लिखूनमरयूँ, तैं म्यारा च्याला नियाती छै। मैं प्रार्थना करछूँ कि पिता परमेश्वर और हमोरो प्रभु यीशु मसीह तैंस अनुग्रह और दया, और शान्ति दीनै रून।

2 तीमुथियुस 2:1

येक कारण, हे म्यारा च्याला तीमुथियुस, तैं अपून आपस मजबूत कर यो जाणभेरन कि परमेश्वर ले तैंस उ अनुग्रह दी रैछ, जो सिर्फ यीशु मसीह का तरफ भटे मिलछो।

तीतुस 1:4

मैं यो चिठ्ठी तीतुस खिन लिखूनमरयूँ। तैं म्यारा च्याला नियाती छै क्याखिनकि तैले मसीह में विश्वास करछै जसीकैं मैं करछूँ। मैं प्रार्थना करछूँ कि पिता परमेश्वर और हमोरो मुक्तिदाता यीशु मसीह तैंस अनुग्रह और दया, और शान्ति दीनै रून।

तीतुस 2:2

बुढ़ा लोगून अपून आप में काबू राखून, और इसो तरीका को ब्यवहार करून ताकि लोग उनोरो आदर करून, और समझदारी ले जीन सिखौ। और उनून विश्वास में मजबूत हुन चैछो और दुसरान का दगाड़ प्रेम करून चैछो और सहन करूना की शक्ति हुन चैछी।

तीतुस 3:15

म्यारा दगाड़ याँ का सब विश्वासी तैंस नमस्कार करनान। वाँ क्रेते में हमार दगाड़ विश्वासीन जो हमून प्रेम करनान, उनूनले म्यारा तरफ भटे नमस्कार कये। मैं प्रार्थना करछूँ कि तुम सबून में प्रभु अनुग्रह करो।

1 पतरस 1:2

पिता परमेश्वरेले भौत पैलि तुमून अपून लोग हुन खिन और पवित्र आत्मा का द्वारा तुमून पवित्र करून खिन चुन लीछ। उले इसो येक कारण करछ्य ताकि तुम यीशु मसीह का हुकुमून माना और उक खून का द्वारा शुद्ध हो। मैं प्रार्थना करछूँ कि परमेश्वर तुमून अनुग्रह और शान्ति दीनै रौ।

2 यहूना 1:3

मैं प्रार्थना करछूँ, पिता परमेश्वर, और उनोरो च्योलो यीशु मसीह का अनुग्रह, दया और शान्ति हमार दगाड़ बनिनाकी रौ, जो सच्चाई स मान्नान और एक दुसराथैं प्रेम करनान।

3 यहूना 1:4

जब ले मैं यो सुण छूँ कि उन लोग जो म्यारा नान्तिनान की नियाती छन, उन उसीकैं जीन मर्यान, जो सच्ची में परमेश्वरे ले हमून दिखाछ कि उन सच्चाईक अनुसार जीन मर्यान, त यो मैंस और ले खुश कर दीछो।

यहूदा 1:2

मैं प्रार्थना करछूँ कि परमेश्वर में तुमून दया, शान्ति और प्रेम मिलनै रौ।