1 तीमुथियुस 1:17 - सोरियाली नय्या नियम

¹⁷ उ राजा जो हमेशा राज्य करछो, जो हमेशा खिन ज्यूनो रूछो, और जैस कोई नै देख सकूनो, और उई एकमात्र सच्चो परमेश्वर छै, उको आदर और महिमा हमेशा-हमेशा हुनै रौ। आमीन।

1 तीमुथियुस 1:17 Iomraidhean Croise

मत्ती 25:34

तब प्रभु अपून दैन तरफ वालान थैं कलौ, ‘हे म्यारा स्वर्गीय पिता धन्य लोगो, आ, उ राज्य का अधिकारी होज्या, जो संसारा का पैलि भटे तुमून खिन तैय्यार करिना को छै।

मत्ती 28:20

और उनून सब बात जो मैंल तुमून सिखा राख्यान उनूनले मानून सिखा, और देखा मैं संसार का अन्त तक हमेशा तुमार दगाड़ छूँ।”

मत्ती 6:13

और हमून परीक्षा में जन पड़ून दे, और हमून बुराई भटे बचौ; (क्याखिनकि राज्य पराक्रम और महिमा सदा की तेरि छै। आमीन)।

यहूना 1:18

परमेश्वर स कभै कैले नै देख्यो, केवल उक एकलौता च्याला ले जो वास्तव में परमेश्वर में छै, और पिता का सबून है नजिक छै, उले परमेश्वर स हमून देखाछ।

यहूना 5:44

तुम मैंमें विश्वास नै कर सकना, क्याखिनकि तुम एक दुसरा स खुश करून चाछा, और तुम सच्चा परमेश्वर भटे तारीफ पाना की कोशिश नै करना।

रोमियून 1:20

परमेश्वर की अनन्त सामर्थ और उनार गुणून नै देखी जा सकना, लेकिन इन बातुन परमेश्वरले संसाराक शुरू भटे, अपूनी बनाईनाक सब चीजून का द्वारा बताईना को छै। येक कारण उन लोगून का पास कोई बाहाना नाहातिन की उन परमेश्वर स नै जाणना।

रोमियून 1:23

उनूनले हमेशा ज्यून रूनवाला परमेश्वरे की महिमा छोड़भेरन, नाशवान लोगून, और चिड़ियान, चौपायों और रेगुन वाला जन्तुन कि मूर्तिन की अराधना करछ्य।

रोमियून 11:36

किलैंकी सब कुछ परमेश्वर भटे उछो। उले सब कुछ बनाछ, और सब कुछ उकोई छै। उकी महिमा हमेशा हुनै रौ। आमीन

रोमियून 16:27

यीशु मसीह का द्वारा, उ एकमात्र प्रजापति बुद्धिमान परमेश्वर की महिमा हमेशा-हमेशा हुनी रौ। आमीन।

रोमियून 2:10

लेकिन हरेक निका काम करून वालान स महिमा, सम्मान और शान्ति मिलेली। परमेश्वर सबून है पैलि यहूदी लोगून द्योलो और फिर उनून जो यहूदी नाहातिन।

रोमियून 2:7

और जो लोग निका कामून करभेरन महिमा, सम्मान और अनन्त जीवनै की खोज में छन, उनून परमेश्वर अनन्त जीवन द्योलो।

कुलुस्सियून 1:15

कोई ले परमेश्वर स नै देख सकूनो, लेकिन जब उको च्योलो एक मनुष्य शरीर में आछ, त उले परमेश्वर स लोगून का सामुनि प्रगट कर दीछ, यो दुनिया का बनून है पैलि उ छ्यो और परमेश्वरे ले जो कुछ ले बनाछ, उमें उको सर्वोच्च छै।

इब्रानियों 11:27

विश्वास का कारण राजा का क्रोध ले नै डरभेरन मूसा ले मिस्र देश स छोड़ दीछ, किलैकी उ समझ ग्यो छ्यो कि यो माना इसो छ्यो जसो उले परमेश्वरेस देखछ्य, जो अदृश्य छै।

इब्रानियों 2:7

पिता परमेश्वर तैले आदिमी स सिर्फ थ्वाड़ा बखत खिन स्वर्गदूतून है थ्वाड़ा कम शक्ति का दगाड़ बनाछ, तैले ऊस एक राजा नियाती महिमा और सम्मान दीछ, और ऊस अपून हातुन का कामून में अधिकार दीछ।

1 पतरस 5:11

उ सम्मान पानो को लायक छै किलैकी उकी सामर्थ को कोई अंत नाहातिन। आमीन।

2 पतरस 3:18

बल्कि तुम इसीकैं जीवन बिता कि तुम हमार मुक्तिदाता यीशु मसीह का अनुग्रह और ज्ञान में बढ़नै जा और ऊस बड़िया तरीका ले जाण सका। उकी महिमा अब ले और हमेशा हुनै रौ। आमीन।

1 यहूना 4:12

परमेश्वर स कभै केले नै देखियो; अगर हम आपस में प्रेम राँखा, त परमेश्वर हमून में बनिना का रूछो; और उको प्रेम हमून में सिद्ध हो ग्योछ।

प्रकाशितवाक्य 15:3

उन एक इसो गीत गान मरैछ्या जसो परमेश्वरा का दास मूसा भौत पैलि गाईना को छ्यो। उनूनले यीशु की महिमा करून खिन, जो कि एक मेम्ना को जसो छै, इसा तरीका ले गाछ, “हे सर्वशक्तिमान प्रभु परमेश्वर, जो तैले करिना को छै उ महान और अद्धभुत छन। तै सब देशून को राजा छै, तै जो ले करछै उ सच्चो और धर्मी छै।”

प्रकाशितवाक्य 17:14

जानवर और दस राजान ले मेम्ना का बिरोध में लड़ाई लड़ाला, लेकिन मेम्ना उनून हरा द्योलो, किलैकी उ प्रभुन को प्रभु और राजान को राजा छै, उक लोग उन छन जिनून परमेश्वर ले बुला रैछ और चुन रैछ, और जो उक प्रति वफादार छन।

प्रकाशितवाक्य 19:1

जब उ शक्तिशाली स्वर्गदूत ले बोलून बन्द करछ्य, तब मैंले सुणछ्य, उ इसो जसो छ्यो जसकैं स्वर्ग में भौत लोग गीत गान मर्यान हुन! हालेलूय्याह “अब हमोरो परमेश्वर अपूनी महिमा और सामर्थ को इस्तमाल करभेरन अपून लोगून बचालो।”

प्रकाशितवाक्य 19:16

और उक कपाड़ा और दैंन जंगाड़ में यो नाम लिखीना को छै, “उ प्रभुन को प्रभु और राजान को राजा छै।”

प्रकाशितवाक्य 19:6

येक बाद, मैंले यो ले सुणछय जो भौत ज्यादा लोगून को चिल्लान जसो छ्यो। उनोरो चिल्लानो ठूलो झरना का पानि का गर्जन की नियाती छ्यो, और बादल की ठूली गड़गड़ाट की आवाजे की नियाती छी। मैंले उनून यो कुनै सुणछ्य; “हालेलूय्याह! आ हम हमार प्रभु परमेश्वरे की स्तुति करा। क्याखिनकि उक पास हरेक जाग राज्य करना की सामर्थ छै।

प्रकाशितवाक्य 7:12

“आमीन। हमार परमेश्वर, हम हमेशा तेरि महिमा करनू, तैंस धन्यबाद और आदर दीनू! हम माननू कि तै पुरी रीति ले ज्ञानवान छै, और शक्तिशाली छै, जो हमेशा खिन सब कामून करून में योग्य छै। आमीन।”