1 तीमुथियुस 1:16 - सोरियाली नय्या नियम

¹⁶ फिरले मैंमें यो कारण दया भैछ, कि मैं सबून है ठुल पापी में यीशु मसीह ले अपूनी पुरी शहनशीलता दिखाछ, कि जो लोग उमें अनन्त जीवन खिन विश्वास कराला, उनून खिन मैं एक आदर्श बनू।

1 तीमुथियुस 1:16 Iomraidhean Croise

लूका 15:10

यीशु ले फिर क्योछ, “मैं तुमूनथैं सच्ची कुछूँ, इसीकैं एक पश्चताप करूनवाला पापी का बारिमें परमेश्वरा का स्वर्गदूतून का सामुनि भौत खुशी मनाई जाछी।”

लूका 23:43

तब यीशु ले उथैं क्योछ, “मैं तुमूनथैं सच्ची कुछूँ, तैं आजै म्यार दगाड़ स्वर्गलोक में होलै।”

लूका 7:47

येक कारण मैं तैंथैं कुछूँ, भौत ज्यादा पाप जो येले कर राखछ्या, उ सब माफ करि ग्यान, क्याखिनकि येले भौत प्रेम करछ्य, लेकिन जैको थ्वाड़ा पाप माफ भ्योछ, उ कम प्रेम करछो।

यहूना 20:31

लेकिन यो येक कारण लिखी ग्यान, कि तुम विश्वास करा, कि यीशु ही परमेश्वरो को च्योलो मसीह छै, और विश्वास करभेरन उक नाम ले अनन्त जीवन पा।

यहूना 3:36

जो परमेश्वर में विश्वास करछो, अनन्त जीवन उको छै, लेकिन जो च्याला स नै माननो, उ अनन्त जीवन स नै देख सकूनो, लेकिन परमेश्वरो को दण्ड उमें रूछो।”

यहूना 5:24

मैं तुमूनथैं सच्ची-सच्ची कुछूँ, जो म्येरो बचन सुणिभेरन म्यारा भेजून वाला में विश्वास करछो, अनन्त जीवन उको छै, और ऊस दंड नी दी जालो, लेकिन उन हमेशा की मौत भटे बच ग्यान और पैलि भटे नय्या जीवन में प्रवेश कर चुक ग्यान।

यहूना 6:37

जो कुछ पिता परमेश्वर मैंस दीछो, उ सब म्यारा पास आलो, और जो कोई म्यारा पास आलो ऊस मैं अपून दगाड़ राखलो।

यहूना 6:40

क्याखिनकि म्यारा पिता परमेश्वर की यो मरजी छै, कि जो कोई च्याला स देखिभेरन उमें विश्वास करोलो, उ अनन्त जीवन पालो, और मैं ऊस आखिरी दिन ज्यून करोलो।”

यहूना 6:54

जो म्येरो माँसो खाछो, और म्येरो खून पीछो, अनन्त जीवन उको छै, और मैं न्याय का दिन ऊस फिर ज्यून करोलो।

प्रेरितून का काम 13:39

और जिन बातुन ले तुम मूसा का नियम-कानून मानना का द्वारा निर्दोष नै ठैर सकना, उनूनमें सब में हरेक विश्वास करनवाला यीशुक द्वारा निर्दोष ठैरछो।

रोमियून 15:4

जतुक बात पैलिक पवित्रशास्त्र में लिखी ग्यान, उन हमरि शिक्षा खिन लिखीनाका छन, ताकि हम उ शिक्षा ले धीरज और हिम्मत मिलनै रौ, यो तरीका ले हम अपूनी आश बनाईना की राखा, कि परमेश्वरे ले जो वादा करिनाको छ्यो, उ करोलो।

रोमियून 6:23

पाप को फल त मौत छै, लेकिन परमेश्वरो को बरदान अनन्त जीन्दगी छै जो हमार प्रभु यीशु मसीहक द्वारा हमून मिलछो।

1 कुरिन्थियून 7:25

कुँवारीन का बारिमें प्रभु की कोई आज्ञा मैंस नै मिली, लेकिन परमेश्वरे ले अपून दयाक अनुसार मैंस ज्ञान दीछ जैमें भरोसा करि जा सकछो और मैं उक अनुसारै अपूनी सला दीछूँ।

2 कुरिन्थियून 4:1

परमेश्वरै की दया ले हमून सुसमाचार सुणूना की सेवा मिलछ्य, येक कारण हम कभै हार नै मानना।

इफिसियून 1:12

हम, यहूदी पैलि का लोग छा जिनूनले मसीहा में आश राखछै, और हमून येक कारण चुनी ग्योछ ताकि हम परमेश्वरे की महिमा और तारीफ करा।

इफिसियून 1:6

येक कारण हम उक अद्धभुत अनुग्रह खिन उकी महिमा करा, जो उले हमून मुफ्त में दी दीछ। किलैंकी हम उक प्रिय च्यालाका दगाड़ जुड़िनाका छै।

इफिसियून 2:7

परमेश्वर ले इसो येक कारण करछ्य ताकि उनवाला दिनून में उ संसारा का लोगून दिखा सको कि उको अनुग्रह कतुक महान छै। जो कुछ ले उले हमून खिन करछ्य हमून यो अनुग्रह दिखाई ग्योछ जो मसीह यीशु का दगाड़ एक छै।

2 थिस्सलुनीकियों 1:10

यो उ दिना होलो जब प्रभु यीशु विश्वासी लोगून का द्वारा महिमा पान खिन स्वर्ग भटे वापस आलो। त तुम ले उ झुण्ड में शामिल होला क्याखिनकि तुमूले उ संदेश में विश्वास करछ्य जो हमूले तुमून उक बारिमें बताछ।

1 तीमुथियुस 1:13

मैं त पैलि मसीह की निन्दा करून वालो, और विश्वासीन सतून वालो और नुकशान करून वालो छ्यूँ; क्याखिनकि मैं उ बखत तक मसीह में विश्वास नी करछ्यू, येक कारण मैं नै समझ सकयूँ कि जो मैं करून मरयू उ गलत छ्यो। योई कारण ले मसीह ले मैंमें दया करछै।

इब्रानियों 7:25

येक कारण जो यीशु मसीह का द्वारा परमेश्वरा का पास उनान, उ उनोरो पुरो-पुरो उद्धार कर सकछो, किलैकी उ उनून खिन बिनती करून खिन हमेशा ज्यूनो छै।

1 पतरस 3:20

यो उन लोगून की आत्मा छ्या जिनून भौत बखत पैलि परमेश्वरा का हुकुमून नि मानिना को छ्यो। जब नूह जहाज स बनून मरैछ्यो, त परमेश्वर भौत धैर्य ले इन्तजार करूनमर्योछ कि देखा क्या उन लोग अपून पापून है पश्चाताप करला। लेकिन जब पानि ले संसारो को विनाश कर दीछ, त जहाज में जानवाला सिर्फ आठ लोग बच गैछ्या।

2 पतरस 3:15

हमार प्रभु का धैर्य स एक मौका का रूप में देखा जो उ तुमून ऊँन वाला न्याय है बचुन खिन दीन मर्योछ। जब हमार प्रेमो दगड़िया पौलुसले, जैस हम प्रेम करनू, तुमून उ ज्ञान को इस्तमाल करभेरन लिखछ्य जो परमेश्वरेले ऊस दीईना को छै, त उले ले तुमून यो बात बतायान, जो मैंले तुमून अपूनी चिठ्ठी में बताईना का छन।

2 पतरस 3:9

कुछ लोग सोचनान कि प्रभु अपून वापस उनाको वादा स पुरो करून में देरी करूनमर्योछ। लेकिन प्रभु ऊस तरीका ले देरी नै करूनमर्योछ। बल्कि, वह तुमार दगाड़ धैर्य धरून मर्योछ। किलैकी उ कैसे ले नाश नै करूनो चानो। लेकिन उ चाछो कि हरेक अपून पापून खिन पश्चाताप करो और गलत काम करून छोड़ द्यो, और उक पास आज्यो।