1 तीमुथियुस 1:10 - सोरियाली नय्या नियम

¹⁰ व्यभिचारी, पुरुषगामीयो, लोगून बेचून वाला, झूठ्ठा, और झूठ्ठी कसम खान वाला और इनून छोड़ सच्चा उपदेशा का सब बिरोधीन खिन ठैहराई गैछ।

1 तीमुथियुस 1:10 Iomraidhean Croise

यहूना 8:44

तुम अपून बबा शैतान भटे छा, और अपून बबा मरजी स पुरो करून चाछा। उ त शुरू भटे हत्यारो छै, और उको सच्चाई भटे केले लीन-दिन नाहातिन; जब उ झूठ बोलछो, अपून स्वभाव कारण बोलछो, क्याखिनकि उ झूठ्ठो छै, बल्कि झूठ्ठो को बबा छै।

रोमियून 1:26

येक कारण परमेश्वरले उनून उनार बुर बिचारून का बश में छोड़ दीछ; और याँ तक कि उनार स्यैनिन ले जायज रिश्तान दुसारा स्यैनिन का दगाड़ नाजायज रिश्तान में बदल डालछय।

1 तीमुथियुस 4:6

अगर तैं विश्वासी भाई-बैनिन लगातार याद दिलूनै रौ, कि जेको मैंले तैंस अल्ले-अल्ले हुकुम दी रैछ, और तैं विश्वास और सही शिक्षा का द्वारा मजबूत करि गैछै, जेको तैं पालन ले करछै, त तैं यीशु मसीह को निको सेवक बनले।

1 तीमुथियुस 6:3

अगर कोई झूठ्ठी शिक्षा दीछो, और उ सच्ची शिक्षा ले सहमत नै हुनो जो हमार प्रभु यीशु मसीह ले दी रैछ और उ हुकमून का दगाड़ जो परमेश्वर स आदर दीछो।

2 तीमुथियुस 1:13

विश्वास राख कि जो सच्ची शिक्षा तैले मैंथैं भटे सुणछै, उ तैखिन उदारण नियाती छै। और उनून उ विश्वास और प्रेम का दगाड़ जो यीशु मसीह में छै।

2 तीमुथियुस 4:3

क्याखिनकि इसो बखत आलो जब लोग सच्चो वचन स सुणून नी चाला, मगर अपूनी इच्छाक अनुसार उन इसा उपदेश दीन वालान खोजाला जो उन बातुन सिखाला जो उन सुणून चानान।

तीतुस 1:13

और क्रेते का लोगून का बारिमें यो बात अब ले सच्ची छै। येक कारण उनून कड़ी चेतावनी दीनै रौ, ताकि उ यीशु मसीह की सच्ची शिक्षा में विश्वास करून।

तीतुस 1:9

ऊस यीशु मसीह का बचनून में मजबूती ले विश्वास करून चैछो जो हमूले ऊस सिखाईना को छ्यो। ताकि उ दुसरान सही शिक्षा मानून खिन हिम्मत दी सकून, और दुसरान का गलतिन ठीक कर सकून।

इब्रानियों 13:4

ब्या सब लोगून में सम्मान की बात समझी जौ, और यो रिश्ता में घरवाली और घरवालो एक-दुसरा का प्रति वफादार रून। किलैकी परमेश्वर ब्यभिचारीन, और दुसरा स्यैनिन का दगाड़ नाजायज रिश्ता राखूनवालान को का न्याय करोलो।

यहूदा 1:7

येक कारण इन इस्राएली लोगून और उन स्वर्गदूतून, उन लोगून ले याद राखा जो सदोम और अमोरा शैहरून और उक आश-पासा का शैहरून में रूछ्या कि उनार दगाड़ कि भ्योछ। उन लोग ब्यभिचारी हो गैछ्या और हर प्रकार का कुकर्म में भ्रष्ट हो गैछ्या। येक कारण परमेश्वरेले उनून आग ले नाश कर दीछ। उनार दगाड़ जो भ्योछ उ झूठ्ठा शिक्षकून खिन एक चेतावनी बन गैछ कि उनूनले हमेशा का आग ले दण्ड दीई जालो।

प्रकाशितवाक्य 18:13

और दालचीनी, मसाला, धूप, इत्र, लोबान, मदिरा, तेल, मैदा, ग्यूँ, गोरू-बल्द, भेड़-बाकारा, घोड़ा, रथ, और जो समान मोल लीछ्या और बेचनान, उन अब लोगून दास रूप में नै बेच सकना।

प्रकाशितवाक्य 21:27

और कोई ले अशुद्ध चीज उ शैहर में प्रवेश नी करली। कोई ले जो गन्दा काम करनान या झूठ बोलनान वाँ प्रवेश नी कराला। वाँ केवल उनी लोग प्रवेश कर सकनान जिनारा नाम जीवनै की किताब में लिखी ग्यान, यो उ किताब छै जैमें उन लोगून का नाम लिखीनाका छन जिनारा पास अनन्त जीवन छै।

प्रकाशितवाक्य 21:8

लेकिन उन जो सताव का डरले मैंस त्याग कर दीनान और जो मैंमें भरोस करून छोड़ दीनान, उनून गन्धक का आग में खित दी जाला। इसीकैं उनूनले जो बुरो करनान, और खून करनान, और ब्यभिचार करनान, और अपून दगड़ियान का प्रति जादू-टोना करनान, और मूर्तिन की पुज करनान, और सब झूठ बोलूनवालान, उनूनले गन्धक का आग में डाल दी जाला। यो दुसरी मौत छै।

प्रकाशितवाक्य 22:15

लेकिन उन जो बुरा काम करनान, जसकैं जादू-टोना करूनवाला, ब्यभिचार करूनवाला, मूर्ति की पूजा करूनवाला, हरेक झूठ्ठो को दगोड़ो दीन वाला, और उन जो झूठ बोलनान उन कभै ले उ शैहर में नी पुज पाला।