1 थिस्सलुनीकियों 5:8 - सोरियाली नय्या नियम

⁸ पर हम जो दिना सन्तान छा, येक कारण हमून अपूना में काबू राँखून चैछो। विश्वास और प्रेम हमरि रक्षा करनान, जसीकैं कवच एक सिपाई रक्षा करछो। और मुक्ति एक इसी आश की उ टोप छै जो उनवाला अनन्त दण्ड भटे बचूछो।

1 थिस्सलुनीकियों 5:8 Iomraidhean Croise

1 कुरिन्थियून 13:13

येक कारण, अब, इन तीन प्रकार का कामून हमून करूनो चैछो: परमेश्वर में विश्वास करा, परमेश्वरा का वादान में आश राखा, और दुसरा थैं प्रेम करूनो। लेकिन इन तीन में भटे, एक्कै सबून ठूलो छै कि दुसरान थैं परमेश्वर स प्रेम करूनो।

2 कुरिन्थियून 6:7

सच्चा प्रेम ले, सच्चाई का बचन ले, परमेश्वरै की सामर्थ ले; हम दैना हात में धार्मिकता का हथियार स हमला खिन और बौं हात में रक्षा खिन इस्तमाल करनू।

गलातियों 5:5

मैं इसो कै सकछूँ क्याखिनकि हमून पवित्र आत्मा का तरफ भटे पुरो भरोसा छै कि परमेश्वरे ले हमून धर्मीका रूप में स्वीकार करोलो क्याखिनकि हम यीशु मसीह में विश्वास करनू।

इफिसियून 6:11

हम आदमीन का खिलाफ लड़ाई नै लड़ून मरिया। लेकिन हम प्रधानून और अधिकारीन का खिलाफ और अन्धकार की ताकतून और आत्मिक संसारे की सामर्थ का खिलाफ लड़ून मरिया। येक कारण सबै हथियार पैन ली जो परमेश्वर दीछो। ताकि जब फिर उ बुरा दिन आला, त तुम शैतान का चालून भटे बच सका। और जब यो लड़ाई खतम हो जालि, तब तुम मजबूती ले ठाड़ रै सकला।

इफिसियून 6:23

मैं प्रार्थना करछूँ, कि परमेश्वर पिता और प्रभु यीशु मसीह का तरफ भटे विश्वासी भाईन शान्ति और विश्वास प्रेम मिलौ।

1 थिस्सलुनीकियों 5:5

क्याखिनकि तुम सब उज्याला की और दिनेकी सन्तान छा, और हम नै त राता का छा नै अन्यारा का सन्तान छा।

2 थिस्सलुनीकियों 2:16

हम प्रार्थना करनू हमार प्रभु यीशु मसीह थैं और हमार पिता परमेश्वर थैं जेले हमूनथैं प्रेम करछ्य, और जेले अपून अनुग्रह का द्वारा हमून अनन्तकाल खिन तसल्ली और उत्तम आश दी रैछ।

इब्रानियों 6:19

जसीकैं एक ठूलो टुकूड़ो स जियोड़ा में बाँदीभेरन नाव स रोकछी और मजबूत राखछी, उसीकैं यो आश हमार जीवन स रोकछी और मजबूत बना राखछी। जैमें हम आश करनू उ यीशु छै; जो स्वर्ग में महापवित्र जाग में परमेश्वरा का पास ग्योछ।

1 पतरस 1:13

येक कारण, अपून मनून तैयार करा जसीकैं लोग काम करून खिन तैयार हुन खिन अपूनी कमर कसनान। मतलब यो कि, जो कुछ तुम सोचछा उमें तुमून काबू राखून चैछो, और इसो करभेरन अपून जीवन को संचालन पुरी तरीका ले और आत्मविश्वास का दगाड़ करा, उ उद्धार स पाना की आश राखभेरन जो परमेश्वर अनुग्रह ले तुमून देलो जब यीशु मसीह स्वर्ग भटे वापस आलो।

1 पतरस 2:9

लेकिन तुम इसा नाहातिन किलैकी तुम परमेश्वरा का चुनिना का लोग छा तुम परमेश्वरा का याजक छा, जो राजा छै, तुम परमेश्वर की सेवा करून खिन समर्पित छा और तुम परमेश्वरा का खास लोग छा। किलैकी उले तुमून अन्यार में भटे भ्यार अपून अद्धभुत उज्याल में बुलाईना का छा, ताकि तुम परमेश्वरा का अद्धभुत कामून का बारिमें बता सका।

1 यहूना 1:7

लेकिन अगर जसिकै परमेश्वर उज्याला में छै, उसीकैं हम ले उज्याला में हिटा, त हम ले एक-दुसारा दगाड़ संगति राखनू; और उको च्योलो यीशु मसीह को खून हमून सब पापून भटे शुद्ध करछो।