1 थिस्सलुनीकियों 5:11 - सोरियाली नय्या नियम

¹¹ येक कारण एक-दुसरा स हौंसला दी और एक-दुसरा स विश्वास में मजबूत हुन खिन मद्दत करा, जसीकैं तुम यो बखत करछा ले।

1 थिस्सलुनीकियों 5:11 Iomraidhean Croise

रोमियून 14:19

येक कारण हमून उन बातुन की कोशिश करून चैछी, जो शान्ति का कारण बनछी, और एक दुसरा स विश्वास में मजबूत करा।

रोमियून 15:14

हे म्यारा विश्वासी भाईयों, मैं खुद ले तुमार बारिमें जाणछूँ, कि तुम ले खुदै भलाई ले भरिनाका छै; और तुम पुर रीतिले जाणछा की तुमून कि करून चैछो। एक दुसरा स सिखूनै रौ।

रोमियून 15:2

हमून में भटे हरेक अपून दगड़िया विश्वासी खिन उ करून चैंछो, जो उ खिन निको छै और जो ऊस खुश करोलो और जो उक विश्वास स मजबूत बनालो।

1 कुरिन्थियून 10:23

तुमून में भटे थ्वाड़ा कुंनान, कि हम कैले करून खिन आजाद छा। होई, लेकिन हमून खिन सब कुछ ठीक नाहातिन। हम कैले करून खिन आजाद नाहातिना, लेकिन सब कुछ परमेश्वर में हमार विश्वास स मजबूत नै करनो।

1 कुरिन्थियून 14:12

येक कारण तुम ले, जब आत्मिक बरदानून पाना की इच्छा राखछा, जो पवित्र आत्मा तुमून दीछो, त उन बरदानून को इस्तमाल करूना की कोशिश करनै रौ कि उन बरदानून का द्वारा विश्वासीन की मण्डली पुरी रीति ले विश्वास में मजबूत होज्यौ।

1 कुरिन्थियून 14:29

परमेश्वरो को संदेश दिनवालान में भटे द्वी या तीन बोलून, और यो जरूरी छै कि हर कोई सुणो और सोचो और समझो कि, कि जो उ कुंन मर्यान उ पवित्रशास्त्रा का अनुसार सही छी या नाहातिन।

1 कुरिन्थियून 14:5

मैं चाछूँ कि तुम सब अन्य भाषा में बात करा, लेकिन मैं ये है बढ़भेरन यो चाछूँ कि तुम भविष्यवाणी करा, किलैकी उ, जो भविष्वाणी करछो, उ अन्य भाषा बोलुन वाला है जो अनुवाद करिनाका बिना अन्य भाष में बात करछो, बढ़िया छै किलैकी अनुवाद करीजान में विश्वासीन की मण्डली की उन्नति सम्भव हो सकछी।

2 कुरिन्थियून 12:19

तुम लोग यो समझना होला कि अब तक हम तुमार सामुनि अपूनी सफाई दीन मर्या। बात इसी छै कि हम यो सब परमेश्वरेस सामुनि समझभेरन मसीह में कुंनू। हे म्यारा विश्वासी भाईयो, यो सब बात तुमून विश्वास में मजबूत करून खिन करूनमर्यान।

इफिसियून 4:12

उनेरि जिमेदारी यो छै कि उन परमेश्वरा का लोगून उको काम करून खिन तैयार करून, जसीकैं कि मसीह को शरीर जो विश्वासीन की मण्डली छै उ मजबूती ले बढ़ूनै जौ।

इफिसियून 4:16

हम सब जो मसीह में विश्वास करनू, उको शरीर का हिस्सा का नियाती छा। जसा तरीका ले एक आदिमी को शरीर उक पुर जोड़ून का द्वारा एक दगाड़ जुड़ीना को रूछो, और जब शरीरो को हर एक हिस्सा ठीक तरीका ले काम करछो त शरीर बढ़छो और मजबूत हुछो; उसीकैं, जब हमून में भटे हर एक उ काम स करछो जो मसीह ले हमून दी रैछ त हम ले सिद्ध और मजबूत होभेरन बढ़नै जूला, और एक-दुसरा स और ज्यादा प्रेम कराला।

इफिसियून 4:29

कोई गन्दी बात तुमार मुँह भटे नै निकलून, बल्कि उन बातुन कौ जो लोगून खिन जरूरी छन, जो कि उनून विश्वास में मजबूत बनून में मद्दत करून। तब जो केले तुम कौला वह तुमार सुणून वालान को भलो करोलो।

1 थिस्सलुनीकियों 4:10

इसीकैं तुम मकिदुनिया प्रदेशा का सब विश्वासी भाईन का दगाड़ इसो प्रेम हुनो चैछो। लेकिन हे म्यारा विश्वासी भाईयों, हम तुमूनथैं बिनती करनू कि तुम मसीह का प्रेम में और ले बढ़नै रौ।

1 थिस्सलुनीकियों 4:18

येक कारण इन बातूनले एक-दुसरास तसल्ली दीया करा।

1 तीमुथियुस 1:4

झूठ्ठी कहानीन और पूर्वजून का वंशावलीन की सूची में अपूनो बखत बरबाद जन करा, जिनूनले बाद-बिवाद हुछो। इसा तरीका बाद-बिवाद परमेश्वरा का काम करून में मद्दत नै कर सकूनो। इसा तरीका काम तब करि जाना जब कोई परमेश्वर में विश्वास करना।

इब्रानियों 10:25

आ हम कुछ लोगून का नियाती, परमेश्वरै की अराधना करून खिन इकट्ठा हुनो बन्द जन करा। लेकिन हमून एक-दुसरा स हौंसला दीनै रून चैछो और चेतावनी दीनी चैछी, खास कर अब जब कि प्रभु का फिर वापस उनाक दिन नजदीक ऊँन मर्यान।

इब्रानियों 3:13

जब ले तुम पवित्रशास्त्र स “आज का दिन” कुंन सुणछा, त बड़िया तरीका ले जीन खिन हर दिन एक दुसरा स हौंसला बढूनै रौ, अगर नै, त पाप में फसना का द्वारा तुमार मन कठोर हो जाला।

2 पतरस 1:12

हालाकि तुम पैलि भटे इन बातुन जाणछा और जो सच्ची शिक्षा तुमून मसीह का बारिमें मिलीना की छै ऊस मजबूती ले पकड़ भेरन रौ, जो लोगून ले तुमून दीईना की छै, मैं तुमून उनार बारिमें लगातार याद दिलूनै रूलो।

यहूदा 1:20

लेकिन हे म्यारा विश्वासी भाईयो, तुमून एक-दुसरा की मद्दत करनै रून चांछो ताकि उ पवित्र सच्चाई में जिनूनमें तुम विश्वास करछा, एक दुसरा स बढ़ा सकां। तुमून पवित्र आत्मा की सामर्थ ले मार्गदर्शन पाभेरन प्रार्थना करून चांछो।