1 थिस्सलुनीकियों 3:3 - सोरियाली नय्या नियम

³ कि कोई इन दुखून का द्वारा डगमगा नै जौ। क्याखिनकि तुम पैलि भटे जाणछा कि हमून यो सताव सहन करनै छै।

1 थिस्सलुनीकियों 3:3 Iomraidhean Croise

लूका 21:12

यीशु ले फिर क्योछ, “तुम सतर्क रौ, इन बातुन है पैलि लोग म्यारा नामाका कारण तुमोरो विरोध कराला और तुमून पकड़ भेरन सताला, और न्यायालय में सौंप द्याल, और जेल में डाल द्याला, और राजान और मंत्रीन का सामुनि लै ठाँड़ करि जाला।

यहूना 16:2

उन तुमून यहूदी सभाघर में भटे निकाली द्याला, बल्कि उ बखत ऊँन मरियोछ, कि जो कोई तुमून मार डालोल, उ यो समझोलो कि मैं परमेश्वर की सेवा करून मरयूँ।

यहूना 16:33

मैंले यो बात तुमूनथैं येक कारण क्यान, कि तुम म्यारा शिष्य छा शान्ति मिलो। लेकिन हिम्मत राखा, क्याखिनकि मैंले यो संसारा का अधिकारी मतलब शैतान स हरा दीछ।”

प्रेरितून का काम 14:22

और हरेक शैहर में शिष्यून का मन मजबूत करनै र्यान, और यो उपदेश दीनै र्यान, कि विश्वास में बनिना रौ; और यो कुछ्या, हमून भौत दुख मुसीबत सहन करभेरन परमेश्वरा का राज्य में पुजून होलो।

प्रेरितून का काम 2:25

क्याखिनकि राजा दाऊद मसीह का बारिमें लिखछो, मैं प्रभु स हमेशा अपून सामुनि देखनै रयूँ, क्याखिनकि उ म्यारा दैन तरफ छै, मैं उन लोगून है नी डरूलो जो मैंस नुकशान पुजून चाँनान।

प्रेरितून का काम 21:11

उले हमार पास आभेरन पौलुसो को बैलट लीभेरन अपून हात-खुट बादिभेरन क्योछ, “पवित्र आत्मा यो कुंछो, जो आदिमी को यो बैलट छै, ऊस यरूशलम शैहर में यहूदी लोग इसीकैं बादिभेरन गैर-यहूदीन का हात में सौंप द्याला।”

प्रेरितून का काम 21:13

लेकिन पौलुसले उनुस जबाब दीछ, तुम कि करछा? तुम डाड़ मार-मारभेरन मैंस निराश किलैं करछा, मैं प्रभु यीशु मसीहक नाम ले यरूशलम शैहर में नै केवल बाँदि जान खिन पर मरून खिन ले तैय्यार छूँ।

प्रेरितून का काम 9:16

और मैं ऊस बतुलो कि म्यारा बारिमें प्रचार करना का कारण ऊस कसो दुख उठून पड़ोलो।”

रोमियून 5:3

केवल योई नै, लेकिन हम दुख तखलीफ में ले खुशी मनूनू, किलैकी हम जाणनू की हम दुख उठुनू, त बेहतर तरीका ले धैर्य राखून सिखनू,

1 कुरिन्थियून 15:58

येक कारण हे म्यारा विश्वासी भाईयों, अपून विश्वास में मजबूत रौ और गलत शिक्षान का द्वारा जन भटका, प्रभु खिन जो काम तुम करछा उमें हमेशा बढ़नै जा। क्याखिनकि यो जाणछा, कि जो केले तुम प्रभु खिन करला उको ईनाम तुमून जरूर मिलोलो

1 कुरिन्थियून 4:9

मैंस इसो लागून मर्योछ कि परमेश्वर ले हम प्रेरितून विजय-यात्रा में मौते की सजा मिलीनाक कैदीन का सामन सबून है आखरी जाग में राखिना को छै। हम पुर संसार, स्वर्गदूतून और लोगून का सामुनि तमाशा बनग्या।

इफिसियून 3:13

येक कारण मैं विनती करछूँ कि जो दुख तुमून खिन मैंस होर्यान, उक कारण निराश नै हुन चैछो, क्याखिनकि यो सब तुमार फैदा खिन छै।

फिलिप्पिन 1:28

और कोई बात में तुम बिरोध करून वालान है नै डरना। तुमेरि हिम्मत उनून खिन बिनाश की साफ निशानी छै, लेकिन तुमून खिन परमेश्वरा का तरफ भटे मुक्ति को इशारा छै।

कुलुस्सियून 1:23

अगर तुम मसीह में विश्वास करछा, त तुमोरो विश्वास उमें मजबूत रून चैछो, ठीक उ घरा का नियाती जो मजबूत बुनियाद में बनिना को छै। और हमून उ सुसमाचार में विश्वास करभेरन जो उमीद हमून मिलछी उ जन छोड़ा। जैको प्रचार पुर संसार का लोगून में करि ग्योछ, और सुसमाचार को प्रचार करून खिन, मैं पौलुस सेवक बन्यूँ।

1 थिस्सलुनीकियों 5:9

क्याखिनकि परमेश्वरले हमून येक कारण नै चुन रैछ अपून क्रोध ले हमून सजा दे, बल्कि हमून येक कारण चुन रैछ कि हम अपून प्रभु यीशु मसीह की जरियाले मुक्ति पा सका।

2 थिस्सलुनीकियों 1:4

येक कारण हम परमेश्वरा का विश्वासीन की मण्डली में तुम लोगून का बारिमें गर्व करनू, हलाकि, तुम परीक्षान में होभेरन जाछा, फिरले तुम धैर्यपूर्वक सहनै रूछा और तुम अब ले यीशु मसीह में विश्वास करछा।

2 तीमुथियुस 1:8

येक कारण तैं हमार प्रभु यीशु मसीह का बारिमें बतून में शर्मिन्दा जन हो, और नै तैंस यो बात में शर्म उनी चैछी मैं उकी सेवा करून में कैद में छूँ, बल्कि तैंस उ सामर्थ को इस्तमाल करून चैछो, जो परमेश्वर तैंस दीछो, और तैंस म्यारा दगाड़ उन दुखून में शामिल ले हुन चैछो, जो मैं सुसमाचार कारण सहन करून मरयू।

1 पतरस 2:21

परमेश्वरा का द्वारा तुमून चुनी जाना को यो कारण छै कि उखिन भल काम करभेरन दुखून सहन करा। किलैकी मसीह ले तुमून खिन दुख सहन करिना का छन, उ तुमून खिन एक उदारण छै। येक कारण तुमले ऊसोई काम करा जसो मसीह ले कर्यान।

प्रकाशितवाक्य 2:10

उन दुखून भटे जन डर जो तैंस मिलाला। शैतान तुम में भटे थ्वाड़ा लोगून जेलखान में डालून वाला छै ताकि उ तुमेरि परीक्षा कर सको। तुम दस दिनून तक भौत मुसीबतून में रौला। पर मैंमें विश्वास करूनो कभै नी छोड़ला, चाहे तुमून मरनोई क्याखिन नै पड़ो, किलैकी मैं तुमून तुमेरि जीत को ईनामा का रूप में अनन्त जीवन द्यूलो।

प्रकाशितवाक्य 2:13

मैं जाणछूँ कि तैं उ जाग में रूँ छै जाँ शैतान राज्य करछो। तैं म्यारा प्रति विश्वासयोग्य बनिनाको रैछ और मैं-में विश्वास करून कभै बंद नै कर्यो। तैंले उ बखत ले विश्वास करछै जब उनूनले अन्तिपास स वाँ मार डालछै जाँ शैतान राज्य करछो। अन्तिपास ले लोगून म्यारा बारिमें विश्वासयोग्यता ले बताछ।