1 थिस्सलुनीकियों 3:2 - सोरियाली नय्या नियम

² और हमूले तीमुथियुस तुमार पास भेजछ्य, जो मसीह को सुसमाचार में हमोरो भाई और परमेश्वरो को सेवक छै, कि उ तुमार विश्वास स मजबूत करौ, ताकि तुमोरो विश्वास यीशु मसीह में लगातार बनिना को रौ।

1 थिस्सलुनीकियों 3:2 Iomraidhean Croise

प्रेरितून का काम 16:1

येक बाद उन दिरबे और लुस्त्रा शैहरून में लै ग्यान, और लुस्त्रा में तीमुथियुस नामोको एक शिष्य रूछो। उकी ईजा एक यहूदी विश्वासी छी, लेकिन उको बबा यूनान देशो को छ्यो।

प्रेरितून का काम 16:5

इसीकैं वाँक विश्वासीन को भरोस मजबूत और उनेरि गिनती लै हर रोज बढ़नै गैछ।

प्रेरितून का काम 18:5

जब सिलास और तीमुथियुस मकिदुनिया प्रदेश भटे आयान, तब पौलुसले अपून तम्बू बनूना को काम बंद कर दीछ और अपून पुरो बखत बचन सुणून में बितूंछो, और यहूदीन यो गवाही दिन लागछो कि यीशु ही मसीहा छन।

रोमियून 16:21

म्यारा दगाड़ प्रभु की सेवा करूनवाला तीमुथियुस, और म्यारा जातिक लोग लूकियुस और यासोन और सोसिपत्रुस को तुमून नमस्कार।

1 कुरिन्थियून 3:10

परमेश्वरा का उ बरदानाक अनुसार, जो मैंस दीई ग्योछ, मैंले बुद्धिमान मिस्त्री का नियाती नींव डालछ्य, और अब कोई दुसोरो उ घर स बनून मर्योछ। लेकिन हरेक आदिमी सतर्क रौ, कि उ, उ नींव में उ घर स कसीकैं बनून मर्योछ।

1 कुरिन्थियून 4:17

येक कारण मैंले तीमुथियुस स जो प्रभु में म्येरो प्रिय और भरोसामंद च्यालाक नियाती छै, तुमार पास भेज रैछ। उ तुमून याद करालो कि, यीशु मसीहक शिष्य हुना का नाता मैं जो काम करछूँ और जसीकैं जीवन जीछूँ। जसकैं कि मैं हरेक जाग हरेक विश्वासीन की मण्डली में शिक्षा दीछूँ।

2 कुरिन्थियून 1:1

प्रभु यीशु को प्रेरित हुन खिन परमेश्वरा का इच्छा ले मैंस चुनिना को छै और मैं याँ हमारा विश्वासी भाई तीमुथियुस का दगाड़ छूँ जो मेरि मद्दत करछो। मैं पौलुस यो चिठ्ठी कुरिन्थुस शैहरा का विश्वासीन की मण्डली, और अखया प्रदेशा का सब परमेश्वरा का लोगून खिन लिखूनमरयूँ।

2 कुरिन्थियून 1:19

किलैकी परमेश्वरो को च्योलो यीशु मसीह जैले हमार द्वारा, मतलब म्यारा और सिलवानुस और तीमुथियुस का द्वारा तुमार बीच में प्रचार भ्योछ; उमें “हाँ” और “ना” द्वीवै नै छी; लेकिन उमें “हाँ” की “हाँ” भैछ।

2 कुरिन्थियून 2:12

जब मैं त्रोआस शैहर में मसीह को सुसमाचारो को प्रचार करून खिन आयू, त वाँ परमेश्वरे ले मैंस सुसमाचार प्रचार करना को भौत ठूलो मौका दीछ।

2 कुरिन्थियून 2:13

मैंले अपून विश्वासी भाई तीतुस स तुमार तरफ भटे समाचार लियून नै देख्यो, येक कारण त्रोआस शैहरा का विश्वासीन भटे विदा होभेरन मैं अपून विश्वासी भाई तीतुस स खोजून खिन मकिदुनिया प्रदेश में वापस आयू।

2 कुरिन्थियून 8:23

अगर कोई तीतुस का बारिमें पुछो, त उ म्येरो दगड़िया, और तुमून खिन म्येरो सहकर्मी छै, और अगर हमार विश्वासी भाईन का बारिमें पुछून, त उन विश्वासी की मण्डली खिन भेजिना का और मसीह को सम्मान करनान।

फिलिप्पिन 1:25

येक कारण मैंस येको भरोसा छै, और मैं जाणछूँ कि मैं ज्यून रूलो, बल्कि तुम सबून का दगाड़ रूँलो, जेले मैं तुमून विश्वास में मजबूत करून और उमें खुश रून में तुमेरि मद्दत ले करूलो।

कुलुस्सियून 1:1

मैं पौलुस, जो परमेश्वर की इच्छा का द्वारा यीशु मसीह को प्रेरित छूँ, और विश्वासी भाई तीमुथियुस का तरफ भटे,

कुलुस्सियून 1:7

उकी शिक्षा तुमूले हमार प्रिय दगड़िया इपफ्रास भटे सिखछै, जो हमून खिन मसीह को सच्चो सेवक छै।

कुलुस्सियून 4:12

इपफ्रास, जो तुमार या को छै, और यीशु मसीह को दास छै, तुमून नमस्कार करछो। और हमेशा तुमून खिन लगातार प्रार्थना करछो, जेले तुम लोग सब बातुन में सिद्ध होभेरन पुर विश्वास का दगाड़ परमेश्वर की इच्छा में मजबूत रौ।

कुलुस्सियून 4:9

और उक दगाड़ मैंले उनेसिमुस ले भेज रैछै; जो विश्वासयोग्य और प्रिय भाई तुमार याई भटे छै। यो तुमून याँ कि सारी बात बता द्याला।

1 थिस्सलुनीकियों 3:13

और हम प्रार्थना करनू कि हमोरो प्रभु यीशु मसीह तुमार मनून स्थिर करौ कि जब हमोरो प्रभु यीशु अपून सब पवित्र लोगून का दगाड़ दुबारा आलो, त उन हमार पिता परमेश्वरा का सामुनि पवित्रता में निर्दोष ठहरून।

1 थिस्सलुनीकियों 3:5

येक कारण जब मैं और सहन नै कर सकयू, कि यो नै जाणभेरन कि हालात कसा छन, मैंले तीमुथियुस स तुमार पास भेजछ कि तुमोरो विश्वास मजबूत छी या नाहातिनी। मैंस यो बात को डरछ्यो, कि परीक्षा करून वालान शैतान ले तुमेरि परीक्षा करि होलि, और हमरि मेहनत बेकार होगै होलि।

2 थिस्सलुनीकियों 2:17

मैं प्रार्थना करछूँ कि पिता परमेश्वर और प्रभु यीशु मसीह तुमार मनून में साहस भरून और जो निको छै ऊस हमेशा करनै रून खिन तुमून मजबूत करून।