1 थिस्सलुनीकियों 3:12 - सोरियाली नय्या नियम

¹² और हम यो ले प्रार्थना करनू कि प्रभु इसो करौ कि, जसो हम तुमून प्रेम करनू, ऊसोई तुम ले एक-दुसारा स प्रेम करा, और सब लोगून में तुमार प्रेम बढ़नै जौ।

1 थिस्सलुनीकियों 3:12 Iomraidhean Croise

मत्ती 22:39

और येक समान दुसोरो हुकुम यो छै कि जसो प्रेम तैं अपनास करछै, ऊसो प्रेम अपून पड़ोसिन का दगाड़ ले कर।

मत्ती 7:12

येक कारण जो ले तुम चाँछा कि लोग तुमार दगाड़ करून, तुम ले उनार दगाड़ ऊसोई ब्यवहार करा, क्याखिनकि मूसा नियम और परमेश्वरो को संदेश दिनवालान को लेखना को अर्थ योई छै।

लूका 17:5

तब प्रेरितून ले प्रभु यीशु थैं क्योछ, हमोरो विश्वास मजबूत कर।

रोमियून 13:8

तुम सबून केवल एक बातोको कर्जदार हुन चैछो, और उ यो छै की तुम सब एक दुसरा थैं प्रेम करा किलैकी जो दुसरान प्रेम राखनान, उले नियम-कानून पुरी करिनाका छन।

2 कुरिन्थियून 9:10

परमेश्वरै छै जो किसान खिन बी और फिर खान खिन रोटो दीछो। उसीकैं, तुमार पास जो छै ऊस परमेश्वर बढ़ालो, ताकि तुम जरूरतमंद लोगून की और ले मद्दत कर सका।

गलातियों 5:22

उ गुण जो परमेश्वरा का आत्मा का द्वारा उत्पन्न हुनान, उन यो छन, प्रेम, आनन्द, शान्ति, धीरज, और दया, भलाई, और भरोसामंद, नम्रता और अपून आप में काबू राखून।

गलातियों 5:6

अगर तुम मसीह यीशु का शिष्य छा त यो बात ले कोई फरक नै पड़नो कि तुमोरो खतना होईना को छी या नाहातिन। लेकिन जरूरी बात यो छै, कि हम मसीह में विश्वास करनू, और हम परमेश्वर और दुसारा लोगून का प्रति प्रेम राखनू।

फिलिप्पिन 1:9

और मैं यो प्रार्थना करछूँ, कि एक-दुसारा खिन तुमोरो प्रेम ज्ञाना का दगाड़ पुरी समझ ले बढ़नै जौ।

1 थिस्सलुनीकियों 2:8

हम तुमून इतुक प्रेम करनू कि केवल परमेश्वरो को निको सुसमाचार सुणून खिन नै बल्कि तुमून खिन अपूनो प्राण दिन खिन तैय्यार छ्या, येक कारण कि हम तुमून भौत प्रेम करनू।

1 थिस्सलुनीकियों 4:1

आखरी में हे म्यारा विश्वासी भाईयों, हम प्रभु यीशु का नामले तुमूनथैं बिनती करनू और तुमून समझुनू, कि तुम इसीकैं जीवन जीया, जो परमेश्वर स खुश करछो, जसो हमूले तुमून सिखाछ। कि तुम पैलि भटे इसा तरीका जीन्दगी जीछा, और हम तुमून इसो करनै रून खिन और उत्साहित करनू।

1 थिस्सलुनीकियों 5:15

ध्यान राँखा, कि तुम बुराईन का बदला बुराई जन करा; पर हरेक विश्वासीन और सब लोगून खिन हमेशा भलाई काम करून तैयार रौ।

2 थिस्सलुनीकियों 1:3

हे म्यारा विश्वासी भाईयों, तुमार बारिमें हमून हमेशा परमेश्वरो को धन्यवाद करून चैछो। इसो करूनो ठीक ले छै, क्याखिनकि तुमोरो विश्वास यीशु मसीह में बढ़नै जानमर्योछ, और एक-दुसारा खिन ले तुमोरो प्रेम बढ़नै जानमर्योछ।

याकूब 1:17

क्याखिनकि हरेक निको बरदान और हरेक भौत बड़िया दान परमेश्वरा का तरफ भटे मिलछो, जैले आकाश में उज्याला स बानाछ। उन उज्याला की परछाई बदलनै रूछी लेकिन परमेश्वर कभै नै बदलनो।

2 पतरस 1:7

तुमून सिर्फ इसीकैं जीवनई नै जीना चैनो जो परमेश्वरेस खुश करछो, बल्कि तुमून विश्वासीन अपून परिवारा का लोगून की नियाती प्रेम करून चैछो, और तुमून सिर्फ विश्वासीन का दगाड़ अपून परिवारक लोगून का नियाती प्रेम करूनो चैछो, बल्कि तुमून सब लोगून प्रेम करून चैछो।

2 पतरस 3:18

बल्कि तुम इसीकैं जीवन बिता कि तुम हमार मुक्तिदाता यीशु मसीह का अनुग्रह और ज्ञान में बढ़नै जा और ऊस बड़िया तरीका ले जाण सका। उकी महिमा अब ले और हमेशा हुनै रौ। आमीन।