1 थिस्सलुनीकियों 2:9 - सोरियाली नय्या नियम

⁹ हे म्यारा विश्वासी भाईयो, तुम हमार काम और मेहनत स याद राखछा; येक कारण हमूले रात-दिन काम धन्धा करभेरन तुमार बीच में परमेश्वरो को सुसमाचार को प्रचार करछ्य, कि हमून तुमूनथैं भटे के लीना की जरूरत नै पड़ौ।

1 थिस्सलुनीकियों 2:9 Iomraidhean Croise

लूका 18:7

त क्या परमेश्वर अपून चुनिना का लोगून को जल्दी न्याय नै करलोई, जो रात-दिन उक सामुनि रून कलानो करनान? और क्या उ उनार बार में देर करोलोई?

लूका 2:37

और उ विध्वा चौरासी साल की छी, और उ मन्दिर नी छोड़ छी, लेकिन उ उपवास और प्रार्थना करभेरन रात-दिन परमेश्वर की सेवा में लाग रूछी।

प्रेरितून का काम 18:3

पौलुस और अक्विला को एकसो ब्यापार छ्यो, येक कारण पौलुस वाँ रैभेरन उनार दगाड़ काम करून लागछै, और उन द्वीवैन को तम्बू बनूना को काम छ्यो।

प्रेरितून का काम 20:24

पर मेरि नजर में मेरि जीन्दगी की के कीमत नाहातिन, मैं बश यो काम पुर करून चाँछू जो प्रभु यीशु ले मैंस सौंप रैछ, कि जो मैंले अनुग्रह का सुसमाचार में गवाही दीन खिन प्रभु भटे मैंस मिल रैछ।

प्रेरितून का काम 20:31

येक कारण चौकून्ना रया, और यो ले याद राख्या कि मैं इन चीजून का बारिमें तीन साल तलक भौत आँसू बगाभेरन मैं तुमून रात-दिन खबरदार करनै रयूँ।

रोमियून 1:1

मैं पौलुस यो चिठ्ठी स लिखछूँ, जो यीशु मसीह को सेवक छूँ, परमेश्वरे ले मैंस प्रेरित हुन खिन चुन छै, और परमेश्वरा का तरफ भटे उ सुसमाचारो को प्रचार करून खिन अलग करिनाको छूँ।

रोमियून 15:16

कि मैं गैर-यहूदी लोगून खिन मसीह यीशु को सेवक होभेरन एक याजक की नियाती परमेश्वरे की सुसमाचार की सेवा करूँ। इसीकैं मैं उनून एक भेंटा का रूप में परमेश्वरा का पास ल्या सकछूँ जैले उ खुश छन, किलैंकी पवित्र आत्मा ले उनून शुद्ध कर रैछ।

रोमियून 15:19

मैं पवित्र आत्मा द्वारा दी गै सामर्थ ले चकित काम और चमत्कार करछूँ। येक कारण जाँ ले मैं यरूशलम शैहर भटे इलिरिकम शैहर गयूँ, मैंले वाँ सबे लोगून, यीशु मसीह का बारिमें सुसमाचार सुणूछूँ।

1 कुरिन्थियून 4:12

और अपून हातून ले काम करभेरन मेहनत करनू। लोग बुरो कुंनान, हम उनून आशीष दीनू उन सतूनान, हम सहनू।

1 कुरिन्थियून 9:15

लेकिन मैंले इनून में भटे कैको ले इस्तमाल नै कर्यो, मैं यो बात येक कारण नै लिखूनमरयूँ ताकि अब तुम मैं खिन कुछ करा। मैं तुमूनथैं पुछनाक बजाय मर ज्यूलो क्याखिनकि अगर मैंस तुमूनथैं मजूरी मिलेली त मैं यो दावा नै कर पालो कि मैंले बिना मजूरी लिये तुमून खिन काम करछ्य।

1 कुरिन्थियून 9:18

तब कि छै म्योरो ईनाम? यो कि मैं यीशु मसीहक सुसमाचारो को प्रचार मुफ्त मैं करनै रू, यो मेरि तनखा छै, मैं खिन यो संभव छै कि मैं बिना तनखाक सुसमाचार सुणू, भले मैं अपून खर्च खिन माँगना को अधिकार छै।

1 कुरिन्थियून 9:4

मैं और बरनबास स, प्रेरित हुना को कारण अधिकार छै कि हम तुमूनथैं अपून काम खिन आर्थिक मद्दत ल्या।

2 कुरिन्थियून 11:27

मैंले भौत रातून जाग भेरन, भुखो-प्यासो रैभेरन, मैंस भौत बार खान खिन नै मिल्यो, सर्दी और थ्वाड़ा कपड़ान में रैभेरन कड़ी मेहनत करछ्य और भौत मुसीबतून झेलीना को छै।

2 कुरिन्थियून 11:9

और जब मैं तुमार दगाड़ छ्यू, और जब मैंस पैसान की जरूरत छी, तब ले मैंले तुमून परेशान नै कर्यो। किलैकी मकिदुनिया प्रदेशा का विश्वासी भाईन ले आभेरन पैसा दीभेरन मेरि जरूरत पुरी करछ्य। मैंले हर बात में तुमून परेशान नै कर्यो, और मैं ऊँन वाला दिनून में ले तुमून परेशान नी करूँलो।

2 कुरिन्थियून 6:5

हमून कोड़ा ले मारी ग्योछ, जेल में डाली ग्योछ, हम में भीड़ ले उपद्रव करछ्य। हमूले भौत मेहनत करछ्य, हम रात-रात भर जाग और भुखा रया।

फिलिप्पिन 4:16

इसीकैं जब मैं थिस्सलुनीके नगर में छ्यूँ; तब ले तुमूनले मेरि जरूरत पुरी करून खिन कई बार मैंखिन रूपाया भेजियान।

1 थिस्सलुनीकियों 1:3

जब हम पिता परमेश्वर थैं प्रार्थना करनू, त हम उन कामून याद करनू जो तुम विश्वास का कारण करछा, और विश्वासीन की मद्दत करून खिन भौत मेहनत करछा, क्याखिनकि तुम उनून प्रेम करछा, और तुम धीरज का दगाड़ सताव सहछा, क्याखिनकि तुम प्रभु यीशु मसीह का वापस उनाकी आश राँख छा।

1 थिस्सलुनीकियों 2:2

तुम खुदै जाणछा कि तुमार पास उन है पैलि हमूले फिलिप्पी शैहर में कतुक दुख उठाछ। फिरले परमेश्वर ले हमून इतुक हिम्मत दीछ, कि तुमार शैहरा लोगून का द्वारा हमोरो भौत बिरोध हुना का बाद ले हमूले परमेश्वरो को सुसमाचार तुमून सुणाछ।

1 थिस्सलुनीकियों 2:6

हम यीशु मसीहक प्रेरित हुना का कारण तुमूनथैं मद्दत पाना को हम हकदार छ्या, फिरले हम लोगूनथैं आदर नै चाँना, और नै तुमूनथैं, और नै कैथैंई।

1 थिस्सलुनीकियों 3:10

हम लगातार भौत प्रार्थना करनै रूनू, कि तुमूनथैं दुबारा मिल सका और जो जरूरी छै तुमून सिखा सका, ताकि तुम पुर तरीका ले प्रभु यीशु मसीह में विश्वास कर सका।

1 तीमुथियुस 1:11

यो सही शिक्षा हमार परमधन्य परमेश्वरे की महिमा का बारिमें सुसमाचार का अनुसार छै, जो मैंस प्रचार करना की जिमेदारी दी रैछ।

1 तीमुथियुस 4:10

हम यो जीवन स पान खिन भौत मेहनत और संघर्ष करनू, क्याखिनकि हमोरो भरोसा जीवित परमेश्वर में छै, जो सब लोगून को मुक्तिदाता छै खास करभेरन उनोरो जो उमें विश्वास करनान।

1 तीमुथियुस 5:5

जिन विध्वान का पास उनेरि जरूरत पुरी करून खिन और उनेरि देखभाल करून खिन कोई नाहातिन, और उ परमेश्वर मेंई भरोस राखभेरन रात-दिन प्रार्थना और बिनती में लागिना की रूनान।

2 तीमुथियुस 1:3

जब ले मैं परमेश्वर थैं प्रार्थना करछूँ, मैं हमेशा तेरो नाम याद करछूँ और परमेश्वरो को धन्यवाद करछूँ। जैकी मैं और म्यारा पूर्वज ले साफ मन ले सेवा करछ्य।