1 थिस्सलुनीकियों 2:5 - सोरियाली नय्या नियम

⁵ तुम जाणछा, कि हम नै त कभै चापलूसी बात करछ्या, और नै हमूले कभै रूपयान खिन इसो करछ्य, यो बात को परमेश्वर गवा छै, कि हम इसा लोग नाहातिन।

1 थिस्सलुनीकियों 2:5 Iomraidhean Croise

मत्ती 22:16

तब उनूनले हेरोदेस राजा कुछ समर्थक और फरीसी लोगून यीशु का पास यो कुंन खिन भेजियान, कि “गुरू! हम यो जाणनू, कि तैं हमेशा सच्चो छै, और सच्चाई ले परमेश्वरो को बाटा की शिक्षा दीछा, और कैकी परवाह नै करना, क्याखिनकि तैं लोगून को मुँख देखिभेरन बात नै करनै।

मत्ती 23:13

फिर यीशु ले क्योछ, “हे कपटी मूसा का नियम सिखून वालान और फरीसी लोगों तुमून में धिक्कार हो! तुम लोगून खिन स्वर्ग राज्य को बाटो बन्द करछा, और नै खुद उमें चलछा और नै लोगून उ बाट में जान दीछा।

प्रेरितून का काम 20:33

मैंले कभै कैको चाँदी, सुन और कपाड़ान को लोभ नै कर्यो।

रोमियून 1:9

परमेश्वर जिनरी सेवा मैं अपून पुर मन ले उनार च्यालाक बारिमें सुसमाचार लोगून सुणाभेरन करछूँ, उई मेरि गवाही छै, कि मैं तुमून अपूनी प्रार्थना में लगातार याद करछूँ।

रोमियून 16:18

क्याखिनकि इस लोग हमार प्रभु यीशु मसीह का नाहातिन, लेकिन अपून फैदा खिन सेवा करनान, और इन लोग चिकनी-चुपड़ी बात करभेरन सीधा-सादा मनाका लोगून बहका दीनान।

रोमियून 9:1

मैं मसीह में सच्ची कुछूँ, कि मैं झूठ नै बोलनू और म्योरो जमीर ले पवित्र आत्मा में गवाही दीछो।

2 कुरिन्थियून 12:17

तुमी बता, जिन लोगून मैंले तुमार पास भेजछ्य, क्‍या मैंले उनूनमें भटे केका द्वारा तुमूनथैं गलत फैदा उठाछी?

2 कुरिन्थियून 2:17

किलैकी हम उन भौतून का नियाती नाहातिन, जो परमेश्वरा का बचन स अपून फैद खिन प्रचार करनान; लेकिन हम परमेश्वरा का बचन को प्रचार सच्चाई और मसीहक अधिकाराक दगाड़ करनू, यो जाणभेरन कि परमेश्वर हमून देखून मर्योछ।

2 कुरिन्थियून 4:2

लेकिन हमूले शर्मनाक और गुप्त कामून छोड़ दी है छै, और नै हम छल-कपट करनू, और नै परमेश्वरै का बचन स अपून फैदा खिन सुणूनू लेकिन हम परमेश्ररा का सामुनि सिर्फ सत्य बतूनू, ताकि हर आदिमी यो गवाही दे, कि हम सच्ची कुंन मर्या।

2 कुरिन्थियून 7:2

हमून अपून पुर दिल ले प्रेम करा। हमूनले नै केको के बुरो करिना को छै, नै कैसे आर्थिक नुकशान करछ्य, और नै कैसे अपून फैदा खिन ठग छै।

गलातियों 1:20

देखा, जिन बातुन मैं तुमून लिखछूँ, परमेश्वर जाणछो कि जो मैं तुमून लिखूनमरयूँ, उ पुर तरीका ले सच्ची छै।

1 थिस्सलुनीकियों 2:10

तुम खुद यो बात का गवाह छा, और परमेश्वर ले गवाह छै, कि तुम सब विश्वासी का दगाड़ हमोरो ब्यवहार कतुक सच्चो और धार्मी और निर्दोष छ्यो।

1 तीमुथियुस 3:3

उ शराबी और मारपीट करूनवाला नै हो, नै झगड़ालू हो, और नै धनो को लालची हो, लेकिन उ शान्त स्वभाव हो।

1 तीमुथियुस 3:8

विश्वासी अगुवान का नियाती सेवकून ले आदर का योग्य और ईमानदार हुन चैछो, और उ शराब पिन वाला और लालची नै हो।

तीतुस 1:7

क्याखिनकि अगुवान परमेश्वरा का मुन्सी हुना का कारण निर्दोष हुन चैछो; नै जिद्दी, नै क्रोधी, नै पियक्कड़, नै मारपीट करनवालो, और नै नीच कमाईको लालची हो।

1 पतरस 5:2

जसकैं ग्वाला अपूनी भेड़ून की रखवाली करनान, उसीकैं तुमून ले हर विश्वासी की रखवाली करूनी चैछी जिनून परमेश्वरेले तुमेरि देखभाल में राखिना को छै। यो सेवा स अपूनी इच्छा ले करा, किलैकी परमेश्वर योई चाछो कि तुम इसो करा। इसो सिर्फ येक कारण जन करा किलैकी तुमून इसो करून खिन मजबूर करि ग्योछ, और नै यो काम येक कारण करा कि तुम धन कमून चाँछा लेकिन सिर्फ परमेश्वर और लोगून की सेवा करून खिन करा।

2 पतरस 2:18

जब झूठ्ठा शिक्षक लोगून शिक्षा दीनान, तो उन बेकार और घमण्ड ले भरिना क शब्दून को इस्तमाल करनान। उन लोगून बतुनान कि उन-उन बेशर्मी का कामून कर सकनान जो उनार शरीर करून चानान और उन लोगून फिर पाप करून खिन भरमा दीनान जो यैले-यैले इसा बुराई का जीवन ले बचभेरन निकलनान।

2 पतरस 2:3

इन सिखून वाला लालची होला, और उन बनि-बनाई कहानीन सुणाभेरन तुमून ध्वाका द्याला ताकि तुमूनथैं चीजून प्राप्त कर सकून। परमेश्वरे ले भौत बखत पैलि फैसला कर हलछ्यो कि उ उनून सजा द्याला और उन करून खिन तैयार छन। उन जरूर उनून नाश कर द्याला।

यहूदा 1:11

उन लोगून में हाय। किलैकी उनूनले आदमा का पुत्र कैनाक नियाती दुष्टताले ब्यवहार करिना को छै, जैले अपून भाई की खून कर दीछ किलैकी उ उखिन जलछ्यो, किलैकी परमेश्वरेले उक भाई को बलिदान स स्वीकार करछ्य और उक बलिदान स स्वीकार नै कर्यो। उन बिलाम की नियाती छन, जैले परमेश्वरा का लोगून पाप करून खिन उसकूना की कोशिश करछ्य, ताकि उ, उ धन स पा सको। उन कोरह का नियाती नाश हो जाला, जैले उ अधिकार का खिलाफ में बिरोध करछ्य जो परमेश्वरेले मूसास दीईना छ्यो।